2 कुरिन्थियो 4:10 - Halbi

¹⁰ आमी ईशु चो मरना के आपलो देंह ने हर समया धरून फिरू आंव कि ईशु चो जीवना बले आमचो देंह ने परकट होओ।

परमेस्वर को सच्चो वचन ख जाननू

¹⁰ हम यीसु ख मर ख अपनो सरीर म हर बखत लाने फिरा हैं कि यीसु को जिन्दगी भी हमारो सरीर म प्ररगट होए।

2 कुरिन्थियो 4:10 Iomraidhean Croise

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

रोमियो 6:5

कसनबल्लोने अगर आमी हुनचो मरना चो बराबर ने हुनचो संगे भिडुन गेलु से, तेबे जरूर हुनचो जीव उठतोर बराबर ने बले भिडुन जाऊँ दे।

रोमियो 6:8

ऐईकाजे अगर आमी मसीह चो संगे मरून गेलु, तेबे आमचो बिश्वास ऐ आय कि हुनचो संगे जीऊन्दे बले।

रोमियो 8:36

जसन लिकलोर आसे, “तुचो काजे आमी दिनभर घात कराय जाऊ आंव; आमी पुजाय होतो बिती मेंडामन चो असन गेनाया गेलु से।”

2 कुरिन्थियो 1:5

कसनबल्लोने जसन मसीह चो दुखमन ने आमी खुबे शामिल होऊ आंव, असने ची आमी शान्ति ने बले मसीह चो लागुन खुबे शामिल होऊ आंव।

2 कुरिन्थियो 1:9

मान्तर आमीमन आपलो मन ने समजुन रऊ कि आमचो उपरे मरना चो हुकुम होऊन चुकली से, बल्ले आमी आपलो भरसा नी संगाऊ मान्तर माहापुरू चो जोन मरलो बितामन के जिआलो से।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 4:11

कसनबल्लोने आमी जीवता-जीवता हरमेशा ईशु चो लागुन मरना चो हाथ ने सोपा जाऊ आंव कि ईशु चो जीवना बले आमचो मरनहार देंह ने परकट होओ।

गलातियो 6:17

पयले ले कोनी मोके दुख नी दिआस, कसनबल्लोने मय ईशु चो दागमन के आपलो देंह ने धरून फिरें से।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

2 तीमुथियुस 2:11

ऐ गोठ सत आय, कि अगर आमी हुनचो संगे मरलु से तो हुनचो संगे जिऊन्दे बले;

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1 पतरस 4:14

फेर अगर मसीह चो नाव चो काजे तुमचो निन्दा करा जाये से तो तुमी धन्य आस, कसनबल्लोने महिमा चो आत्मा, जोन माहापुरू चो आत्मा आय, तुमचो उपरे छांया करू आय।

प्रकाशितवाक्य 1:17

जिदलदाय मय हुनके दकले तो हुनचो पाँयमन थाने मुरदा असन घसरुन पढ़ले। हुन मोचो उपरे आपलो उजा हाथ संगाऊन भाती बल्लो, नी डर; मय पयला आउर आखरी आउर जीव आंय;