2 पतरस 1:6 - Halbi

⁶ आउर समज थाने सहन, आउर सहन थाने धीरजा, आउर धीरजा थाने भक्ति,

परमेस्वर को सच्चो वचन ख जाननू

⁶ अर समझ पर सहन कि सक्ति, अर सहन कि सक्ति, अर धीरज पर भक्ति,

2 पतरस 1:6 Iomraidhean Croise

लूका 21:19

आपलो धीरज ले तुमी आपलो जीवमन के बचाऊन संगाआ से।

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

रोमियो 15:4

जितरो गोठमन पयले ले लिकाय गेली, हुनमन आमचो ची सिक्या चो काजे लिकलोर आसे कि आमी धीरज आउर पवितर शास्त्र चो प्रोत्साहन दुवारा आशा संगाऊ।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

2 कुरिन्थियो 6:4

मान्तर हर गोठ ले माहापुरू चो सेवकमन चो असन आपलो सदगुणमन के परकट करू आत, बड़े धीरज ले, कलेशमन ले, दरिदरता ले, संकटमन ले,

गलातियो 5:23

सोज, आउर सहन आय, असन-असन काममन चो बिरूद ने काई बले नियम निआय।

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

2 थिस्सलुनीकियो 3:5

माहापुरू चो मया आउर मसीह चो धीरज चो बाटे परबु तुमचो मन चो अगुवाई करो।

1तीमुथियुस 2:10

मान्तर अच्छा काममन ले, कसनबल्लोने माहापुरू चो भक्ति करतो बिती बायले लेकीमन के ऐई अच्छा बले आय।

1तीमुथियुस 2:2

राजामन आउर सपाय ऊँचा पन बितामन चो लागुन ऐईकाजे कि आमी आराम आउर असतीर चो संगे सपाय भक्ति आउर गमभीरता ले जीवना बिताऊ।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

1तीमुथियुस 6:3

अगर कोनी आउर ची परकार चो उपदेश देऊ आय आउर खर गोठमन के, बल्लोने आमचो परबु ईशु मसीह चो गोठमन के आउर हुन उपदेश के नी माने, जोन भक्ति चो अनुसार आय,

1तीमुथियुस 6:6

मान्तर संतुष्ट संगे भक्ति बड़े कमाई आय।

2 तीमुथियुस 3:5

हुनमन भक्ति चो भेष तो धर दे, मान्तर हुनचो शक्ति के नी मान दे; असनमन ले अलग राहा।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

तीतुस 1:8

मान्तर सगामान करू बिता, भलाई के चाहतो बिता, सहन करू, नियायी, पवितर आउर शांत होओ;

तीतुस 2:2

बल्ले डोकरा माने हुसीयार आउर गंभीर आउर सहन करू होओ, आउर हुनमन चो बिश्वास आउर मया आउर धीरज पक्का होओ।

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

2 पतरस 3:11

जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 13:10

जेके कयद ने पड़तोर आय हुन कयद ने पड़े दे; जोन तलवार ले मारे दे, जरूरी आय कि हुन तलवार ले मारा जाय दे। पवितर लोगमन चो धीरज आउर बिश्वास ऐई थाने आसे।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”