1तीमुथियुस 5:17 - Halbi

¹⁷ जोन सियान अच्छा जुगाड़ करू आत, खास करून हुनमन जोन बचन सुनातोर आउर सिकातोर थाने मसागत करू आत, दुय गुना ईजीत चो लायक समजा जाओत।

परमेस्वर को सच्चो वचन ख जाननू

¹⁷ जो सियाना चोक्खो प्रबन्ध करा हैं। खास कर ख वी जो वचन सुनान अर सिखानो म मेहनत करा हैं, दो गुना इज्जत को लायक समझा जाय।

1तीमुथियुस 5:17 Iomraidhean Croise

मत्ती 24:25

दका, मय पयले ले तुमचो ले ऐ सपाय काई बोलुन दिले से।

लूका 10:7

हुनी घर ने राआ, आउर जोन काई हुनमन ले मिरो, हुनी खाआ-पिआ, कसनबल्लोने भुतीयार के आपलो भुती मिरतोर जरूरी आय; घरे-घरे नी फिरा।

लूका 12:42

परबु बल्लो, “हुन बिश्वास लायक आउर अकल बिता भण्डारी कोन आय, जेचो मालिक हुनके नवकर चाकरमन उपरे सरदार ठेबा ओ कि हुनमन के समया ने खातो-पिव तो सामान देओ।

यूहन्ना 4:38

मय तुमके हुन फसह काटतो काजे पठाले जोन थाने तुमी मसागत नी करलास दुसरमन मसागत करला आउर तुमी हुनमन चो मसागत चो फल ने शामिल होलास।”

प्रेरितो 11:30

हुनमन असने ची करला; आउर बरनबास आउर शाऊल चो हाथे सियानमन चो लगे काई पटाऊन दिला।

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

प्रेरितो 28:10

हुनमन आमचो खुबे मानसमान करला, आउर जिदलदाय आमी जाऊक मुरयालु तेबे जोन काई आमचो काजे जरूरी रली, जाहाज थाने संगाऊन दिला।

रोमियो 12:8

जोन उपदेशक होओ, हुन उपदेश देतो ने लगु रओ; दान देतो बिता उदारता ले देओ; जोन अगुवाई करो, हुन उदुम ले करो; जोन दया करो, हुन हरिक ले करो।

रोमियो 15:27

हुनमन के अच्छा तो लागली, मान्तर हुनमन-हुनमन चो करजदार बले आत, कसनबल्लोने अगर दुसर जाति हुनमन चो आत्मिक गोठमन ने शामिल होला, तेबे हुनमन के बले जरूरी आय कि देंह चो गोठमन ने हुनमन चो सेवा करोत।

रोमियो 16:12

त्रुफेना आउर त्रुफोसा के जोन परबु ने मसागत करू आय, जुहार। लाड़रा पिरसिस के, जोन परबु ने खुबे मसागत करलो, जुहार।

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 16:16

ऐईकाजे मय तुमचो ले बिनती करें से कि असनमन चो अधीन राआ, मान्तर हरकोनी जोन ऐ काम ने मसागत आउर सायता करू आत।

1 कुरिन्थियो 3:9

कसनबल्लोने आमी माहापुरू चो सहकरमी आंव; तुमी माहापुरू चो खेती आउर माहापुरू चो बनावटी आस।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 6:6

जोन बचन चो सिक्या पाऊ आय, हुन सपाय अच्छा तीजमन ने सिकतो बितामन के शामिल करो।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

फिलिप्पियो 2:29

ऐईकाजे तुमी परबु ने हुनचो ले खुबे हरिक चो संगे भेट करा, आउर असनमन चो ईजीत करा,

फिलिप्पियो 4:3

हे सत सहकरमी, मय तुमचो ले बले गुहार करें से कि तुय हुन बायले लेकीमन चो सायता कर, कसनबल्लोने हुनमन मोचो संगे नगतखबर फयलातो ने, क्लेमेंस आउर मचो दुसर सकरमीमन चो संगे मसागत करला से, जोनमन चो नाव जीवन चो किताब ने लिकलोर आसे।

1तीमुथियुस 3:5

जसन कोनी आपलो घर ची जुगाड़ करतोर नी जाने, तो माहापुरू चो कलीसिया चो राका कसन करे दे?

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

1तीमुथियुस 4:14

हुन बर चो परति जोन तुचो थाने आसे, आउर अगम गोठ चो दुवारा सियानमन चो हाथ संगातो समया तुके मिरू रये, बेफिकर नी रा।

1तीमुथियुस 4:16

आपलो आउर आपलो उपदेश के तिआर संगाऊन। ऐ गोठमन थाने थीर रा, कसनबल्लोने अगर असन करते रसे तो तुय आपलो आउर आपलो सुनतो बितामन चो काजे बले मुक्ति चो कारन होसे।

1तीमुथियुस 4:6

अगर तुय भाईमन के ऐ गोठमन चो सुद्धि दिआते रसे, तो मसीह ईशु चो अच्छा सेवक ठेब से; आउर बिश्वास आउर हुन अच्छा उपदेश चो गोठमन ले, जोन तुय मानते ईली सीस, तुचो पालन पोषन होते रयदे।

1तीमुथियुस 5:19

काई दोष कोनी सियान उपरे लगाया जाओ तेबे बिना दुय नाहले तीन गोहईमन चो हुनके नी सुन।

1तीमुथियुस 5:3

हुन रान्डीमन चो, जोन सते रान्डी आय, ईजीत कर।

2 तीमुथियुस 2:6

जोन खेतीयार मसागत करू आय, फर चो भाग पयले हुनके मिरतोर आसे।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

इब्रानियो 13:17

आपलो अगुवामन चो हुकुम माना आउर हुनमन चो अधीन राहा, कसनबल्लोने हुनमन-हुनमन चो असन तुमचो जीवमन चो काजे चेता रऊ आत जोनमन के लेखा देऊक पड़ेदे; हुनमन ऐ काम हरिक ले करोत, ना सितर फुंडा धरून-धरून भाती, कसनबल्लोने ऐ दसा ने तुमके काई लाब निआय।

इब्रानियो 13:24

आपलो सपाय अगुवामन आउर सपाय पवितर लोगमन के जुहार बोला। इटली बितामन तुमके जुहार बले सोत।

इब्रानियो 13:7

जोन तुमचो अगुवामन रवत, आउर जोनमन तुमके माहापुरू चो बचन सुनाला, हुनमन के सुरता संगाहा; आउर धिआन ले हुनमन चो चाल-चलन चो आखरी दकुन भाती हुनमन चो बिश्वास चो नकल करा।