1तीमुथियुस 1:12 - Halbi

¹² मय आपलो परबु मसीह ईशु चो जोन मोके सामरत दिलो से, धन्यबाद करें से कि हुन मोके बिश्वास लायक समजुन भाती आपलो सेवा चो काजे ठेबालो।

परमेस्वर को सच्चो वचन ख जाननू

¹² हमारो प्रभु यीसु मसी को मी धन्यवाद देऊ हूँ, जेना मोखा सक्ति दी हैं, अऊर मोखा भरोसा को लायक समझ ख अपनी सेवा म धन्यवाद करू हैं कि ओ ना मोखा भरोसा को लायक समझ ख अपनी सेवा को लाने ठहरायो।

1तीमुथियुस 1:12 Iomraidhean Croise

मत्ती 20:4

आउर हुनमन ले बल्लो, ‘तुमी बले दाख चो बनवाड़ी ने जाहा, आउर जोन काई ठीक आसे, तुमके देयें दें।’ आउर हुनमन बले गेला।

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

प्रेरितो 16:15

जिदलदाय हुन आपलो घरलोगमन संगे डूबन धरला, तेबे हुन आमचो ले बिनती करली, “अगर तुमी मोके परबु चो बिश्वासीनी समजेसास, तो जाऊन भाती मोचो घर ने राहा,” आउर हुन आमके राजी करून निली।

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

प्रेरितो 9:22

मान्तर शाऊल आउर बले सामरती होते गेलो, आउर ऐ गोठ चो सबुत देऊन-देऊन भाती कि मसीह ऐई आय, दमिश्क चो रतो बितामन यहूदीमन चो मुंह बंद करते रलो।

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 3:5

अपुल्लोस काय आय? आउर पौलुस काय आय? मात्र सेवक, जेचो दुवारा तुमी बिश्वास करलास, जसन हरकोनी के परबु दिलो।

1 कुरिन्थियो 7:25

कुंआरीमन चो बारे ने परबु चो काई हुकुम मोके नी मिरली, मान्तर बिश्वास लायक होतोर काजे जसन दया परबु मोचो उपरे करलो से, हुनचेई अनुसार सहमती देयें से।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

फिलिप्पियो 2:11

आउर माहापुरू बुआ चो महिमा चो काजे हरकोनी जीब अंगीकार करोत कि ईशु मसीह ची परबु आय।

फिलिप्पियो 4:13

जोन मोके सामरत देऊ आय हुन थाने मय सपाय काई करूक सकें।

कुलुस्सियो 1:25

जेचो मय माहापुरू चो हुन जुगाड़ चो अनुसार सेवक बनले जोन तुमचो काजे मोके सोपला, बल्ले मय माहापुरू चो बचन के पुरा-पुरा परचार करें।

1तीमुथियुस 1:1

पौलुस चो बाटले जोन आमचो मुक्तिकरू माहापुरू आउर आमचो आशा चो आधार मसीह ईशु चो हुकुम ले मसीह ईशु चो पठालोबिता आय,

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

1तीमुथियुस 1:2

तीमुथियुस चो नाव जोन बिश्वास ने मोचो सत बेटा आय: बुआ माहापुरू, आउर आमचो परबु मसीह चो बाटले तुके अनुग्रह, आउर दया आउर शान्ति मिरते रओ।

1तीमुथियुस 6:13

मय तुके माहापुरू के, जोन सपाय के जीव संगाऊ आय, आउर मसीह ईशु के गोहई करून जोन पुन्तियुस पिलातुस चो पुरे अच्छा अंगीकार करलो, ऐ हुकुम देये से

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।