2 पतरस 2:2 - Halbi

² खुबे असन हुनमन चो असन ढीलाढाला कर दे, जेचो लागुन सत चो बाट चो निन्दा करा जाय दे।

परमेस्वर को सच्चो वचन ख जाननू

² बेजा से उन को जसो चुलपन करेगों, जेका लाने सच को रस्ता कि बुराई कि जाहे।

2 पतरस 2:2 Iomraidhean Croise

मत्ती 22:16

आउर हुनमन आपलो चेलामन के हेरोदीमन चो संगे हुनचो लगे ऐ बोलुक पठाला, “हे गुरू, आमी जानु कि तुय सत आस, आउर माहापुरू चो बाट सत धरम ले सिकाऊ आस, आउर काचीई फिकर नी करीस, कसनबल्लोने तुय मानेमन चो थोमना दकुन भाती गोठ नी गोठयाईस।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

मत्ती 7:14

कसनबल्लोने साकुड़ आय हुन कपाट आउर मशकिल आय हुन बाट जोन जीवना ने पोंचाऊ आय; आउर खिन्डिक असन आसोत जोन हुनके पाऊ आत।

मरकुस 12:14

हुनमन ऐऊन भाती हुनचो ले बल्ला, “हे गुरू, आमी जानु, कि तुय सत आस, आउर काचीई फिकर नी करीस; कसनबल्लोने तुय मानेमन चो थोमना दकुन भाती गोठ नी गोठयाईस, मान्तर माहापुरू चो बाट सत धरम ले सांगु आस। तेबे काय राजा के कर देतोर नगत आय कि नुआय?

मरकुस 13:22

कसनबल्लोने झूठा मसीह आउर फंदी अगम गिआनी उठून उबा हो दे, आउर चिना आउर भयंकर काम दका दे कि अगर होऊक सको तो चुनलो बितामन के बले भरमादे।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

प्रेरितो 13:10

“हे सपाय कपट आउर सपाय चलाक ले भरलो शयतान चो पिला, थोमना धरम चो बयरी, काय तुय परबु चो सीदा बाटमन के टेड़ा करूक नी छांडीस?”

प्रेरितो 14:2

मान्तर बिश्वास नी करतो बितामन यहूदीमन दुसर जातिमन चो मन भाईमन चो बिरूद ने हुच हुचाला, आउर मनमुटाव पयदा करून दिला।

प्रेरितो 16:17

हुन पौलुस चो आउर आमचो पाटकुती ऐऊन भाती चिचयाऊक मुरयाली, “ये माने परमपरधान माहापुरू चो दास आत, जोन आमके मुक्ति चो बाट चो कथा सुनाऊ आत।”

प्रेरितो 18:26

हुन आराधना घर ने नी डर होऊन भाती बोलुक मुरयालो, मान्तर प्रिसकिला आउर अकविला हुनचो गोठमन सुनुन भाती हुनके आपलो थाने नीला आउर माहापुरू चो बाट हुनके आउर बले ठीक-ठीक सांगला।

प्रेरितो 19:9

मान्तर जिदलदाय खिन्डिक लोगमन कटर होऊन भाती हुनचो नी मानला मान्तर लोगमन चो पुरे ऐ बाट के खराप बोलुक मुरयाला, तेबे हुन हुनमन के छांडुन दिलो आउर चेलामन के अलगाऊन दिलो, आउर रोजे दिना तुरन्नुस चो गिआनगुड़ी ने गोठ बात करते रलो।

प्रेरितो 22:4

मय माने आउर बायले लेकी दुनो के बान्दुन भाती आउर जयलघर ने ढाकुन भाती, ऐ बाट के ऐथा ले कन्दराले कि हुनमन के मराऊन बले दिले।

प्रेरितो 24:14

मान्तर मय तुचो पुरे ऐ माने से कि जोन बाट के हुनमन कुपन्थ बोले सोत, हुनचेई रीति थाने मय आपलो बुआ दादीमन चो माहापुरू चो सेवा करूं आंय; आउर जोन गोठमन नियम आउर अगम गिआनीमन चो किताब ने लिकलोर आसे, हुन सपाय थाने बिश्वास करूं आंय।

रोमियो 2:24

“कसनबल्लोने तुमचो लागुन दुसर जातिमन ने माहापुरू चो नाव चो निन्दा कराया जाऊ आय,” जसन लिकलोर बले आसे।

1तीमुथियुस 5:14

ऐईकाजे मय ऐ चाहाऊं आय कि जुआन रान्डीमन बिहा करोत, आउर पिला जनमा ओत आउर घर दुआर संभालोत, आउर कोनी बिरूदी के बदनाम करतोर मवका नी दे ओत।

तीतुस 2:5

आउर सहन करू, पवितर, घर चो कार बार करतो बिती, अच्छा, आउर आपलो-आपलो मुनुक चो लगे रतो बिती होओ, कि माहापुरू चो बचन चो निन्दा नी होऊक सको।

तीतुस 2:8

आउर असन चंट रओ कि कोनी हुनके खराप नी बोलुक सकोत, जेचो ले बिरूदी आमचो उपरे कोनी दोष लगातोर मवका नी पाऊन भाती लाजे होओत।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

2 पतरस 2:12

मान्तर ऐ लोग निरबुद्धि पशुमन ची असन आत, जोन धराय होतोर आउर नाश होतो काजे उपजास होला से; आउर जोन गोठमन के जानोत ची नाई हुनचो बारे ने दुसर के अच्छा खराप बोलु आत, हुनमन आपलो कुआलो बिती ने खुदे ची कुऊन जादे।

2 पतरस 2:15

हुनमन सीदा बाट के छांडुन भाती भुलकुन गेला से, आउर बओर चो बेटा बिलाम चो बाट थाने होऊन गेला से, जोन अधरम चो भुती के लाड़ जानला;

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

2 पतरस 2:21

कसनबल्लोने धरम चो बाट के नी जानतोर ची हुनमन काजे ऐचो ले अच्छा होती कि हुनके जानुन भाती, हुन पवितर हुकुम ले फिरून जाता जोन हुनमन के सोपा जाऊ रली।

2 पतरस 2:7

आउर धरमी लूत के जोन अधरमीमन चो अशुद्ध चाल-चलन ले खुबे दुखी रये छुटकारा दिलो।

यहूदा 1:10

मान्तर ऐ लोग जोन गोठमन के नी जानोत हुनमन के अच्छा खराप बोलु आत, आउर जोन गोठमन के अचेत पशुमन चो असन आदत ची ले जानु आत, हुनमन ने आपन खुद के नष्ट करू आत।

यहूदा 1:15

कि सपाय चो नियाय करो, आउर सपाय भक्तिहीनमन चो हुनमन चो अभक्ति चो सपाय काममन चो बारे ने जोन हुनमन भक्तिहीन होऊन भाती करला से, आउर हुन सपाय कठोर गोठमन चो बारे ने जोन भक्तिहीन पापीमन हुनचो बिरूद ने बल्ला से, दोषी ठेबाओ।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

यहूदा 1:7

जोन रीति ले सदोम आउर अमोरा आउर हुनचो लगे-लगे चो नंगर, जोन ऐ मन चो असन बेबीचारी होऊन जाऊ रओत आउर पराया देंह चो पाटे लगुन जाऊ रओत, आईग चो अमर डण्ड ने पडुन भाती कहनी ठेबला से।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।