1 थिस्सलुनीकियो 5:6 - Halbi

⁶ ऐईकाजे आमी दुसरमन चो असन सोहते नी रऊँ, मान्तर चेता आउर खबड़दार रऊँ।

परमेस्वर को सच्चो वचन ख जाननू

⁶ एकोलाने हम दुसरा को समान सोते नी रैय पर जगते अर भागते सोते रहे।

1 थिस्सलुनीकियो 5:6 Iomraidhean Croise

मत्ती 13:25

मान्तर जिदलदाय लोग सोहते रवत तेबे हुनचो बयरी ऐऊन भाती गऊँ चो मंजी रान बीज बुनुन जाते गेलो।

मत्ती 24:42

ऐईकाजे चेत ने राहा, कसनबल्लोने तुमी नी जानास कि तुमचो परबु कोन दिने ऐये दे।

मत्ती 25:13

ऐईकाजे चेत ने राहा, कसनबल्लोने तुमी ना हुन दिन के जानास, ना हुन घड़ी के।”

मत्ती 25:5

जिदलदाय दुला चो ऐतोर ने बेर होली, तेबे हुनमन सपाय झुमुक मुरयाला आउर सोऊन गेला।”

मत्ती 26:38

तेबे हुन हुनमन ले बल्लो, “मोचो जीव खुबे मुरमुरा आसे, ऐथा ले कि मोचो जीव निकरून जाये से। तुमी ऐथाय थेबा आउर मोचो संगे चेता रहा।”

मरकुस 13:37

आउर जोन मय तुमचो बलें सें, हुनी सपाय ले बलें सें: चेत ने राहा।”

लूका 12:37

धन्य आय हुन दास जोन के मालिक ऐऊन भाती चेता पाओ; मय तुमचो ले सते बलेंसें कि हुन करांड बान्दुन भाती हुनमन के भात खाऊक बसायेदे, आउर लगे ऐऊन भाती हुनमन चो सेवा करे दे।

लूका 12:39

मान्तर तुमी ऐ जानुन राआ कि अगर घर चो मालिक जानतो कि चोर कोन घड़ी ने ऐये दे, तेबे चेता रतो आउर आपलो घरे चोरी होऊक नी देतो।

लूका 21:36

ऐईकाजे चेत ने राहा आउर हर समया पारथना करते राआ कि तुमी ऐ सपाय ऐतो बिती घटनामन ले बाचतोर आउर माने चो बेटा चो पुरे उबा होतोर लायक बना।”

लूका 22:46

आउर हुनमन ले बल्लो, “काय काजे सोयसास? उठा, पारथना करा कि परीक्षा ने नी पड़ा।”

प्रेरितो 20:31

ऐईकाजे चेता राहा, आउर सुरता करा कि मय तीन बरक ले रात दिन आँसु बहाऊन-बहाऊन हरकोनी के जनातोर नी छांडले।

1 कुरिन्थियो 15:34

धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।

1 कुरिन्थियो 16:13

चेता राआ, बिश्वास ने थीर राआ, साहास करा, बलवान हुआ।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इफिसीयो 5:14

ऐईकाजे हुन बलेंसें, “हे सोहतो बितामन, चेत आउर मरलो थानले जीव उठ; तेबे मसीह चो उजर तुचो उपरे चमके दे।”

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

फिलिप्पियो 4:5

तुमचो कोमलता सपाय मानेमन उपरे परकट होओ। परबु लगे आसे।

कुलुस्सियो 4:2

पारथना ने लगुन राहा, आउर धन्यबाद चो संगे हुनचो ने जागरत राहा;

1 थिस्सलुनीकियो 4:13

हे भाईमन, आमी नी चाहाऊं कि तुमी हुनमन चो बारे ने जोन सोऊ आत, अगिआनी राहा; असन नी होओ कि तुमी दुसरमन चो असन दुख करा जेके आशा निआय।

1 थिस्सलुनीकियो 5:10

हुन आमचो काजे ऐई कारन मरलो कि आमी भले चेता रऊँ भले सोहते रऊँ, सपाय मिसुन भाती हुनचेई संगे जीऊ।

1 थिस्सलुनीकियो 5:8

मान्तर आमी जोन दिन चो आंव, बिश्वास आउर मया चो झिलम पिन्दुन भाती आउर मुक्ति चो आशा चो टोप पिन्दुन भाती खबड़दार राहा।

1तीमुथियुस 2:15

तेबले बले बायले लेकी पिला जनमातोर लागुन मुक्ति पायेदे, अगर हुन सहन संगे बिश्वास, मया, आउर पवितरता ने थीर रओ।

1तीमुथियुस 2:9

असने ची बायले लेकीमन बले संका आउर सहन चो संगे कायसुन्दर फटीईमन ले आपन खुद के सजा ओत; ना कि केश गाततोर आउर सोना आउर मोतीमन आउर खुबे मोल फटीईमन ले,

1तीमुथियुस 3:11

असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

1तीमुथियुस 3:2

ऐ जरूरी आय कि अध्यक्ष बेकसूर, आउर गोटकी ची बायले चो मुनुक, सहन करू, सोज, समजदार, सगामान करू बिता, आउर सिकातो ने निपुन होओ।

2 तीमुथियुस 4:5

मान्तर तुय सपाय गोठमन ने बाचुन रा, दुख उठाव, नगतखबर परचार चो काम कर, आउर आपलो सेवा के पुरा कर।

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

तीतुस 2:6

असने ची जुआन मानेमन के बले समजाव कि सहन करू बिता होओत।

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

प्रकाशितवाक्य 16:15

“दक, मय चोर चो असन ऐऊ आय; धन्य हुन आय जोन चेता रऊ आय, आउर आपलो फटीई चो राका करू आय कि बिन फटीई नी फिरो, आउर लोग हुनचो ढुमढ़ापन नी दकोत।”

प्रकाशितवाक्य 3:2

“जागरत हुआ, आउर हुन तीजमन के जोन बाकी बाचली से आउर जोन मेटतो ने आसे, हुनमन के मजबूत कर; कसनबल्लोने मय तुचो कोनी काम के आपलो माहापुरू चो लगे पुरा नी पावले।”