2 कुरिन्थियो 13:4 - Halbi

⁴ हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

परमेस्वर को सच्चो वचन ख जाननू

⁴ उ कमजोरी हुन ख लाने सूली पर चढ़ायो ते गयो, तेबी परमेस्वर की सक्ति से जो तुमारो लाने हैं, ओखा संग जीवित हे। हम भी ओ म कमजोर हैं, पर परमेस्वर कि सक्ति से जे तुम्हारो लाने हैं, ओको संग जीएँगो।

2 कुरिन्थियो 13:4 Iomraidhean Croise

यूहन्ना 10:18

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 3:16

आउर हुनचेई नाव ने, हुन बिश्वास चो बाटले जोन हुनचो नाव थाने आसे, ऐ माने के जेके तुमी दकसास आउर जानास बले सामरत दिलो से। हुनी बिश्वास जोन हुनचो बाटले आय, ऐके तुमी सपाय चो पुरे बिलकुल अच्छा चेंगा करून दिलो से।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

रोमियो 14:9

कसनबल्लोने मसीह ऐईकाजे मरलो आउर जीव बल्ले उठलो कि हुन मरलो बितामन चो आउर जीव रलो बितामन चो दुनो चो परबु होओ।

रोमियो 6:4

आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

1 कुरिन्थियो 1:25

कसनबल्लोने माहापुरू चो मुरूकता मानेमन चो गिआन ले गिआन बिता आय, आउर माहापुरू चो कमजोरी मानेमन चो बल ले खुबे बलवान आय।

1 कुरिन्थियो 15:43

हुन अनादर चो संगे बुना जाऊ आय, आउर तेज चो संगे जीव उठु आय; कमजोर चो संगे बुना जाऊ आय, सामरत चो संगे जीव उठु आय।

1 कुरिन्थियो 2:3

मय कमजोरी आउर डर चो संगे, आउर खुबे थरथरुन-थरथरुन तुमचो संगे रले;

1 कुरिन्थियो 6:14

माहापुरू आपलो सामरत ले परबु के जिआलो, आउर आमके बले जीआये दे।

2 कुरिन्थियो 10:10

कसनबल्लोने हुनमन बोलु आत, “हुनचो चिठ्ठीमन गंभीर आउर असरदार आय; मान्तर जिदलदाय हुन पुरे होऊ आय, तेबे हुन देंह चो कमजोरी आउर जबापदारी ने उसास जान पडु आय।”

2 कुरिन्थियो 12:10

ऐई कारन मय मसीह चो काजे कमजोरीमन ने, आउर निन्दामन ने, आउर दरिदरता ने, आउर उपद्रव ने, आउर संकटमन ने हरिक आंसे; कसनबल्लोने जिदलदाय मय कमजोर होऊँ आंय तेबे बलवन्त होऊ आंय।

2 कुरिन्थियो 13:9

जिदलदाय आमी कमजोर आंसु आउर तुमी बलवन्त हुआ, तेबे आमी हरिक होऊ आंव, आउर ऐ पारथना बले करू आंव कि तुमी सिद्ध होऊन जाआ।

फिलिप्पियो 3:10

बल्ले मय हुनमन के आउर हुनचो मरून जीव उठतोर जय चो सामरत के, आउर हुनचो संगे दुकमन ने शामिल होतोर भेद के जाने, आउर हुनचो मरना चो बराबरी के पाऊक सकें

इब्रानियो 5:7

ईशु आपलो देंह ने रतोर दिनमन ने बड़े जोर ले हाग देऊन हाग देऊन भाती आउर आँसु बहान-बहान भाती हुनचो ले जोन हुनके मरना ले बचाऊक सकते रये, पारथनामन आउर गुहार करलो, आउर भक्ति चो लागुन हुनचो सुना गेली।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।