1तीमुथियुस 4:3 - Halbi

³ जोन बिहा करतोर ले ठेबा दे, आउर भोजन चो काई तीजमन ले अनजान रतोर हुकुम देदे, जोनमन के माहापुरू ऐईकाजे बनालो कि बिश्वासी आउर सत चो चिता तो बितामन हुनमन के धन्यबाद चो संगे खाओत।

परमेस्वर को सच्चो वचन ख जाननू

³ जे बिवाव करन से रोकेगो, अर खान की कुछ चीज से परे रहन को आदेस देयेगो जिन ख परमेस्वर न एकोलाने सृजा की विस्वासी अर सही को पहिचानन वालो उन ख धन्यवाद को संग खाएँ।

1तीमुथियुस 4:3 Iomraidhean Croise

मत्ती 14:19

तेबे हुन लोगमन के लाटा थाने बोसतो काजे बल्लो, आउर हुन पांच रोटी आउर दुय मछरी के धरलो; आउर सरग बाटे दकुन भाती धन्यबाद करलो आउर रोटी के छिड़ाऊन-छिड़ाऊन भाती चेलामन के दिलो, आउर चेलामन लोगमन के।

मत्ती 15:11

जोन मुंह ने जाऊ आय, हुन माने के अशुद्ध नी करे, मान्तर जोन मुंह ले बाहरे निकरू आय हुनी माने के अशुद्ध करू आय।”

मत्ती 15:36

आउर ईशु सात रोटी आउर मछरी के धरलो, धन्यबाद करून टुटालो, आउर आपलो चेलामन के देते गेलो, आउर चेला लोगमन के।

लूका 24:30

जिदलदाय हुन हुनमन चो संगे खाऊक लाय बसलो, तेबे हुन रोटी धरून भाती धन्यबाद करलो आउर हुनके टुटाऊन भाती हुनमन के देऊक मुरयालो।

यूहन्ना 6:23

तेबे दुसर ड़ोंगामन तिबिरियास ले हुन जगा चो लगे ईली, जोन थाने हुनमन परबु चो धन्यबाद करलोर पाचे रोटी खाऊ रला।

प्रेरितो 27:35

ऐ बोलुन भाती हुन रोटी धरून भाती सपाय चो पुरे माहापुरू चो धन्यबाद करलो आउर टुटाऊन भाती खाऊक मुरयालो।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 14:3

खातो बिता नी खातो बिता के तुच्छ नी जानो, आउर नी-खातो बिता खातो बिता थाने दोष नी लगा ओ; कसनबल्लोने माहापुरू हुनके गरहन करलो से।

रोमियो 14:6

जोन कोनी दिन के मानु आय, हुन परबु चो काजे मानु आय। जोन खाऊ आय, हुन परबु चो काजे खाऊ आय, कसनबल्लोने हुन माहापुरू चो धन्यबाद करू आय, आउर जोन नी खाये, हुन परबु चो काजे नी खाये आउर माहापुरू चो धन्यबाद करू आय।

1 कुरिन्थियो 6:13

भात पेट चो काजे, आउर पेट भात काजे आय, मान्तर माहापुरू ऐके आउर हुनके दुनो के नष्ट करे दे। मान्तर देंह बेबीचार चो काजे नुआय, मान्तर परबु चो काजे आय, आउर परबु देंह चो काजे आय।

1 कुरिन्थियो 7:28

मान्तर अगर तुय बिहा बले कर से, तो पाप नुआय; आउर अगर कुंआरी बिहा होओ तो काई पाप नुआय। मान्तर असनमन के देंह चो दुख होयेदे, आउर मय बचातोर चाहायें से।

1 कुरिन्थियो 8:8

भात आमके माहापुरू चो लगे नी अमराये। अगर आमी नी खाऊ तेबे आमचो काई नुकसान नुआय, आउर अगर खाऊँ दे तेबे काई लाब निआय।

कुलुस्सियो 2:16

ऐईकाजे खातोर-पीतोर नाहले परब नाहले नवा जोन, नाहले सब्त चो बारे ने तुमचो कोनी नियाय नी करोत।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1तीमुथियुस 2:4

जोन ऐ चाहाऊं आय कि सपाय मानेमन चो मुक्ति होओ, आउर हुनमन सत के नुकु-नुकु चिता ओत।

1तीमुथियुस 4:4

कसनबल्लोने माहापुरू चो बनालो बिती हरकोनी तीज अच्छा आय, आउर कोनी तीज अस्वीकार करतोर लायक नुआय; मान्तर ऐ कि धन्यबाद चो संगे खाया जाओ,

1तीमुथियुस 5:14

ऐईकाजे मय ऐ चाहाऊं आय कि जुआन रान्डीमन बिहा करोत, आउर पिला जनमा ओत आउर घर दुआर संभालोत, आउर कोनी बिरूदी के बदनाम करतोर मवका नी दे ओत।

इब्रानियो 13:4

बिआ सपाय ने ईजीत चो गोठ समजा जाओ, आउर बिहा ओचना निसकलंक रओ, कसनबल्लोने माहापुरू बेबीचारीमन, आउर दुसर चो बायले नेतो बितामन चो नियाय करेदे।

इब्रानियो 13:9

नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।