1तीमुथियुस 4:8 - Halbi

⁸ कसनबल्लोने देंह चो साधना ले कम लाब होऊ आय, मान्तर भक्ति सपाय गोठमन चो काजे लाब दायक आय, कसनबल्लोने ऐ समया चो आउर ऐतो बिती जीवना चो बले बायदा ऐचीई काजे आय।

परमेस्वर को सच्चो वचन ख जाननू

⁸ काहेकि सरीर को समझनू से कम फायदा होव हैं, पर भक्ति सब बात हुन को लाने फायदा मंद हाय, काहेकि इ बखत को अर आन वाला जिन्दगी को भी वादा इको लाने हाय।

1तीमुथियुस 4:8 Iomraidhean Croise

मत्ती 12:32

जोन कोनी माने चो बेटा चो बिरूद ने काई गोठ बले दे, हुनचो ऐ अपराध छमा करा जायेदे, मान्तर जोन कोनी पवितर आत्मा चो बिरूद ने काई बले दे, हुनचो अपराध ना तो ऐ लोग ने आउर ना उपरपुर ने छमा करा जाये दे।

मत्ती 19:29

आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

मत्ती 6:33

ऐईकाजे पयले तुमी माहापुरू चो राज आउर हुनचो धरम चो खोज करा तेबे ऐ सपाय तीजमन बले तुमके मिरून जायदे।

मरकुस 10:30

आउर अदायं ऐ समया सव गुना नी पाआ, घरमन आउर भाईमन आउर भईनमन आउर आयामन आउर पिला-झिलामन आउर बेड़ामन के, मान्तर कन्दरानी चो संगे आउर उपरपुर ने अमर जीवना।

लूका 5:38

मान्तर नवा दाखरस नवा चामड़ा चो थयलामन ने भरतोर आय।

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

1 कुरिन्थियो 3:22

काय पौलुस, काय अपुल्लोस, काय कयफा, काय जगत, काय जीवना, काय मरना, काय वर्तमान, काय अगम, सपाय काई तुमचो आय,

1 कुरिन्थियो 8:8

भात आमके माहापुरू चो लगे नी अमराये। अगर आमी नी खाऊ तेबे आमचो काई नुकसान नुआय, आउर अगर खाऊँ दे तेबे काई लाब निआय।

1तीमुथियुस 4:7

मान्तर अशुद्ध आउर डोकरीमन चो असन कहनीमन ले अलग रा; आउर भक्ति चो साधना कर।

1तीमुथियुस 6:3

अगर कोनी आउर ची परकार चो उपदेश देऊ आय आउर खर गोठमन के, बल्लोने आमचो परबु ईशु मसीह चो गोठमन के आउर हुन उपदेश के नी माने, जोन भक्ति चो अनुसार आय,

1तीमुथियुस 6:5

आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

1तीमुथियुस 6:6

मान्तर संतुष्ट संगे भक्ति बड़े कमाई आय।

2 तीमुथियुस 3:5

हुनमन भक्ति चो भेष तो धर दे, मान्तर हुनचो शक्ति के नी मान दे; असनमन ले अलग राहा।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 13:9

नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।

1यूहन्ना 2:25

आउर जेचो हुन आमचो ले बायदा करलो हुन अमर जीवना आय।

प्रकाशितवाक्य 3:12

“जोन जय पावला हुनके मय आपलो माहापुरू चो मंदिर ने गोटक खुटा बनायेंदे, आउर हुन फेर केबीई बाहरे नी निकरेदे; आउर मय आपलो माहापुरू चो नाव आउर आपलो माहापुरू चो नंगर बल्लोने नवा यरूशलेम चो नाव, जोन मोचो माहापुरू चो लगे ले सरग उपर ले उतरतो बिती आय, आउर आपलो नवा नाव हुन थाने लिकेन्दे।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”