2 पतरस 1:3 - Halbi

³ कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

परमेस्वर को सच्चो वचन ख जाननू

³ काहेकि ओकी परमेस्वर सक्ति न सब कई जो जिन्दगी अर भक्ति से नाता रखह हैं, हम ख ओकी ही पहचान को दुवारा दियो हैं, जेना हम ख ही महिमा अर सद्गुन को जसो बुलायो हैं।

2 पतरस 1:3 Iomraidhean Croise

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

रोमियो 9:24

बल्लोने आमचो उपरे जोनमन के हुन ना मात्र यहूदीमन थानले, मान्तर दुसर जातिमन थानले बले हाग दिलो।

1 कुरिन्थियो 1:9

माहापुरू बिश्वास लायक आय, जोन तुमके आपलो बेटा आमचो परबु ईशु मसीह चो संगती ने हाग दिलो से।

2 कुरिन्थियो 12:9

मान्तर हुन मोचो ले बल्लो, “मोचो अनुग्रह तुचो काजे खुबे आसे; कसनबल्लोने मोचो सामरत कमजोरी ने सिद्ध होऊ आय।” ऐईकाजे मय बड़े हरिक ले आपलो कमजोरीमन थाने घमण्ड करें दें कि मसीह चो सामरत मोचो उपरे छांई होते रओ।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

कुलुस्सियो 1:16

कसनबल्लोने हुनचेई ने पुईतराय तीजमन चो रचना होली, सरग चो होओ नाहले धरतनी चो, दकलोर नाहले नी दकलोर, काय सिंघासन, काय परभुता मन, काय परधानमन, काय अधिकार, पुईतराय तीजमन हुनचेई बाटले आउर हुनचेई काजे बनाय गेली से।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1 थिस्सलुनीकियो 4:7

कसनबल्लोने माहापुरू आमके अशुद्ध होतो काजे नाई, मान्तर पवितर होतो काजे हाग दिलो से।

2 थिस्सलुनीकियो 2:14

जेचो काजे हुन तुमके आमचो नगतखबर चो बाटले हाग दिलो, कि तुमी आमचो परबु ईशु मसीह चो महिमा के पाआ।

1तीमुथियुस 4:8

कसनबल्लोने देंह चो साधना ले कम लाब होऊ आय, मान्तर भक्ति सपाय गोठमन चो काजे लाब दायक आय, कसनबल्लोने ऐ समया चो आउर ऐतो बिती जीवना चो बले बायदा ऐचीई काजे आय।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

1 पतरस 1:15

मान्तर जसन तुमचो हाग देऊ बिता पवितर आय, हुसने ची तुमी बले आपलो सपाय चाल-चलन ने पवितर बना।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

1 पतरस 2:21

आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 1:10

ऐई लागुन हे भाईमन, आपलो हाग दिलोर, आउर चुनलो के सिद्ध करतोर अच्छा तरीका ले कोशिश करते जाहा, कसनबल्लोने अगर असन करा से तो केबीई बले ठोकरना नी खाआ से;

2 पतरस 1:2

माहापुरू चो आउर आमचो परबु ईशु चो पयचान चो दुवारा अनुग्रह आउर शान्ति तुमनमन ने खुबे ले खुबे बड़ते जाओ।

2 पतरस 1:5

आउर ऐई लागुन तुमी सपाय परकार चो कोशिश करून आपलो बिश्वास थाने सद गुन, आउर सद गुन थाने समज,

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,

2 पतरस 1:8

कसनबल्लोने अगर ऐ गोठमन तुमनमन ने ऐबे रओ आउर बड़ते जाओ, तेबे तुमके आमचो परबु ईशु मसीह चो पयचान ने बेकार आउर नीसफल नी होऊक देये दे।

2 पतरस 2:20

जिदलदाय हुनमन परबु आउर मुक्तिकरू ईशु मसीह चो पयचान चो दुवारा संवसार चो नाना परकार चो अशुद्धता ले बाचुन निकरला, आउर फेर हुन थाने फसुन भाती हारला, तेबे हुनमन चो पाचे चो दशा पयले ले बले खराप होऊन गेली से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।