1तीमुथियुस 1:16 - Halbi

¹⁶ मान्तर मोचो उपरे ऐईकाजे दया होली कि मय सपाय ले बड़े पापी ने ईशु मसीह आपलो पुरा सयनशक्ति दकालो, कि जोन लोग हुनचो उपरे अमर जीवना चो काजे बिश्वास कर दे हुनमन काजे मय गोटक नमूना बने।

परमेस्वर को सच्चो वचन ख जाननू

¹⁶ पर मोरो पर एकोलाने दया हुई कि मी सब से बड़ो पापी म यीसु मसी अपनी पुरी सहनसीलता दिखाय, कि जे इंसान ओपा अनन्त जिन्दगी को लाने भरोसा करेहे उनको लाने मी एक नमूना बनूँ।

1तीमुथियुस 1:16 Iomraidhean Croise

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 23:43

हुन हुनचो ले बल्लो, “मय तुचो ले सते बलें सें कि आजी ची तुय मोचो संगे सरग लोग ने हो से।”

लूका 7:47

ऐईकाजे मय तुमचो ले बलें सें कि ऐचो पाप जोन खुबे रये, छमा होली, कसनबल्लोने ऐ खुबे मया करली; मान्तर जेचो खिन्डिक छमा होली से। हुन खिन्डिक मया करू आय।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:36

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 6:54

जोन मोचो मास खाऊ आय आउर मोचो लऊ पीऊ आय, अमर जीवना हुनचेई आय; आउर मय हुनके आखरी दिने फेर जियाऊन उठायें दें।

प्रेरितो 13:39

आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

रोमियो 15:4

जितरो गोठमन पयले ले लिकाय गेली, हुनमन आमचो ची सिक्या चो काजे लिकलोर आसे कि आमी धीरज आउर पवितर शास्त्र चो प्रोत्साहन दुवारा आशा संगाऊ।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

1 कुरिन्थियो 7:25

कुंआरीमन चो बारे ने परबु चो काई हुकुम मोके नी मिरली, मान्तर बिश्वास लायक होतोर काजे जसन दया परबु मोचो उपरे करलो से, हुनचेई अनुसार सहमती देयें से।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

इफिसीयो 1:12

कि आमी, जोनमन पयले ले मसीह उपरे आशा संगाऊ रलु, हुनचो महिमा चो स्तुति चो कारन होओ।

इफिसीयो 1:6

कि हुनचो हुन अनुग्रह चो महिमा चो स्तुति होओ, जेके हुन आमके आपलो लाडरा बेटा चो बाटले सेंत-मेंत दिलो।

इफिसीयो 2:7

कि हुन आपलो हुन किरपा ले जोन मसीह ईशु ने आमचो उपरे आसे, ऐतो बिती समयामन ने आपलो अनुग्रह चो असीम धन दकाओ।

2 थिस्सलुनीकियो 1:10

ऐ हुन दिने होये दे, जिदलदाय हुन आपलो पवितर लोगमन ने महिमा पावतो आउर सपाय बिश्वास करतो बितामन ने अकचकित चो कारन होऊक लाय ऐये दे; कसनबल्लोने तुमीमन आमचो गोहई थाने बिश्वास करलास।

1तीमुथियुस 1:13

मय तो पयले निन्दा करतो बिता, आउर कन्दरातो बिता, आउर अंधेर करतो बिता रले; तेबले बले मोचो उपरे दया होली, कसनबल्लोने मय अबिश्वास चो दसा ने बिना समजुन बुजुन ऐ कामकरू रले।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

1 पतरस 3:20

जोनमन हुन बितलो समया ने हुकुम नी मानला, जिदलदाय माहापुरू नूह चो दिनमन ने धीरज धरून भाती ठेबुन रये, आउर हुन जाहाज बनते रये, जोन थाने बसुन भाती खिन्डिक लोग बल्लोने आंट लोग पानी चो दुवारा बाचुन गेला।

2 पतरस 3:15

आउर आमचो परबु चो धीरज के मुक्ति समजा, जसन आमचो लाड़रा भाई पौलुस बले हुन गिआन चो अनुसार जोन हुनके मिरली, तुमके लिकलो से।

2 पतरस 3:9

परबु आपलो बायदा चो बारे ने बेर नी करे, जसन बेर कितलो लोग समजु आत; मान्तर तुमचो बारे ने धीरज धरू आय, आउर नी चाहाय कि कोनी नष्ट होओ मान्तर ऐ आय कि सपाय के मन फिरातोर मवका मिरो।