1तीमुथियुस 5:1 - Halbi

¹ कोनी डोकरा के नी खीज, मान्तर हुनके बुआ जानुन भाती समजाऊन देस, आउर जुआनमन के भाई जानुन भाती,

परमेस्वर को सच्चो वचन ख जाननू

¹ कोई सियाना हुन का नी डाँट; पर ओ ख बाप जान ख समझजे, अऊर जवान हुन का भई जान ख;

1तीमुथियुस 5:1 Iomraidhean Croise

मत्ती 23:8

मान्तर तुमी रब्बी नी बलाय हुआ, कसनबल्लोने तुमचो गोटक ची गुरू आसे, आउर तुमी सपाय भाई आस।

प्रेरितो 14:23

आउर हुनमन हरकोनी कलीसिया ने हुनमन चो काजे सियान थेबाला, आउर उपास संगे पारथना करून हुनमन के परबु चो हाथे सोपला जेचो उपरे हुनमन बिश्वास करू रला।

प्रेरितो 15:4

जिदलदाय हुनमन यरूशलेम पोंचला, तेबे कलीसिया आउर पठालोबिता आउर सियान हुनमन ले हरिक चो संगे मिलला, आउर हुनमन सांगला कि माहापुरू हुनमन चो संगे होऊन भाती कसन-कसन कामकरू रये।

प्रेरितो 15:6

तेबे पठालोबिता आउर सियान ऐ गोठमन चो बारे ने बिचार करतो काजे रूंड़ा होला।

प्रेरितो 20:17

हुन मीलेतुस ले इफिसुस ने खबर पठालो, आउर कलीसिया चो सियानमन के हाग दिआलो।

रोमियो 13:7

ऐईकाजे हरकोनी चो हक चुकाहा; जेके करजा चो जरूरत आसे, हुनके करजा दिआस; जेके लागा जरूरत आसे, हुनके लागा दिआस; जेके डरतोर जरूरी आय, हुनचो ले डरा; जेचो ईजीत करतोर जरूरी आय, हुनचो ईजीत करा।

गलातियो 6:1

हे भाईमन, अगर कोनी माने कोनी अपराध ने धरा बले जाये दे तेबे तुमी जोन आत्मिक आसास, सोज चो संगे असन के सम्भाला, आउर आपलो बले चलाकी संगाआ कि तुमी बले परीक्षा ने नी पड़ा।

1तीमुथियुस 5:17

जोन सियान अच्छा जुगाड़ करू आत, खास करून हुनमन जोन बचन सुनातोर आउर सिकातोर थाने मसागत करू आत, दुय गुना ईजीत चो लायक समजा जाओत।

1तीमुथियुस 5:2

डोकरी बायले लेकीमन के आया जानुन भाती; आउर जुआन बायले लेकीमन के पुरा पवितरता ले भईन जानुन भाती समजाऊन देस।

तीतुस 2:2

बल्ले डोकरा माने हुसीयार आउर गंभीर आउर सहन करू होओ, आउर हुनमन चो बिश्वास आउर मया आउर धीरज पक्का होओ।

तीतुस 2:6

असने ची जुआन मानेमन के बले समजाव कि सहन करू बिता होओत।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

याकूब 5:14

अगर तुमनमन ने कोनी रोगी आसे, तो कलीसिया चो सियानमन के हाग देओत, आउर हुनमन परबु चो नाव ले हुनचो उपरे तेल लगडून भाती हुनचो काजे पारथना करोत,

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

2 यूहन्ना 1:1

मय सियान चो बाटले हुन चुनलो बिती बायले आउर हुनचो पिलामन चो नाव, जोनमन ले मय सते मया संगाऊ आय, आउर मात्र मय ची नाई मान्तर हुनमन सपाय बले मया संगाऊ आत जोन सत के जानोत;

3 यूहन्ना 1:1

मय सियान चो बाटले लाड़रा गयुस चो नाव, जेचो ले मय सते मया संगाऊ आंय।

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।