1तीमुथियुस 6:18 - Halbi

¹⁸ आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

परमेस्वर को सच्चो वचन ख जाननू

¹⁸ वी भलाई करे, अर भलो कामो म धनी बने, अर उदार अर मदद देन म तत्पर हो,

1तीमुथियुस 6:18 Iomraidhean Croise

मत्ती 5:42

जोन कोनी तुचो ले मांगो, हुनके देस, आउर जोन तुचो ले उदार धरूक चाहाओ हुनचो ले मुंह नी मोड़।

लूका 12:21

असने ची हुन माने बले आय जोन आपलो काजे धन सकलु आय, मान्तर माहापुरू चो नजर ने सवकार नुआय।”

लूका 3:11

हुन हुनमन के जबाप दिलो, “जेचो लगे दुय ठान कुड़ता आसे, हुन हुनचो संगे जेचो लगे निआय बाटो आउर जेचो लगे भात आसे, हुन बले असने ची करो।”

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 11:29

तेबे चेलामन ठानला कि हरकोनी आपलो-आपलो पुंजी चो अनुसार यहूदिया ने रतो बिता भाईमन चो सायता काजे काई पटाऊं।

प्रेरितो 9:36

याफा ने तबीता बल्लोने दोरकास नाव चो गोटक बिश्वासिनी रते रली। हुन खुबे असन अच्छा-अच्छा काम आउर दान करते रली।

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

रोमियो 12:8

जोन उपदेशक होओ, हुन उपदेश देतो ने लगु रओ; दान देतो बिता उदारता ले देओ; जोन अगुवाई करो, हुन उदुम ले करो; जोन दया करो, हुन हरिक ले करो।

1 कुरिन्थियो 16:2

सपता चो पयला दिने तुमनमन थानले हरकोनी आपलो कमाई चो अनुसार खिन्डिक आपलो लगे संगाऊन छांडा कि मोचो ईलो ने चांदा नी करूक पड़ो।

2 कुरिन्थियो 8:12

कसनबल्लोने अगर मन चो तिआर होओ तेबे दान हुनचो अनुसार गरहन बले होऊ आय जोन हुनचो लगे आसे, ना कि हुनचो अनुसार जोन हुनचो लगे निआय।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

1तीमुथियुस 5:10

आउर अच्छा काम ने सुनाम रऊन रओ, जोन पिलामन चो पालन पोषन करू रओ; सगा चो सेवा करू रओ, पवितर लोगमन चो पाँय धोऊ रओ, दुखिमन चो सायता करू रओ, आउर हरकोनी अच्छा काममन ने मन लगाऊ रओ।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 3:11

हुन खराप चो संग छांड़ो, आउर भलाई ची करो; हुन मिला-मिसा के डगरा ओ, आउर हुनचो खोज ने रओ।

1यूहन्ना 3:17

मान्तर जोन कोनी चो लगे संवसार चो धनमाल रओ आउर हुन आपलो भाई के कंगाल दकुन भाती हुनचो उपरे जीव दुकाऊक नी चाह ले, तेबे हुनचो थाने माहापुरू चो मया कसन बनुन रऊक सकु आय?

3 यूहन्ना 1:11

हे लाड़रा, खराप चो नाई मान्तर भलाई चो करतो बिता हो। जोन भलाई करू आय, हुन माहापुरू चो बाटले आय; मान्तर जोन खराप करू आय, हुन माहापुरू के नी दकलो।