1तीमुथियुस 1:9 - Halbi

⁹ ऐ जानुन भाती कि नियम धरमी जन चो काजे नुआय मान्तर अधरमीमन, निरंगकुसमन, भक्तिहिनमन, पापीमन अपवितर आउर अशुद्ध मानेमन, आया बुआ चो घात करतो बितामन, हत्यारामन,

परमेस्वर को सच्चो वचन ख जाननू

⁹ यू जान ख कि नेम धर्मी जन को लाने नी पर अधर्मी या पापी हुन, निरंकुसों, भक्तिहीन, पापियो, अपविस्रो अर असुध्द हुन, अदमी हुन माय-बाप को मारन वाला, हत्यारो,

1तीमुथियुस 1:9 Iomraidhean Croise

मत्ती 10:21

“भाई, भाई के आउर बुआ के बेटा, मरातो काजे सोपदे, आउर पिलामन आया-बुआ चो बिरूद ने उठून भाती हुनमन के मरादे।

रोमियो 1:30

बदनाम करतो बिता, माहापुरू के गन्दातो बिता दुसरमन चो ईजीत नी करतो बिता, घमण्डी, ढ़ोंगाहा, खराप-खराप गोठमन चो बनातो बिता, आया बुआ चो हुकुम नी मानतो बिता,

रोमियो 4:13

कसनबल्लोने ऐ बायदा कि हुन जगत चो हकदार होये दे, ना अब्राहाम के ना हुनचो बंश के नियम चो दुवारा दिआय जाऊ रली, मान्तर बिश्वास चो धारमिकता चो दुवारा मिरली।

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

रोमियो 6:14

तेबे तुमचो उपरे पाप चो जय नी होये दे, कसनबल्लोने तुमी नियम चो अधीन निआस मान्तर अनुग्रह चो अधीन ने आसास।

गलातियो 3:19

तेबे फेर नियम केंव दिया गेली? हुन तो अपराध चो कारन पाचे दिया गेली कि हुन बंश चो ऐ ओत ले रओ, जोन के बायदा दिया जाऊ रये; आउर हुन सरग दूतमन चो बाटले गोटक मंजार चो हाथ ठेबाया गेली।

गलातियो 5:18

आउर अगर तुमी आत्मा चो चला लो ने चलु आस तो नियम चो अधीन नी रलास।

गलातियो 5:21

डाहा, मतवारपन, खेल-कुद आउर ऐ मन चो असन दुसर-दुसर काम आसे, ऐ मन चो बारे ने मय तुमचो ले पयले ले बोलुन देयें से जसन पयले बोलुन बले चुकले से, कि असन-असन काम करतो बितामन माहापुरू चो राज चो हकदार नी होओत।

गलातियो 5:23

सोज, आउर सहन आय, असन-असन काममन चो बिरूद ने काई बले नियम निआय।

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

1तीमुथियुस 4:7

मान्तर अशुद्ध आउर डोकरीमन चो असन कहनीमन ले अलग रा; आउर भक्ति चो साधना कर।

1तीमुथियुस 6:20

हे तीमुथियुस, ऐ अमानत चो राका कर; आउर जोन गिआन के गिआन बोलतोर ची भुल आय, हुनचो अशुद्ध बकवास आउर बिरूद चो गोठमन ले अनजान रा।

2 तीमुथियुस 2:16

मान्तर अशुद्ध गोठ ले बाचुन रा कसनबल्लोने असन लोग आउर बले अभक्ति ने बड़ते जादे,

2 तीमुथियुस 3:2

कसनबल्लोने माने हिंगसाहा, लोभीई, ढ़ोंगाहा, घमण्डाहा, निन्दा करू, आया बुआ चो हुकुम टालतो बिता, कृतध्न, अपवितर,

तीतुस 1:10

कसनबल्लोने खुबे लोग पुटुर-पुटुर करतो बिता आउर धोका देऊ बिता आत, खास करून खतना बितामन थानले।

तीतुस 1:16

हुनमन बोलु आत कि आमी माहापुरू के जानु, मान्तर आपलो काममन ले हुनचो इन्कार करू आत; कसनबल्लोने हुनमन घिन घिना आउर हुकुम नी मानु बिता आत, आउर कोनी अच्छा काम चो लायक नुआत।

तीतुस 1:6

जोन बेकसूर आउर गोटक ची बायले चो मुनुक होओ, जेचो पिलामन बिश्वासी होओत, आउर जोनमन थाने ठग आउर काई दोष नी रओ।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

इब्रानियो 11:31

बिश्वास ची ले राहाब बेश्या हुकुम नी मानतो बितामन चो संगे नष्ट नी होली, ऐईकाजे कि हुन कुटनमन के हरिक ले संगाऊन रये।

इब्रानियो 12:16

असन नी होओ कि कोनी जन बेबीचारी, नाहले एसाव चो असन अधरमी होओ जोन गोटक हार चो भात चो पलटा आपलो पयलवात होतोर पन बिकुन दिलो।

1 पतरस 2:7

आउर तुमचो काजे जोन बिश्वास करू आस हुन बड़े मोल आय, मान्तर जोन बिश्वास नी करोत हुनमन काजे “जोन पकना के राजमिस्त्रीमन बेकार ठेबाऊ रला, हुनी कोनया चो टोक होऊन गेली,”

1 पतरस 3:20

जोनमन हुन बितलो समया ने हुकुम नी मानला, जिदलदाय माहापुरू नूह चो दिनमन ने धीरज धरून भाती ठेबुन रये, आउर हुन जाहाज बनते रये, जोन थाने बसुन भाती खिन्डिक लोग बल्लोने आंट लोग पानी चो दुवारा बाचुन गेला।

1 पतरस 4:18

आउर “अगर धरमी माने ची मशकिल ले मुक्ति पाये दे, तेबे भक्तिहीन आउर पापी चो काय ठिकाना?”

यहूदा 1:15

कि सपाय चो नियाय करो, आउर सपाय भक्तिहीनमन चो हुनमन चो अभक्ति चो सपाय काममन चो बारे ने जोन हुनमन भक्तिहीन होऊन भाती करला से, आउर हुन सपाय कठोर गोठमन चो बारे ने जोन भक्तिहीन पापीमन हुनचो बिरूद ने बल्ला से, दोषी ठेबाओ।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।