1तीमुथियुस 2:8 - Halbi

⁸ ऐईकाजे मय चाहायें से कि हर जगा माने, बिना रीस आउर झगड़ा चो पवितर हाथमन के उठाऊन भाती पारथना करोत।

परमेस्वर को सच्चो वचन ख जाननू

⁸ एकोलाने मी चाहूँ हूँ, कि हर जगह अदमी बिना गुस्सा अर विवाद को सुध्द हात हुन ख उठा ख प्रार्थना कियो करो।

1तीमुथियुस 2:8 Iomraidhean Croise

मत्ती 21:21

ईशु हुनमन के जबाप दिलो, “मय तुमचो ले सते बलें सें, अगर तुमी बिश्वास संगाहा आउर संका नी करा, तेबे ना मात्र ऐ करा से जोन ऐ अंजीर चो रूक ले करा गेली से, मान्तर अगर ऐ डोंगरी ले बले बला से, ‘उखनी हो आउर समुन्द ने जाऊन पड़’, तेबे ऐ होये दे।

मत्ती 5:44

मान्तर ऐबे मय तुमचो ले ऐ बलेंसे कि आपलो बयरीमन ले मया संगावा आउर आपलो कन्दरातो बितामन चो काजे पारथना करा,

मत्ती 6:12

‘आउर जोन परकार आमी आपलो अपराधिमन के छमा करलु से, असने ची तुय बले आमचो अपराधमन के छमा कर।’

लूका 23:34

तेबे ईशु बल्लो, “हे बुआ, ऐ मन के छमा कर, कसनबल्लोने ऐ नी जानोत कि काय कर सोत।” आउर हुनमन चिठ्ठीमन डालुन भाती हुनचो फटीई बाटला।

लूका 24:50

तेबे हुन हुनमन के बैतनिय्याह तक बाहरे नीलो, आउर आपलो हाथ उठाऊन भाती हुनमन के आशीष दिलो;

यूहन्ना 4:21

ईशु हुनचो ले बल्लो, “हे नारी, मचो गोठ चो बिश्वास कर कि हुन समया ऐये से कि तुमी ना तो ऐ डोंगरी थाने बुआ चो आराधना करा से, ना यरूशलेम ने।

प्रेरितो 10:2

हुन भगत रये, आउर आपलो सपाय घरमन संगे माहापुरू के डरते रलो, आउर यहूदी लोगमन के खुबे दान देते, आउर बराबर माहापुरू ले पारथना करते रये।

प्रेरितो 10:31

आउर बोलुक मुरयालो, हे कुरनेलियुस, तुचो पारथना सुना गेली से आउर तुचो दान माहापुरू चो पुरे सुरता करा गेली से।

प्रेरितो 10:4

हुन हुनके धिआन ले दकलो आउर डरून भाती बल्लो, “हे परबु, काय आय?” हुन हुनके बल्लो, तुचो पारथनामन आउर तुचो दान सुरता काजे माहापुरू चो पुरे अमरली से;

प्रेरितो 21:5

जिदलदाय हुन दिन पुरा होऊन गेली, तेबे आमी हुता ले जाते गेलु; आउर सपाय बायले लेकीमन आउर लेकामन संगे आमके नंगर चो बाहार ले पोंचाला; आउर आमी रेटे मांडी पाडून भाती पारथना करलु,

प्रेरितो 7:60

फेर मांडी पाडून भाती जोर ले हाग दिलो, “हे परबु, ऐ पाप हुनमन उपरे नी लगाव।” आउर ऐ बोलुन भाती हुन मरून गेलो। शाऊल हुनचो बद ने शामिल रलो।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 7:7

मय ऐ चाहायें से कि जसन मय आंय, असने ची सपाय माने होओत; मान्तर हरकोनी के माहापुरू चो बाटले अच्छा-अच्छा बर मिरली से; कोनी के कोनी परकार चो, आउर कोनी के कोनी आउर परकार चो।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

फिलिप्पियो 1:12

हे भाईमन, मय चाहाऊं आंय कि तुमी ऐ जाना कि मोचो उपरे जोन गुजरली से, हुनचो ले नगतखबर चो बाड़ती होली से।

1 थिस्सलुनीकियो 1:8

कसनबल्लोने तुमचो थानले ना मात्र मकिदुनिया आउर अखाया ने परबु चो बचन सुनाया गेली, मान्तर तुमचो बिश्वास चो जोन माहापुरू उपरे आसे, हर जगा असन चरचा फयलुन गेली से कि आमके बोलतोर जरूरत ची निआय।

1तीमुथियुस 5:14

ऐईकाजे मय ऐ चाहाऊं आय कि जुआन रान्डीमन बिहा करोत, आउर पिला जनमा ओत आउर घर दुआर संभालोत, आउर कोनी बिरूदी के बदनाम करतोर मवका नी दे ओत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

याकूब 4:8

माहापुरू चो लगे ईआ तेबे हुन बले तुमचो लगे ऐयेदे। हे पापीमन, आपलो हाथ शुद्ध करा; आउर हे दुयमन लोगमन, आपलो मन के पवितर करा।

1 पतरस 3:7

असने ची हे मनुकमन, तुमी बले अकल ले बायलेमन चो संगे जीवना गुजारा करा, आउर बायले लेकी के कमजोर तीज जानुन भाती हुनचो ईजीत करा, ऐ समजुन भाती कि आमी दुनो जीवना चो बर चो हकदार आंव, जेचो ले तुमचो पारथनामन ठेबुन नी जाओ।