1तीमुथियुस 1:10 - Halbi

¹⁰ बेबीचारीमन, माने गामीमन, मानेमन के बिकतो बितामन, झुठ बोलतो बितामन, आउर झूठा किरिया खातो बितामन, आउर ऐ मन के छांडुन खर उपदेश चो सपाय बिरूदीमन चो काजे ठेबाए गेलीसे।

परमेस्वर को सच्चो वचन ख जाननू

¹⁰ बुरा काम करन वाला पुरुसगार्मी हुन, इंसान ख बेचन वाला, झूठा बोलन वाला, झूठी कसम खान वाला, अर ऐको अलावा खान वाला, ऐका अलावा खरो सिखान वाला ख सब बैरी हुन को लाने ठहराई गई हैं।

1तीमुथियुस 1:10 Iomraidhean Croise

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

रोमियो 1:26

ऐईकाजे माहापुरू हुनमन के निच काममन चो वश ने छांडलो; ऐथा ले कि हुनमन चो बायलेमन बले स्वभाविक टकर के हुनचो ले जोन टकर चो बिरूद आय, बदलुन दिला।

1तीमुथियुस 4:6

अगर तुय भाईमन के ऐ गोठमन चो सुद्धि दिआते रसे, तो मसीह ईशु चो अच्छा सेवक ठेब से; आउर बिश्वास आउर हुन अच्छा उपदेश चो गोठमन ले, जोन तुय मानते ईली सीस, तुचो पालन पोषन होते रयदे।

1तीमुथियुस 6:3

अगर कोनी आउर ची परकार चो उपदेश देऊ आय आउर खर गोठमन के, बल्लोने आमचो परबु ईशु मसीह चो गोठमन के आउर हुन उपदेश के नी माने, जोन भक्ति चो अनुसार आय,

2 तीमुथियुस 1:13

जोन खर गोठमन तुय मोचो ले सुनली सीस हुनके हुन बिश्वास आउर मया चो संगे, जोन मसीह ईशु ने आसे, आपलो नमूना बनान भाती संगाव।

2 तीमुथियुस 4:3

कसनबल्लोने असन समया ऐये दे जिदलदाय लोग खर उपदेश के नी सहुक सक दे, मान्तर कानमन चो खजरी चो लागुन आपलो इच्छामन चो अनुसार आपलो काजे खुबे असन उपदेश देऊ सकल दे,

तीतुस 1:13

ऐ गोहई सत आय, ऐईकाजे हुनमन के कड़ाई ले जनाऊन देस कि हुनमन बिश्वास ने पक्का होऊन जाओत,

तीतुस 1:9

आउर हुन बिश्वास लायक बचन थाने जोन धरम उपदेश चो अनुसार आय, थीर रओ कि खर सिक्या ले उपदेश सिकाक सको आउर बिरूदीमन चो मुंह बले बन्द करूक सको।

इब्रानियो 13:4

बिआ सपाय ने ईजीत चो गोठ समजा जाओ, आउर बिहा ओचना निसकलंक रओ, कसनबल्लोने माहापुरू बेबीचारीमन, आउर दुसर चो बायले नेतो बितामन चो नियाय करेदे।

यहूदा 1:7

जोन रीति ले सदोम आउर अमोरा आउर हुनचो लगे-लगे चो नंगर, जोन ऐ मन चो असन बेबीचारी होऊन जाऊ रओत आउर पराया देंह चो पाटे लगुन जाऊ रओत, आईग चो अमर डण्ड ने पडुन भाती कहनी ठेबला से।

प्रकाशितवाक्य 18:13

आउर दालचीनी छाली, मसाला, धुप, इतर, लोबान, मन्द, तेल, मयदा, गऊँ, गाय-बैला, मेंडा-बकड़ीमन, घोड़ामन, रत आउर दास, आउर मानेमन चो परान।

प्रकाशितवाक्य 21:27

मान्तर हुन थाने कोनी अशुद्ध तीज, नाहले घिन-घिना काम करतो बिता, नाहले फंद के बनातो बिता कोनी रीति ले नी ओले, मान्तर मात्र हुन लोग जोनमन चो नाव मेमना चो जीवना चो किताब ने लिकलोर आसे।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।