2 कुरिन्थियो 10:4 - Halbi

⁴ कसनबल्लोने आमचो लड़ीई चो हत्यार शारीरिक नुआय, मान्तर गढ़मन के घसरातो काजे माहापुरू चो दुआरा सामरती आय।

परमेस्वर को सच्चो वचन ख जाननू

⁴ काहेकि हमारो झगड़ा को हथियार सारीरिक हुन नी हैं, पर गढ़ हुन ख खत्म कर देन का लाने परमेस्वर को दुवारा सक्तिसाली हैं।

2 कुरिन्थियो 10:4 Iomraidhean Croise

प्रेरितो 7:22

मूसा के मिस्रीमन चो सपाय बिदया पड़ाया गेली, आउर हुन बचन आउर करम दुनो ने सामरती रलो।

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

1 कुरिन्थियो 2:5

ऐईकाजे कि तुमचो बिश्वास मानेमन चो गिआन थाने नाई, मान्तर माहापुरू चो सामरत थाने निरभर होओ।

1 कुरिन्थियो 9:7

कोन केबे आपलो घर ले खाऊन भाती पलटन चो कामकरू आय? कोन अंगुर चो बनवाड़ी लगाऊन भाती हुनचो फर नी खाये? कोन मेंडीमन चो राका करून हुनमन चो गोरस नी पिये?

2 कुरिन्थियो 10:8

कसनबल्लोने अगर मय हुन अधिकार चो बारे ने आउर बले घमण्ड दकायें दे, जोन परबु तुमके नशातो काजे नाई मान्तर बनातो काजे आमके दिलो से, तेबे लाज नी होयें।

2 कुरिन्थियो 13:10

ऐ कारन मय तुमचो पाट पाटे ऐ गोठमन लिकें से, कि हाजिर होऊन भाती मोके हुन अधिकार चो अनुसार जेके परबु नशातो काजे नाई मान्तर बनातो काजे मोके दिलो से, कड़ाई ले काई करूक नी पड़ो।

2 कुरिन्थियो 3:5

ऐ नाई कि आमी आपन खुद ले ऐ लायक आंव कि आपलो बाटले कोनी गोठ चो बिचार करूक सकवां, मान्तर आमचो लायकता माहापुरू चो बाटले आय,

2 कुरिन्थियो 4:7

मान्तर आमचो लगे हुन धन माटी चो भण्डवामन ने संगालोर आसे कि ऐ असीम सामरत आमचो बाटले नाई, मान्तर माहापुरू चो बाटले ठेबो।

2 कुरिन्थियो 6:7

सत मया ले, सत चो बचन ले, माहापुरू चो सामरत ले, धारमिकता चो हत्यारमन ले, जोन उजा डेबरी हाथमन ने आसे,

1 थिस्सलुनीकियो 5:8

मान्तर आमी जोन दिन चो आंव, बिश्वास आउर मया चो झिलम पिन्दुन भाती आउर मुक्ति चो आशा चो टोप पिन्दुन भाती खबड़दार राहा।

1तीमुथियुस 1:18

हे बेटा तीमुथियुस, हुन अगम गोठमन चो अनुसार जोन पयले तुचो बारे ने कराय जाऊ रली, मय ऐ हुकुम सोपें सें कि तुय हुनमन चो अनुसार अच्छा लड़ीई के लड़ते रा,

2 तीमुथियुस 2:3

मसीह ईशु चो अच्छा लड़तो बिता चो असन मोचो संगे दुख उठाव।

इब्रानियो 11:30

बिश्वास ची ले यरीहो चो बाड़ा, जिदलदाय हुनमन सात दिन ले हुनचो चक्कर लगाऊन चुकला, तेबे हुन घसरुन पढ़ली।