2 पतरस 2:1 - Halbi

¹ जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

परमेस्वर को सच्चो वचन ख जाननू

¹ जेय तरीका से उन अदमी हुन म झूटा भविस्यवक्ता हता, उही तरीका से तुम म भी झूठो सिखान वाला होऐ, जो नास करन वालो पापी को उद्घाटना छिप छिप ख करेगों, अर उ मालिक को जेना उन ख खरीद लियो हैं मना करेगों, अर अपनो खुद ख जल्दी नास म डाल दे हे।

2 पतरस 2:1 Iomraidhean Croise

मत्ती 10:33

मान्तर जोन कोनी मानेमन चो पुरे मोचो इन्कार करेदे, हुनचो ले मय बले आपलो सरग चो बुआ चो पुरे इन्कार करेंदे।

मत्ती 24:11

खुबे असन फंदी अगम गिआनी उठून उबा हो दे, आउर खुबेमन के भरमादे।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

मत्ती 24:5

कसनबल्लोने खुबे असन असन हो दे जोन मोचो नाव ले ऐऊन भाती बल दे, ‘मय मसीह आंय’, आउर खुबे के भरमादे।

मत्ती 7:15

“फंदी अगम गिआनीमन ले खबड़दार राआ, जोन मेंडामन चो भेष ने तुमचो लगे ऐऊ आत, मान्तर भीतर ने हुनमन चिरतो बिता बिगवामन आत।

मरकुस 13:22

कसनबल्लोने झूठा मसीह आउर फंदी अगम गिआनी उठून उबा हो दे, आउर चिना आउर भयंकर काम दका दे कि अगर होऊक सको तो चुनलो बितामन के बले भरमादे।

लूका 12:9

मान्तर जोन मानेमन चो पुरे मोचो इन्कार करे दे हुनचो माहापुरू चो सरग दूतमन चो पुरे इन्कार करा जाये दे।

लूका 21:8

हुन बल्लो, “तिआर राहा कि भरमाया नी जाआ, कसनबल्लोने खुबे असन मोचो नाव ले ऐऊन भाती बोल दे, ‘मय हुनी आंय,’ आउर ऐ बले कि, ‘समया लगे अमरली से।’ तुमी हुनमन चो पाट-पाट नी जाआ।

लूका 6:26

“हाय तुमचो उपरे जिदलदाय सपाय माने तुमके अच्छा बलोत, कसनबल्लोने हुनमन चो बुआ-दादीमन फंदी अगम गिआनी चो संगे बले असने ची करा करते रवत।”

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

1 कुरिन्थियो 11:19

कसनबल्लोने दल बन्दी बले तुमनमन ने जरूर होयेदे, ऐईकाजे कि जोन लोग तुमनमन ने खर आसोत हुनमन परकट होऊन जादे।

1 कुरिन्थियो 6:20

कसनबल्लोने दाम देऊन घेनाय गेलासास, ऐईकाजे आपलो देंह चो बाटले माहापुरू चो महिमा करा।

1 कुरिन्थियो 7:23

तुमी दाम देऊन भाती घेनलोर आस; मानेमन चो दास नी बना।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

गलातियो 3:13

मसीह जोन आमचो काजे शरापित बनलो, आमके घेनुन भाती नियम चो शराप ले छंडालो, कसनबल्लोने लिकलोर आसे, “जोन कोनी काठ उपरे लटकाया जाऊ आय हुन शरापित आय।”

गलातियो 4:17

हुनमन तुमके मित बनाऊक तो चाहाय सोत, मान्तर अच्छा बिचार ले नाई; मान्तर तुमके अलग करूक चाहास सोत कि तुमी हुनीमन के मित बनाआ।

गलातियो 5:20

मुरती सेवा, टोनहा, बईर, झगड़ा, डाह, रीस, बिरूद, फूट, बिधरम,

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

फिलिप्पियो 3:19

हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

कुलुस्सियो 2:8

चेत ने राहा कि कोनी तुमके हुन तत्व गिआन आउर फकाहा धोका चो लागुन आपलो अहेर नी बना ओत, जोन मानेमन चो रीति बिदीमन आउर संवसार चो मुर सिक्या चो अनुसार तो आय, मान्तर मसीह चो अनुसार नुआय।

1तीमुथियुस 5:8

मान्तर अगर कोनी आपनमन चो आउर निज करून आपलो घरलोगमन चो चिन्ता नी करे, तो हुन बिश्वास ले मुकरून गेलो से आउर अन्दबिश्वासी ले बले खराप बनुन गेलो से।

2 तीमुथियुस 4:3

कसनबल्लोने असन समया ऐये दे जिदलदाय लोग खर उपदेश के नी सहुक सक दे, मान्तर कानमन चो खजरी चो लागुन आपलो इच्छामन चो अनुसार आपलो काजे खुबे असन उपदेश देऊ सकल दे,

तीतुस 1:11

ऐ मन चो मुंह बन्द करतोर आसे। ऐ लोग नीच कमाई चो काजे गलत गोठमन सिकाऊन भाती घर चो घर नसाऊन देऊ आत।

तीतुस 3:10

कोनी पाखंडी के गोटक दुयहार समजाऊन-बुजान भाती हुनचो ले अलग रा,

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

2 पतरस 2:3

हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।

1यूहन्ना 2:26

मय ऐ गोठमन तुमके हुनमन चो बारे ने लिकले से, जोन तुमके भरमाऊ आत;

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”

प्रकाशितवाक्य 3:8

“मय तुचो काममन के जानेंसे; दक, मय तुचो पुरे गोटक कपाट उगाढुन संगाले से, जेके कोनी बन्द नी करूक सके; तुचो सामरत खिन्डिक असन तो आय, फेर बले तुय मोचो बचन चो पालन करली सीस आउर मोचो नाव चो इन्कार नी करलीस।”

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,

प्रकाशितवाक्य 6:10

हुनमन बड़े जोर ले हाग देऊन भाती बल्ला, “हे मालिक, हे पवितर आउर सत; तुय केबे ले नियाय नी करसे? आउर धरतनी चो रतो बितामन ले आमचो लऊ चो पलटा केबे ले नी धरसे?”