2 कुरिन्थियो 8:9 - Halbi

⁹ तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

परमेस्वर को सच्चो वचन ख जाननू

⁹ तुम हमारो लाने प्रभु यीसु मसी को दया जान हैं कि उ धनी होय ख भी तुमारो लाने कंगाल बन गयो, काहेकि ओखा कंगाल हो जाना से तुम धनी होय जाव।

2 कुरिन्थियो 8:9 Iomraidhean Croise

मत्ती 17:27

तेबले बले ऐईकाजे कि आमी हुनमन के ठोकरना नी खुआऊं, तुय झील चो रेटे जाऊन भाती गरी लाट पकाव, आउर जोन मछरी पयले निकरेदे, हुनके धर; हुनचो मुंह खोललो ने तुके गोटक सिक्का मिरेदे, हुनी के धरून भाती मोचो आउर आपलो पलटा हुनमन के देऊन देस।”

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मत्ती 8:20

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

मरकुस 6:3

काय ऐ हुनी बड़ई नुआय, जोन मरियम चो बेटा, आउर याकूब, योसेस, यहूदा, आउर शिमोन चो भाई आय? काय हुनचो भईनमन ऐथा आमचो मंजी ने नी रऊ आत?” ऐईकाजे हुनमन हुनचो बारे ने ठोकरना खादला।

लूका 16:11

ऐईकाजे जिदलदाय तुमी अधरम चो धन ने सत नी ठेबले, तेबे सत धन तुमके कोन सोपे दे?

लूका 2:7

आउर हुन आपलो पयलवात बेटा जन्माली आउर हुनके फटीई थाने लेपटाऊन भाती कोंड़ा डोंगा ने संगाला; कसनबल्लोने हुनमन चो काजे धरमशाला ने ठान नी रली।

लूका 8:3

आउर हेरोदेस चो भण्डारी खुजा चो बायले योअना, आउर सुसनाह, आउर खुबे असन दुसर बायले लेकीमन। ऐ आपलो सम्पत्ति ले हुनचो सेवा करते रली।

लूका 9:58

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय, मान्तर माने चो बेटा के मुण्ड संगातोर बले जगा निआय।”

यूहन्ना 1:10

हुन जगत ने रये, आउर जगत हुनचो बाटले उपजास होली, आउर जगत हुनके नी चिताली।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

यूहन्ना 12:30

ऐ थाने ईशु बल्लो, “ऐ शब्द मोचो काजे नुआय, मान्तर तुमचो काजे ईली से।

यूहन्ना 16:15

जोन काई बुआ चो आय, हुन सपाय मोचो आय, ऐईकाजे मय बल्ले कि हुन मोचो गोठमन थानले धरून भाती तुमके सांगे दे।”

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

रोमियो 11:12

ऐईकाजे अगर हुनमन चो घसरतोर जगत चो काजे धन आउर हुनमन चो घटती दुसर जातिमन चो काजे सम्पत्ति चो कारन होली, तेबे हुनमन चो भरपूरी ले काय काई नी होये।

रोमियो 15:3

कसनबल्लोने मसीह आपन खुद के हरिक नी करलो, मान्तर जसन लिकलोर आसे, “तुचो निन्दा करूमन चो निन्दा मोचो उपरे ईली।”

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

1 कुरिन्थियो 1:4

मय तुमचो बारे ने आपलो माहापुरू चो धन्यबाद सदा करूं आंय, ऐईकाजे कि माहापुरू चो ऐ अनुग्रह तुमचो उपरे मसीह ईशु ने होली,

1 कुरिन्थियो 15:47

पईल माने धरतनी ले बल्लोने माटी चो रलो; दुसर माने सरग चो आय।

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

2 कुरिन्थियो 6:10

दुक करतो बितामन चो असन आत, मान्तर हरमेशा हरिक करू आत; कंगालमन चो असन आत, मान्तर खुबेमन के सवकार बनान देऊ आत; असन आत जसन आमचो लगे काई निआय तेबले बले सपाय काई संगाऊ आत।

इफिसीयो 2:7

कि हुन आपलो हुन किरपा ले जोन मसीह ईशु ने आमचो उपरे आसे, ऐतो बिती समयामन ने आपलो अनुग्रह चो असीम धन दकाओ।

इफिसीयो 3:19

आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

इब्रानियो 1:2

ऐ आखरी दिनमन ने आमचो ले बेटा चो दुवारा गोठयालो, जेके हुन पुईतराय तीजमन चो हकदार ठेबालो आउर हुनचेई दुवारा हुन सपाय ब्रमांड के बनालो।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”

प्रकाशितवाक्य 21:7

“जोन जय पावला हुनी ऐ तीजमन चो हकदार होय दे; आउर मय हुनचो माहापुरू होयें दें, आउर हुन मोचो बेटा होय दे।”

प्रकाशितवाक्य 3:18

“ऐईकाजे मय तुके सहमती देयेंसे कि आईग ने तपालो बिती सोना मोचो ले घेन कि तुय धनी होऊन जा, आउर पंडरी फटीई धर कि पिन्दुन भाती तुके आपलो ढुमढापन चो लाज नी होओ, आउर आपलो आँईकमन ने लगातो काजे सुरमा धर कि तुय दकुक सक।”