1तीमुथियुस 5:8 - Halbi

⁸ मान्तर अगर कोनी आपनमन चो आउर निज करून आपलो घरलोगमन चो चिन्ता नी करे, तो हुन बिश्वास ले मुकरून गेलो से आउर अन्दबिश्वासी ले बले खराप बनुन गेलो से।

परमेस्वर को सच्चो वचन ख जाननू

⁸ पर कोइ खुद की अर खास कर ख अपनो घराना की फिकर नी करे, ते उ विस्वास से मुंडो कर गयो हैं। अर अविस्वासी से भी बुरो बन गयो हैं।

1तीमुथियुस 5:8 Iomraidhean Croise

मत्ती 18:17

अगर हुन हुनमन चो बले नी माने दे, तेबे कलीसिया ले बोलुन देस, मान्तर अगर हुन कलीसिया चो बले नी माने दे तेबे तुय हुनके दुसर जाति आउर कर धरू बितामन असन जान।

मत्ती 7:11

आउर जिदलदाय तुमी खराप होऊन भाती, आपलो पिलामन के अच्छा तीजमन देऊक जानास, तेबे तुमचो सरग चो बुआ आपलो मांगतो बितामन के अच्छा तीजमन केंव नी देये?

यूहन्ना 15:22

अगर मय नी ऐते आउर हुनमन ले गोठ बात नी करते, तेबे हुनमन पापी नी ठेबता; मान्तर अदायं हुनमन के हुनमन चो पाप चो काजे काई बाहना निआय।

1 कुरिन्थियो 6:6

तुमनमन ने भाई-भाई ने पेशी होऊ आय, आउर हुन बले बिश्वासिमन चो पुरे।

2 कुरिन्थियो 12:14

दका, मय तीसर हार तुमचो लगे ऐतो काजे तिआर आंसे, आउर मय तुमचो उपरे काई भार नी संगाये, कसनबल्लोने मय तुमचो धनमाल नाई मान्तर तुमके ची चाहाऊं आंय। कसनबल्लोने पिला-झिला के आया-बुआ चो काजे धन रूंड़ा नी करतोर आय, मान्तर आया-बुआ के पिलाझिला चो काजे।

2 कुरिन्थियो 6:15

आउर मसीह चो बलियाल चो संगे काय लगाव? नाहले बिश्वासी चो संगे अबिश्वासी चो काय नाता?

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

2 तीमुथियुस 3:5

हुनमन भक्ति चो भेष तो धर दे, मान्तर हुनचो शक्ति के नी मान दे; असनमन ले अलग राहा।

तीतुस 1:16

हुनमन बोलु आत कि आमी माहापुरू के जानु, मान्तर आपलो काममन ले हुनचो इन्कार करू आत; कसनबल्लोने हुनमन घिन घिना आउर हुकुम नी मानु बिता आत, आउर कोनी अच्छा काम चो लायक नुआत।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 3:8

“मय तुचो काममन के जानेंसे; दक, मय तुचो पुरे गोटक कपाट उगाढुन संगाले से, जेके कोनी बन्द नी करूक सके; तुचो सामरत खिन्डिक असन तो आय, फेर बले तुय मोचो बचन चो पालन करली सीस आउर मोचो नाव चो इन्कार नी करलीस।”