1तीमुथियुस 5:5 - Halbi

⁵ जोन सते रान्डी आत, आउर हुनचो कोनी निआत, हुन माहापुरू उपरे आशा संगाऊ आय, आउर रात दिन बिनती आउर पारथना ने मतभुल रऊ आय;

परमेस्वर को सच्चो वचन ख जाननू

⁵ जे सच्ची म विधवा हैं अऊर ओको कोई नी आय वा परमेस्वर पर आसा रखा हैं। अर रात दिन बिनती अर प्रार्थना म लोलीन रहवा हैं।

1तीमुथियुस 5:5 Iomraidhean Croise

लूका 18:1

फेर हुन ऐचो बारे ने कि सदा पारथना करतोर आउर हिम्मत नी छांडतोर आसे, हुनमन ले ऐ कहनी बल्लो:

लूका 18:7

ऐईकाजे काय माहापुरू आपलो चुनलो बितामन चो नियाय नी चुकायें दें, जोन रात दिन हुनचो दुहाई देते रऊ आत? काय हुन हुनमन चो बारे ने बेर करे दे?

लूका 2:37

हुन चवरासी बरक ले रान्डी रली: आउर मंदिर के नी छाड़ते रली, मान्तर उपास आउर पारथना करून-करून रात दिन उपास करते रली।

प्रेरितो 26:7

हुनी बायदा चो पुरा होतोर आशा लगाऊन भाती, आमचो बारहो गोत्र आपलो पुईतराय मन ले रात-दिन माहापुरू चो सेवा करते ईला सोत। हे राजा, ऐई आशा चो बारे ने यहूदी मोचो उपरे दोष लगाऊ आत।

प्रेरितो 6:1

हुन दिनमन ने जिदलदाय चेलामन चो गेनती खुबे बडूक मुरयाली, तेबे यूनानी भाषा बोलतो बितामन इब्रानी भाषा बोलतो बितामन थाने गुरमुरूक मुरयाला, कि रोजे दिना चो सेवकाई ने आमचो रान्डीमन चो सुद्धि नी धरा जाये।

प्रेरितो 9:39

तेबे पतरस उठून भाती हुनमन चो संगे होऊन गेलो, आउर जिदलदाय हुन अमरलो तेबे हुनमन हुनके हुन अटारी थाने नीला। सपाय रान्डीमन गागते-गागते हुनमन चो लगे ऐऊन उबा होला, आउर जोन कुड़तामन आउर फटीईमन दोरकास हुनमन चो संगे रते-रते बनाऊ रये, दकाऊक मुरयाला।

प्रेरितो 9:41

हुन हाथ देऊन भाती हुनके उठालो, आउर पवितर लोगमन आउर रान्डीमन के हाग देऊन भाती हुनके जीवता दकान दिलो।

रोमियो 1:12

बल्लोने ऐ कि जिदलदाय मय तुमचो मंजी ने होयें, तेबे आमी हुन बिश्वास चो बाटले जोन मोचो ने आउर तुमचो ने आसे, गोटक दुसर ले होसला पाऊँ।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

1 कुरिन्थियो 7:32

आउर मय ऐ चाहाऊं आंय कि तुमके चिन्ता नी होओ। ठेंगवा माने परबु चो गोठमन चो चिन्ता ने रऊ आय कि परबु के कसन हरिक संगायदे।

1 कुरिन्थियो 7:34

बिहाता आउर कुंआरी ने बले भेद आसे: कुंआरी परबु चो चिन्ता ने रऊ आय कि हुन देंह आउर आत्मा दुनो ने पवितर होओ, मान्तर बिहाता संवसार चो चिन्ता ने रऊ आय कि आपलो मनुक के हरिक संगाओ।

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

फिलिप्पियो 4:6

कोनी बले गोठ चो चिन्ता नी करा; मान्तर हरकोनी गोठ ने तुमचो गुहार, पारथना आउर गुहार चो दुआरा धन्यबाद चो संगे माहापुरू चो पुरे हाजिर करा जाओ।

1तीमुथियुस 2:1

अदायं मय सपाय ले पयले ऐ गुहार करें से कि गुहार, आउर पारथना, आउर गुहार, आउर धन्यबाद सपाय मानेमन चो काजे कराय जाओ।

1तीमुथियुस 5:16

अगर कोनी बिश्वासीनी चो थाने रान्डीमन आसोत, तेबे हुनी हुनमन चो सायता करो कि कलीसिया थाने भार नी होओ, बल्ले हुन हुनमन चो सायता करूक सको जोन सते रान्डीमन आत।

1तीमुथियुस 5:3

हुन रान्डीमन चो, जोन सते रान्डी आय, ईजीत कर।

2 तीमुथियुस 1:3

जोन माहापुरू चो सेवा मय आपलो बुआ दादीमन चो रीति थाने शुद्ध बिबक ले करें से, हुनचो धन्यबाद होओ कि मय आपलो पारथनामन ने तुके सरलगा सुरता करूं आंय,

1 पतरस 3:5

पयले जुग ने पवितर बायले लेकीमन बले, जोन माहापुरू थाने आशा संगाते रवत, आपन खुद के असने रीति ले फभाय होते आउर आपलो-आपलो मनुक चो अधीन रते रवत।