1तीमुथियुस 6:20 - Halbi

²⁰ हे तीमुथियुस, ऐ अमानत चो राका कर; आउर जोन गिआन के गिआन बोलतोर ची भुल आय, हुनचो अशुद्ध बकवास आउर बिरूद चो गोठमन ले अनजान रा।

परमेस्वर को सच्चो वचन ख जाननू

²⁰ हे तीमुथियुस, यू धरोहर की रखवाली कर; अर जे अकल ख अकल कहनो ही भूल हैं, उसको असुध्द बकवाद अर विरोध की बाते से परे रह।

1तीमुथियुस 6:20 Iomraidhean Croise

प्रेरितो 16:1

फेर हुन दिरबे आउर लुस्त्रा ने बले गेलो। हुता तीमुथियुस नाव चो गोटक चेला रलो, जोन कोनी बिश्वासी यहूदीनी चो बेटा रलो, मान्तर हुनचो बुआ यूनानी रलो।

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 17:21

(ऐईकाजे कि सपाय एथेन्स बितामन आउर परदेशीया जोन हुता रते रवत, नवा-नवा गोठमन बोलतोर आउर सुनतोर छांडुन आउर कोनी काम ने समया नी बिताते रवत।)

रोमियो 1:22

हुनमन आपन खुद के अकल बिता जानुन भाती मुरूक बनला,

रोमियो 3:2

हर परकार ले खुबे काई। पयले तो ऐ कि माहापुरू चो बचन हुनमन के सोपाय गेली।

1 कुरिन्थियो 2:6

फेर बले सिद्ध लोगमन ने आमी गिआन सुनु आंव, मान्तर ऐ संवसार चो आउर ऐ संवसार चो नाश होतो बितामन हाकिममन चो गिआन नुआय;

1 कुरिन्थियो 3:19

कसनबल्लोने ऐ संवसार चो गिआन माहापुरू चो लगे मुरूकता आय, जसन लिकलोर आसे, “हुन गिआनिमन के हुनमन चो चलाकी ने फासुन देऊ आय,”

कुलुस्सियो 2:18

कोनी माने दीनता आउर सरग दूतमन चो पुजा कराऊन तुमके दौड़ चो करलो फल ले धुर नी करोत। असन माने दकलो बिती गोठमन ने लगुन रऊ आय आउर आपलो देंह चो समज थाने फोकाहा फुलु आय,

कुलुस्सियो 2:8

चेत ने राहा कि कोनी तुमके हुन तत्व गिआन आउर फकाहा धोका चो लागुन आपलो अहेर नी बना ओत, जोन मानेमन चो रीति बिदीमन आउर संवसार चो मुर सिक्या चो अनुसार तो आय, मान्तर मसीह चो अनुसार नुआय।

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

2 थिस्सलुनीकियो 2:15

ऐईकाजे हे भाईमन, थीर राहा; आउर जोन-जोन गोठमन तुमी चाहलास बचन नाहले चिठ्ठी चो बाटले आमचो ले सिकलासास, हुनमन के धरू राआ।

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

1तीमुथियुस 1:2

तीमुथियुस चो नाव जोन बिश्वास ने मोचो सत बेटा आय: बुआ माहापुरू, आउर आमचो परबु मसीह चो बाटले तुके अनुग्रह, आउर दया आउर शान्ति मिरते रओ।

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

1तीमुथियुस 1:6

ऐ मन के छांडुन भाती कितलो लोग बकवास चो बाटे भटकुन गेला सोत,

1तीमुथियुस 1:9

ऐ जानुन भाती कि नियम धरमी जन चो काजे नुआय मान्तर अधरमीमन, निरंगकुसमन, भक्तिहिनमन, पापीमन अपवितर आउर अशुद्ध मानेमन, आया बुआ चो घात करतो बितामन, हत्यारामन,

1तीमुथियुस 4:7

मान्तर अशुद्ध आउर डोकरीमन चो असन कहनीमन ले अलग रा; आउर भक्ति चो साधना कर।

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

1तीमुथियुस 6:14

कि तुय आमचो परबु ईशु मसीह चो परकट होओत ले ऐ हुकुम के निसकलंक आउर बेकसूर संगाव,

2 तीमुथियुस 2:1

ऐईकाजे हे मोचो बेटा, तुय हुन अनुग्रह ले जोन मसीह ईशु ने आसे, बलबीता हो,

2 तीमुथियुस 2:16

मान्तर अशुद्ध गोठ ले बाचुन रा कसनबल्लोने असन लोग आउर बले अभक्ति ने बड़ते जादे,

तीतुस 1:14

आउर यहूदिमन चो कथा कहनीमन आउर हुन मानेमन चो हुकुममन थाने मन नी लगा ओत, जोन सत ले भटकुन जाऊ आत।

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

तीतुस 1:9

आउर हुन बिश्वास लायक बचन थाने जोन धरम उपदेश चो अनुसार आय, थीर रओ कि खर सिक्या ले उपदेश सिकाक सको आउर बिरूदीमन चो मुंह बले बन्द करूक सको।

तीतुस 3:9

मान्तर मुरूकता चो गोठ बात मन, आउर बंसावलीमन, आउर बिरूद आउर झगड़ामन ले जोन नियम चो बारे ने होओ, बाचुन रा; कसनबल्लोने हुनमन बीना फल आउर फकाहा आत।

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”