1तीमुथियुस 5:22 - Halbi

²² काचीई थाने झटके हाथ नी संगाव, आउर दुसरमन चो पापमन ने शामिल नी हो; आपन खुद के पवितर बनान संगाव।

परमेस्वर को सच्चो वचन ख जाननू

²² कोई पा तुरत हात मत धरजो, अर दुसरा को पाप हुन म सामिल मत होजो, खुद ख सुध्द बना ख रख।

1तीमुथियुस 5:22 Iomraidhean Croise

प्रेरितो 13:3

तेबे हुनमन उपास आउर पारथना करून आउर हुनमन चो उपरे हाथ संगाऊन भाती हुनमन के बिदा करला।

प्रेरितो 18:6

मान्तर जिदलदाय हुनमन बिरूद आउर निन्दा करूक मुरयाला, तेबे हुन आपलो फटीई फाफडून भाती हुनमन ले बल्लो, “तुमचो लऊ तुमचेई टोडरा थाने रओ! मय निर्दोष आंय। अदायं ले मय दुसर जातिमन चो लगे जायें दें।”

प्रेरितो 20:26

ऐईकाजे मय आजी चो दिने तुमचो ले गोहई देऊन भाती बलें सें, कि मय सपाय चो लऊ ले निर्दोष आंय।

प्रेरितो 6:6

ऐ मन के पठालोबितामन चो पुरे उबा करला आउर हुनमन पारथना करून हुनमन उपरे हाथ संगाला।

इफिसीयो 5:11

अंधार चो ओफल काममन ने शामिल नी हुआ, मान्तर हुनमन उपरे सिक्या दिआस।

1तीमुथियुस 3:10

आउर ऐ बले पयले परका जाओ, तेबे अगर बेकसूर निकरो तो सेवक चो काम करो।

1तीमुथियुस 3:2

ऐ जरूरी आय कि अध्यक्ष बेकसूर, आउर गोटकी ची बायले चो मुनुक, सहन करू, सोज, समजदार, सगामान करू बिता, आउर सिकातो ने निपुन होओ।

1तीमुथियुस 3:6

फेर ऐ कि नवा चेला नी होओ, असन नी होओ कि घमण्ड करून शयतान चो असन डण्ड पाओ।

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

1तीमुथियुस 4:14

हुन बर चो परति जोन तुचो थाने आसे, आउर अगम गोठ चो दुवारा सियानमन चो हाथ संगातो समया तुके मिरू रये, बेफिकर नी रा।

2 तीमुथियुस 1:6

ऐई लागुन मय तुके सुद्धि दिलायें से कि तुय माहापुरू चो हुन बर के जोन मोचो हाथ संगालोर चो कारन तुके मिरली से फेर ले बरते रओ।

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

इब्रानियो 6:2

आउर डूबनमन आउर हाथ संगातोर, आउर मरलो बितामन चो जीव उठतोर, आउर आखरी नियाय चो सिक्या रूपी पाया फेर ले नी डालु।

2 यूहन्ना 1:11

कसनबल्लोने जोन कोनी असन जन के जुहार करू आय, हुन हुनचो खराप काममन ने शामिल होऊ आय।

प्रकाशितवाक्य 18:4

फेर मय सरग ले गोटक आउर शब्द सुनले, “हे मोचो लोगमन, हुन थानले निकरून ईआ कि तुमी हुनचो पापमन ने शामिल नी हुआ, आउर हुनचो बिपत्तिमन थानले कोनी तुमचो उपरे ऐऊन नी पड़ो।