2 पतरस 3:11 - Halbi

¹¹ जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,

परमेस्वर को सच्चो वचन ख जाननू

¹¹ काहे कि यू सब चीज हुन से पिघलन वाली हैं, ते तुम ख सुध्द चाल चलन अर भक्ति म कसो अदमी होनू चहिए,

2 पतरस 3:11 Iomraidhean Croise

मत्ती 8:27

आउर हुनमन भकवा होऊन बोलुक मुरयाला, “ऐ कसन माने आय कि लेहरा धुका आउर पानी बले हुनचो हुकुम मानु आत।”

रोमियो 13:11

समया के चिताऊन भाती असने ची करा, ऐईकाजे कि अदायं तुमचो काजे नींद ले चेतुन उठतोर समया अमरली से; कसनबल्लोने जोन समया आमी बिश्वास करू रलु, हुन समया चो बिचार ले अदायं आमचो मुक्ति लगे आसे।

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

1 थिस्सलुनीकियो 1:5

कसनबल्लोने आमचो नगतखबर तुमचो लगे ना मात्र शब्द मात्र ची ने मान्तर सामरत आउर पवितर आत्मा ने, आउर बड़े तय चो संगे पहुँचली से; जसन तुमी जानेसास कि आमी तुमचो काजे तुमचो मंजी ने कसन बनुन जाऊ रऊँ।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

1तीमुथियुस 6:3

अगर कोनी आउर ची परकार चो उपदेश देऊ आय आउर खर गोठमन के, बल्लोने आमचो परबु ईशु मसीह चो गोठमन के आउर हुन उपदेश के नी माने, जोन भक्ति चो अनुसार आय,

1तीमुथियुस 6:6

मान्तर संतुष्ट संगे भक्ति बड़े कमाई आय।

इब्रानियो 13:5

तुमचो स्वभाव ने लालच नी रओ, आउर जोन तुमचो लगे आसे हुनी थाने सन्तोष करा; कसनबल्लोने हुन खुद ची बल्लो से, “मय तुके केबीई नी छांडेदे, आउर ना केबीई तुके ठुकरायेंदे।”

याकूब 1:24

ऐईकाजे कि हुन आपन खुद के दकुन भाती जाते जाऊ आउर तुरते भुलकुन जाऊ आय कि मय कसन रये।

याकूब 3:13

तुमनमन ने गिआनी आउर समजदार कोन आय? जोन असन होओ हुन आपलो काममन के अच्छा चाल-चलन ले हुन नम्रता संगे परकट करो जोन गिआन ले उपजास होऊ आय।

1 पतरस 1:15

मान्तर जसन तुमचो हाग देऊ बिता पवितर आय, हुसने ची तुमी बले आपलो सपाय चाल-चलन ने पवितर बना।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,

2 पतरस 3:10

मान्तर परबु चो दिन चोर चो असन ऐये दे, हुन दिने बादरी बड़े घुड़-घुड़ चो शब्द ले जाते रये दे आउर तत्व खुबे ची तपुन भाती गलुन जादे आउर धरतनी आउर हुन थानचो काम जरून जाय दे।

2 पतरस 3:12

आउर माहापुरू चो हुन दिन चो बाट कोन रीति ले टाकतोर आसे आउर हुनचो झटके ऐ तो काजे कसन कोशिश करतोर आय, जेचो लागुन बादरी आईग ले गलुन जाय दे, आउर बादरी चो गढ़ खुबे ची तपुन भाती गलुन जाय दे।