2 कुरिन्थियो 3:3 - Halbi

³ ऐ परकट आय कि तुमी मसीह चो चिठ्ठी आस, जोन के आमी सेवा करूमन चो असन लिकलु, आउर जोन सीआई ले नाई मान्तर जीवता माहापुरू चो आत्मा ले, पकना चो पटटीमन थाने नाई, मान्तर मन चो मास रूपी पट्टीमन थाने लिकलोर आसे।

परमेस्वर को सच्चो वचन ख जाननू

³ यू सच्चो हैं कि तुम मसी की चिठ्टी आय, जे ख हम न सेवक हुन को जसो लिखो हैं, अर जो स्याही से नी पर जीवित परमेस्वर को आत्मा से, पत्थर कि पठ्टी हुन पर नी, पर मन की मांस जसी पठ्टी हुन पर लिखो हैं।

2 कुरिन्थियो 3:3 Iomraidhean Croise

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

1 कुरिन्थियो 3:5

अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

2 कुरिन्थियो 3:6

जोन आमके नवा बायदा चो सेवक होतोर लायक बले करलो, शब्द चो सेवक नाई मान्तर आत्मा चो; कसनबल्लोने शब्द मारू आय, मान्तर आत्मा जिआऊ आय।

2 कुरिन्थियो 3:7

अगर मरना चो हुन बायदा जेचो अखर पकनामन थाने गोदलोर रये, ऐथा ले तेजमय होली कि मूसा चो मुंह थानचो तेज चो कारन जोन घटते बले जाते रये, इस्राएल हुनमन चो मुंह थाने नंजराऊक नी सकते रवत,

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

इब्रानियो 10:16

“परबु बले से कि जोन बायदा मय हुन दिनमन चो पाचे हुनमन ले बान्दे दें हुन ऐ आय कि मय आपलो नियममन के हुनमन चो कारजा थाने लिकेन्दे आउर मय हुनमन चो समज ने डालें दें।”

इब्रानियो 8:10

फेर परबु बले से, कि जोन बायदा मय हुन दिनमन चो पाचे इस्राएल चो घरलोगमन संगे बान्दे दे, हुन ऐ आय कि मय आपलो नियम के हुनमन चो मन ने भरें दे, आउर हुनके हुनमन चो कारजा थाने लिकेन्दे, आउर मय हुनमन चो माहापुरू ठेबें दे आउर हुनमन मोचो लोग ठेबदे।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

प्रकाशितवाक्य 2:1

“इफिसुस चो कलीसिया चो दूत के ऐ लिक: ‘जोन सातो तारामन आपलो उजा हाथ ने धरून भाती आसे, आउर सोना चो सातो पटेरामन चो मंजी ने बुलु आय, हुन ऐ बलेसे’”

प्रकाशितवाक्य 2:12

“पिरगमुन चो कलीसिया चो दूत के ऐ लिक: जेचो लगे दुयधारी आउर तेज तलवार आसे, हुन ऐ बलेसे: कि”

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”

प्रकाशितवाक्य 2:8

“स्मुरना चो कलीसिया चो दूत के ऐ लिक: जोन पयला आउर आखरी आय, जोन मरून रये आउर अदायं जीव होलो से, हुन ऐ बलेसे: कि”

प्रकाशितवाक्य 3:1

“सरदीस चो कलीसिया चो दूत के ऐ लिक: जेचो लगे माहापुरू चो सात आत्मामन आउर सात तारामन आसे, हुन ऐ बलेसे कि मय तुचो काममन के जाने से, तुय जीवता तो बलाय सीस, मान्तर आसीत मरलोर।”

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”

प्रकाशितवाक्य 3:22

“जेचो कान आसे हुन सुनो कि आत्मा कलीसियामन ले काय बलेसे।”

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”