1तीमुथियुस 6:4 - Halbi

⁴ तेबे हुन घमडिही होऊन गेलो, आउर काई नी जाने; मान्तर हुनके बिवाद आउर शब्दमन थाने तर्क करातोर रोग आसे, जेचो ले डाहा, आउर झगड़ामन, आउर निन्दा चो गोठमन आउर खराप-खराप संका,

परमेस्वर को सच्चो वचन ख जाननू

⁴ ते उ घमंडी हो गयो, अर कही नी जानन; पर ओ ख विवाद अर सब्द प नींद म बोलन को रोग हैं, जसो डाह, अर झगड़ा, अर बुराई की बात, अर बुरो-बुरो सन्देह,

1तीमुथियुस 6:4 Iomraidhean Croise

प्रेरितो 15:2

जिदलदाय पौलुस आउर बरनबास चो हुनमन ले खुबे झगड़ा आउर बोला-बल्ली होली तेबे ऐ थेबाया गेली कि पौलुस आउर बरनबास आउर हुनमन थानले कितलो माने ऐ गोठ चो बारे ने पठालोबिता आउर सियानमन चो लगे यरूशलेम ने जाओत।

प्रेरितो 18:15

मान्तर अगर ऐ गोठ बात शब्दमन, आउर नावमन, आउर तुमचो थानो नियम चो बारे आय, तेबे तुमी ची जाना; कसनबल्लोने मय ऐ गोठमन चो नियायी नी बनुक मन करें से।

प्रेरितो 8:9

ऐचो ले पयले हुन नंगर ने शिमोन नाव चो गोटक माने रये, जोन झाड़ा फुका करून सामरिया चो लोगमन के भकवा करते आउर आपन खुद के गोटक बड़े माने सांगते रये।

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 13:13

जसन दिन के फोबु आय, असने ची आमी सीदा चाल चलु, ना कि खेला बुला, आउर मतवारीपन ने, ना बेबीचार, आउर ढीला ढाला ने, आउर ना झगड़ा आउर कुचर ने।

रोमियो 14:1

जोन बिश्वास ने कमजोर आसे, हुनके आपलो संगे धरा, मान्तर हुनचो संकामन थाने बिवाद करतो काजे नाई।

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

1 कुरिन्थियो 11:16

मान्तर अगर कोनी झगड़ा करूक चाह ले, तेबे ऐ जानो कि ना आमचो आउर ना माहापुरू चो कलीसियामन चो असन रीति आय।

1 कुरिन्थियो 11:18

कसनबल्लोने पयले तो मय ऐ सुनु आंय, कि जिदलदाय तुमी कलीसिया ने रूंडा होऊ आस तेबे तुमनमन ने फुट होऊ आय, आउर मय ऐ थाने खिन्डिक-खिन्डिक बिश्वास बले करूं आंय।

1 कुरिन्थियो 3:18

कोनी आपन खुद के धोका नी दिआस। अगर तुमचो थानले कोनी ऐ संवसार ने आपन खुद के गिआनी समजो, तो मुरूक बनो कि गिआनी होऊन जाओ।

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

2 कुरिन्थियो 11:20

कसनबल्लोने जिदलदाय तुमके कोनी दास बनाऊ आय, नाहले खाऊन जाऊ आय, नाहले फासु आय, नाहले आपन खुद के बड़े बनाऊ आय, नाहले तुमचो मुंह थाने थापड़ मारू आय, तेबे तुमी सऊ आहास।

गलातियो 5:15

मान्तर अगर तुमी गोटक दुसर के दात ले कतरते आउर चिरून खाऊ आस, तो चलाक राहा कि गोटक दुसर चो सत्यानाश नी करून दिआस।

गलातियो 5:26

आमी घमण्डी होऊन भाती ना गोटक दुसर के उड़साऊ, आउर ने गोटक दुसर ले डाह करूं।

गलातियो 6:3

कसनबल्लोने अगर कोनी काई नी होलो थाने बले आपन खुद के काई समजु आय, तो आपन खुद के धोका देऊ आय।

फिलिप्पियो 1:15

कितलो तो डाह आउर झगड़ामन चो लागुन मसीह चो परचार करू आत आउर कितलो अच्छा इच्छा ले।

फिलिप्पियो 2:14

सपाय काम बिना घुरमुरून आउर बिना झगड़ा चो करा,

फिलिप्पियो 2:3

बिरूद नाहले झूठा बड़ाई चो काजे काई नी करा, मान्तर दिनता ले गोटक दुसर के आपलो ले अच्छा समजा।

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

2 थिस्सलुनीकियो 2:4

जोन बिरूद करू आय, आउर हरकोनी ले जोन ईश्पर नाहले पुजय बलाया जाऊ आय, आपन खुद के बड़े ठेबाऊ आय, ऐथा ले कि हुन माहापुरू चो मंदिर ने बसुन भाती आपन खुद के ईश्पर ठेबाऊ आय।

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

1तीमुथियुस 1:7

आउर नियमकारी तो होतोर चाहाय सोत, मान्तर जोन गोठमन बोलु आत आउर जोन के जमखम ले बोलु आत, हुनके समजोत बले नाई

1तीमुथियुस 3:6

फेर ऐ कि नवा चेला नी होओ, असन नी होओ कि घमण्ड करून शयतान चो असन डण्ड पाओ।

2 तीमुथियुस 2:14

ऐ गोठमन चो सुद्धि हुनमन के दियाव आउर परबु चो पुरे जनाऊन देस कि शब्दमन थाने हेर-फेर नी करोत, जेचो ले काई लाब नी होये मान्तर सुनतो बितामन नसुन जाऊ आत।

2 तीमुथियुस 2:23

मान्तर मुरक आउर बिनगिआन चो झगड़ा ले अलगे रा, कसनबल्लोने तुय जाने सीस कि ऐचो ले झगड़ा उपजास होऊ आय।

2 तीमुथियुस 3:4

बिश्वासघाती, टेकाहा, घमण्डी, आउर माहापुरू चो नाई मान्तर सुक बिलास ची चो चाहतो बिता हो दे।

तीतुस 3:9

मान्तर मुरूकता चो गोठ बात मन, आउर बंसावलीमन, आउर बिरूद आउर झगड़ामन ले जोन नियम चो बारे ने होओ, बाचुन रा; कसनबल्लोने हुनमन बीना फल आउर फकाहा आत।

याकूब 1:19

ऐ मोचो लाड़रा भाईमन, ऐ गोठ तुमी जाना, हरकोनी माने सुनतो काजे झटके आउर बोलतो ने धीरान आउर रीस ने धीरे हुआ,

2 पतरस 2:12

मान्तर ऐ लोग निरबुद्धि पशुमन ची असन आत, जोन धराय होतोर आउर नाश होतो काजे उपजास होला से; आउर जोन गोठमन के जानोत ची नाई हुनचो बारे ने दुसर के अच्छा खराप बोलु आत, हुनमन आपलो कुआलो बिती ने खुदे ची कुऊन जादे।

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।

यहूदा 1:10

मान्तर ऐ लोग जोन गोठमन के नी जानोत हुनमन के अच्छा खराप बोलु आत, आउर जोन गोठमन के अचेत पशुमन चो असन आदत ची ले जानु आत, हुनमन ने आपन खुद के नष्ट करू आत।

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।

प्रकाशितवाक्य 3:17

“तुय बले सीस कि मय धनी आय आउर सवकार होऊन गेलेसे आउर मोके कोनी तीज चो कमी निआय; आउर ऐ नी जानीस कि तुय अभागा आउर तुच्छ आउर कंगाल आउर काना आउर फटीई नाहलो आस।”