1तीमुथियुस 6:2 - Halbi

² जोनमन चो मालिक बिश्वासी आत हुनमन के हुनमन भाई होतोर लागुन तुच्छ नी जानोत, मान्तर हुनमन चो आउर बले सेवा करोत, कसनबल्लोने ऐचो ले लाब उठातो बिता बिश्वासी आउर लाड़रा आत। ऐ गोठमन चो उपदेश करा कर आउर समजाते रा।

परमेस्वर को सच्चो वचन ख जाननू

² जिन का मालिक विस्वासी हैं उन ख वी भई होन को कारन तुच्छ न जान, लेकिन उन की अर से सेवा करो, काहेकि इस से फायदा उठान वाला विस्वासी अर प्यारो हैं। उ बात की सिक्छा दियो कर अर समझाते रह।

1तीमुथियुस 6:2 Iomraidhean Croise

मत्ती 23:8

मान्तर तुमी रब्बी नी बलाय हुआ, कसनबल्लोने तुमचो गोटक ची गुरू आसे, आउर तुमी सपाय भाई आस।

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मत्ती 6:24

“कोनी माने दुय मालिकमन चो सेवा नी करूक सके, कसनबल्लोने हुन गोटक ले बईर आउर दुसर ले मया संगायदे, नाहले गोटक ले मिलुन रयदे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

रोमियो 11:17

मान्तर अगर कितरो खेंदामन टुटाऊन दिआय गेली, आउर तुय रान जैतून होऊन भाती हुनमन थाने साटा गेली, आउर जैतून चो चेर चो फिसलान चो भागी होली सीस,

रोमियो 8:29

कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

इफिसीयो 1:15

ऐई लागुन, मय बले हुन बिश्वास चो खबर सुनुन भाती जोन तुमी लोगमन ने परबु ईशु थाने आसे आउर सपाय पवितर लोगमन उपरे मया चो खबर सुनुन भाती,

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

कुलुस्सियो 1:2

मसीह ने हुन पवितर आउर बिश्वासी भाईमन चो नाव जोन कुलुस्से ने रऊ आत। आमचो बुआ माहापुरू चो बाटले तुमके अनुग्रह आउर शान्ति मिरते रओ।

कुलुस्सियो 1:4

कसनबल्लोने आमीमन सुनलु से कि मसीह ईशु उपरे तुमचो बिश्वास आसे, आउर सपाय पवितर लोगमन ले तुमी मया संगाऊ आहास;

कुलुस्सियो 4:1

हे मालिकमन, आपलो-आपलो दासमन चो संगे नियाय आउर नुकु-नुकु बेबार करा, ऐ समजुन भाती कि सरग ने तुमचो बले गोटक मालिक आसे।

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

1तीमुथियुस 4:11

ऐ गोठमन चो हुकुम देस आउर सिकाते रा।

1तीमुथियुस 5:1

कोनी डोकरा के नी खीज, मान्तर हुनके बुआ जानुन भाती समजाऊन देस, आउर जुआनमन के भाई जानुन भाती,

तीतुस 2:1

मान्तर तुय असन गोठमन बोल जोन खर उपदेश चो लायक आय।

तीतुस 2:15

पुरा अधिकार चो संगे ऐ गोठमन बोल, आउर समजाव आउर सिकाते रा। कोनी तुके तुच्छ जानुक नी सकोत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

2 पतरस 2:10

खास करून हुनमन के जोन अशुद्ध मनमानीमन चो पाट-पाट देंह चो अनुसार चलु आत आउर परभुता के तुच्छ जानु आत। हुनमन नीलज, आउर कुअढ़ आत, आउर बड़े पन बितामन के अच्छा खराप बोलतो ले नी डरोत,

यहूदा 1:8

असने रीति ले ऐ सपना दकु बले आपलो-आपलो देंह के अशुद्ध करते, आउर परभुता के तुच्छ जानु आत, आउर बड़े पन बितामन के अच्छा-खराप बोलु आत।