1तीमुथियुस 6:12 - Halbi

¹² बिश्वास चो अच्छा कुसती लड़; आउर हुन अमर जीवना के धरू रा, जेचो काजे तुय हाग दिया गेलीस आउर खुबे असन गोहईमन चो पुरे अच्छा अंगीकार करू रलीस।

परमेस्वर को सच्चो वचन ख जाननू

¹² भरोसा की अच्छी लड़ाई लड़; अर उ अनन्त जीवन ख धर ल, जे को लाने तू बुलायो गयो अर बेजा सा गवाह को सामे चोक्खो मान लियो रह।

1तीमुथियुस 6:12 Iomraidhean Croise

2 कुरिन्थियो 6:7

सत मया ले, सत चो बचन ले, माहापुरू चो सामरत ले, धारमिकता चो हत्यारमन ले, जोन उजा डेबरी हाथमन ने आसे,

2 कुरिन्थियो 9:13

कसनबल्लोने ऐ सेवा के सबुत मानुन हुनमन माहापुरू चो महिमा परकट करू आत कि तुमी मसीह चो नगतखबर के मानुन भाती हुनचो अधीन रऊ आहास, आउर हुनमन चो बाटे सपाय चो सायता करतो ने उदारता परकट करते रऊ आहास।

फिलिप्पियो 1:30

आउर तुमके असने ची मसागत करतोर आय, जसन तुमी मोके करते दकलासास, आउर ऐबे बले सुनु आस कि मय असने ची करूं आंय।

कुलुस्सियो 3:15

मसीह चो शान्ति जेचो काजे तुमी गोटक देंह होऊन भाती हाग दिया बले गेलासास, तुमचो मन ने राज करो; आउर तुमी धन्यबादी बनुन राहा।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

2 थिस्सलुनीकियो 2:14

जेचो काजे हुन तुमके आमचो नगतखबर चो बाटले हाग दिलो, कि तुमी आमचो परबु ईशु मसीह चो महिमा के पाआ।

1तीमुथियुस 1:18

हे बेटा तीमुथियुस, हुन अगम गोठमन चो अनुसार जोन पयले तुचो बारे ने कराय जाऊ रली, मय ऐ हुकुम सोपें सें कि तुय हुनमन चो अनुसार अच्छा लड़ीई के लड़ते रा,

1तीमुथियुस 1:19

आउर बिश्वास आउर हुन अच्छा बिबक के थामुन रा, जेके दूर करतोर लागुन कितलोमन चो बिश्वास रूपी जाहाज बुडून गेली।

1तीमुथियुस 4:14

हुन बर चो परति जोन तुचो थाने आसे, आउर अगम गोठ चो दुवारा सियानमन चो हाथ संगातो समया तुके मिरू रये, बेफिकर नी रा।

1तीमुथियुस 6:13

मय तुके माहापुरू के, जोन सपाय के जीव संगाऊ आय, आउर मसीह ईशु के गोहई करून जोन पुन्तियुस पिलातुस चो पुरे अच्छा अंगीकार करलो, ऐ हुकुम देये से

1तीमुथियुस 6:19

आउर पयले चो काजे गोटक अच्छा पाया डालुन संगा ओत कि सत जीवना के बस ने करोत।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

2 तीमुथियुस 4:7

मय अच्छा कुसती लडुन चुकले से, मय आपलो दौड़ पुरा करले से, मय बिश्वास चो राका करले से।

इब्रानियो 13:23

तुमके ऐ मालुम होओ कि तीमुथियुस, आमचो भाई छुटुन गेलो से आउर अगर हुन झटके ऐयेदे तो मय हुनचो संगे तुमचो ले भेट करेंदे।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 6:18

बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

1यूहन्ना 2:25

आउर जेचो हुन आमचो ले बायदा करलो हुन अमर जीवना आय।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”