1तीमुथियुस 6:17 - Halbi

¹⁷ ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

परमेस्वर को सच्चो वचन ख जाननू

¹⁷ यू दुनिया को धनवानो को आदेस दे कि वे अभिमानी न हो अर चंचल धन प आसा न रखे, पर परमेस्वर पर जे हमारो सुख को लाने सब कुछ बहुतायत से देवा हैं।

1तीमुथियुस 6:17 Iomraidhean Croise

मत्ती 12:32

जोन कोनी माने चो बेटा चो बिरूद ने काई गोठ बले दे, हुनचो ऐ अपराध छमा करा जायेदे, मान्तर जोन कोनी पवितर आत्मा चो बिरूद ने काई बले दे, हुनचो अपराध ना तो ऐ लोग ने आउर ना उपरपुर ने छमा करा जाये दे।

मत्ती 19:23

तेबे ईशु आपलो चेलामन ले बल्लो, “मय तुमचो ले सते बलेंसें कि सवकार चो सरग चो राज ने ओलतोर मशकिल आय।

मत्ती 25:16

तेबे, जोन के पांच तोड़ा मिरू रये, हुन तुरते जाऊन भाती हुनमन ले लेन देन करलो, आउर पांच तोड़ा आउर कमालो।

मत्ती 27:57

जिदलदाय संज होली तेबे यूसुफ नाव चो अरिमतिया चो गोटक सवकार माने, जोन खुद ईशु चो चेला रलो, ईलो।

मत्ती 6:32

कसनबल्लोने दुसर जाति ऐ सपाय तीजमन चो खोज ने रऊ आत, मान्तर तुमचो सरग चो बुआ जाने से कि तुमके ऐ सपाय तीजमन चो जरूरत आसे।

मरकुस 10:24

चेलामन हुनचो गोठमन ले भक्याला। ऐ थाने ईशु फेर हुनमन ले बल्लो, “हे लेकामन, जोन धन थाने भरसा संगाऊ आत, हुनमन काजे माहापुरू चो राज ने ओलतोर कसन मशकिल आय!

लूका 19:2

हुता जक्कई नाव चो गोटक माने रलो जोन कर धरतो बितामन चो सरदार रलो आउर सवकार रये।

लूका 3:11

हुन हुनमन के जबाप दिलो, “जेचो लगे दुय ठान कुड़ता आसे, हुन हुनचो संगे जेचो लगे निआय बाटो आउर जेचो लगे भात आसे, हुन बले असने ची करो।”

प्रेरितो 14:17

तेबले बले हुन आपन खुद के बिनगवा नी छांडलो; मान्तर हुन भलाई करते रलो, आउर बादरी ले बरसा आउर फरतो मोसम देऊन भाती तुमचो मन के भोजन आउर हरिक ले भरते रलो।

प्रेरितो 14:27

हुता पोंचुन भाती हुनमन कलीसिया रूंडा करलो आउर सांगला कि माहापुरू हुनमन चो संगे होऊन भाती कसन बड़े-बड़े काम करलो, आउर दुसर जातिमन चो काजे बिश्वास चो कपाट उगाढुन दिलो।

प्रेरितो 17:25

ना कोनी तीज चो जरूरत चो लागुन मानेमन चो हाथमन चो सेवा धरू आय, कसनबल्लोने हुन खुद ची सपाय के जीव आउर फुंडा आउर सपाय काई देऊ आय।

रोमियो 11:20

ठीक आय, हुनमन तो अबिश्वास चो लागुन टुटाया गेली, मान्तर तुय बिश्वास ले बनु रऊ आस ऐईकाजे घमण्डी नी हो, मान्तर भय मान,

इफिसीयो 5:5

कसनबल्लोने तुमी ऐ जानास कि कोनी बेबीचारी, नाहले अशुद्ध लोग, नाहले लोभीई माने चो, जोन मुरती पुजा चो बराबर आय, मसीह आउर माहापुरू चो राज ने हक निआय।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

1तीमुथियुस 1:3

जसन मय मकिदुनिया ने जातो बेरा तुके समजाऊन रये, कि इफिसुस ने रऊन भाती कितलो लोगमन के हुकुम देस कि दुसर परकार चो सिक्या नी देओत,

1तीमुथियुस 3:15

कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

1तीमुथियुस 5:21

माहापुरू, आउर मसीह ईशु आउर चुनलो बितामन सरग दूतमन चो हाजिर जानुन भाती मय तुके जनाऊन देयें से कि तुय मन खोलुन भाती ऐ गोठमन के माना कर, आउर कोनी काम भेदभाव ले नी कर।

1तीमुथियुस 6:13

मय तुके माहापुरू के, जोन सपाय के जीव संगाऊ आय, आउर मसीह ईशु के गोहई करून जोन पुन्तियुस पिलातुस चो पुरे अच्छा अंगीकार करलो, ऐ हुकुम देये से

1तीमुथियुस 6:9

मान्तर जोन धनी होऊक चाहाय सोत, हुनमन असन परीक्षा आउर फान्दामन आउर खुबे ची फकाहा आउर हानि करू लालचमन ने फसु आत, जोन मानेमन के नशान देऊ आय आउर बिनाश चो समुन्द ने बुड़ाऊन देऊ आय।

2 तीमुथियुस 4:10

कसनबल्लोने देमास ऐ जगत के लाड़ जानुन भाती मोके छांडुन दिलो से आउर थिस्सलुनीके ने जाते गेलो से। क्रेसकेंस गलातिया ने आउर तीतुस दलमतिया ने जाते गेलो से।

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

तीतुस 3:6

जेके हुन आमचो मुक्तिकरू ईशु मसीह चो बाटले आमचो उपरे जादा ले जादा रिकालो।

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।