2 पतरस 1:16 - Halbi

¹⁶ कसनबल्लोने जिदलदाय आमीमन तुमके आपलो परबु ईशु मसीह चो सामरत चो आउर आगमन चो खबर देऊ रलु, तेबे हुन चलाक ले घड़लो बिती कहनीमन चो नकल नी रली मान्तर आमीमन खुद ची हुनचो परताप के दकु रलु।

परमेस्वर को सच्चो वचन ख जाननू

¹⁶ काहेकि जब हम न तुम ख अपनो प्रभु यीसु मसी कि सक्ति ख अर आखरी बखत म आन को बारा म बता दियो हतो, ते हुसयार से गढ़ी भई कायनी हुन को अनुकरण नी हतो असो कि हम न खुद ही ख ओखा घमण्ड ख देखो हतो।

2 पतरस 1:16 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 17:1

छय दिन चो पाचे ईशु पतरस आउर याकूब आउर हुनचो भाई यूहन्ना के संगे धरलो, आउर हुनमन के चिमचाम कोनी डेंग डोंगरी थाने निलो।

मत्ती 24:27

“कसनबल्लोने जसन बिजली बेर उदया ले निकरून भाती बेर पढ़ती तक बरू आय, असने ची माने चो बेटा चो बले ऐतोर होये दे।

मत्ती 24:3

जिदलदाय हुन जैतून डोंगरी थाने बसुन रलो, तेबे चेलामन अलगे हुनचो लगे ऐऊन भाती बल्ला, “आमके सांग कि ऐ गोठमन केबे होये दे? तुचो ऐतोर आउर जगत चो आखरी चो काय चिना होये दे?”

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मरकुस 13:26

तेबे लोग माने चो बेटा के बड़े सामरत आउर महिमा चो संगे बादरी ने ऐतोर दक दे।

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

लूका 1:2

जसन कि हुनमन जोन पईल ले ची ऐ गोठमन चो दकतो बितामन आउर बचन चो सेवकमन रवत, आमचो लगे पोंचाला।

लूका 9:43

तेबे सपाय लोग माहापुरू चो माहासामरत ले भकवा होला। मान्तर जिदलदाय सपाय लोग हुन सपाय काममन ले जोन हुन करते रलो, भक्याऊन रवत, तेबे हुन आपलो चेलामन ले बल्लो,

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 17:2

कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

1 कुरिन्थियो 1:17

कसनबल्लोने मसीह मोके डूबन देतो काजे नाई, मान्तर नगतखबर सुनातो काजे पठालो से, आउर ऐ बले शब्दमन चो गिआन चो अनुसार नाई, असन नी होओ कि मसीह चो कुरूस फकाहा ठेबो।

1 कुरिन्थियो 1:23

मान्तर आमी तो हुन कुरूस थाने चेगलो बिता मसीह चो परचार करू आंव, जोन यहूदीमन चो काजे ठोकरना चो कारन आउर दुसर जातिमन चो काजे मुरूकता आय;

1 कुरिन्थियो 1:7

ऐथा ले कि कोनी बर ने तुमके घाटा निआय, आउर तुमी आमचो परबु ईशु मसीह चो परकट होतोर बाट टाकते रऊ आहास।

1 कुरिन्थियो 2:1

हे भाईमन, जिदलदाय मय माहापुरू चो भेद सुनाते-सुनाते तुमचो लगे ईले, तो शब्दमन नाहले गिआन चो उत्तमता चो संगे नी ईले।

1 कुरिन्थियो 2:4

आउर मोचो बचन, आउर मोचो परचार ने गिआन चो ललचातो बिती गोठमन निआय, मान्तर आत्मा आउर सामरत चो साकी गुआ रये,

1 कुरिन्थियो 5:4

कि जिदलदाय तुमी आउर मोचो आत्मा, आमचो परबु ईशु चो सामरत चो संगे रूंड़ा आसास, तेबे असन माने आमचो परबु ईशु चो नाव ले

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

1 थिस्सलुनीकियो 2:19

अच्छा आमचो आशा नाहले हरिक नाहले बड़ाई चो मुकुट काय आय? काय आमचो परबु ईशु चो पुरे हुनचो ऐतोर समया तुमी ची नी हुआस?

2 थिस्सलुनीकियो 2:9

हुन अधरमी चो ऐतोर शयतान चो काम चो अनुसार सपाय परकार चो फंदी सामरत, आउर चिना, आउर भयंकर काम चो संगे,

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

1तीमुथियुस 4:7

मान्तर अशुद्ध आउर डोकरीमन चो असन कहनीमन ले अलग रा; आउर भक्ति चो साधना कर।

तीतुस 1:14

आउर यहूदिमन चो कथा कहनीमन आउर हुन मानेमन चो हुकुममन थाने मन नी लगा ओत, जोन सत ले भटकुन जाऊ आत।

2 पतरस 2:3

हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

यहूदा 1:14

हनोक बले जोन आदम ले सातवां पीढ़ी ने रये, ऐमन चो बारे ने ऐ अगम गोठ करलो, दका, परबु आपलो लाखो पवितरमन चो संगे ईलो

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।