1 थिस्सलुनीकियो 5:23 - Halbi

²³ शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

परमेस्वर को सच्चो वचन ख जाननू

²³ सान्ति को परमेस्वर खुद ही तुम ख पुरी तरीका से सुध्द करे; अर तुमरी आत्मा अर जान अर सरीर हमरो प्रभु यीसु मसी को आन तक पुरा-पुरो अर बेकसुर सभल ख रहे।

1 थिस्सलुनीकियो 5:23 Iomraidhean Croise

लूका 1:46

तेबे मरियम बल्ली, “मोचो जीव परबु चो बड़ाई करू आय

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:33

शान्ति चो माहापुरू तुमी सपाय चो संगे रओ। आमीन।

रोमियो 15:5

धीरज आउर शान्ति चो दाता माहापुरू तुमके ऐ बर देओ कि मसीह ईशु चो अनुसार आपस ने गोटक मन राआ।

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 14:33

कसनबल्लोने माहापुरू गड़बड़ी चो नुआय, मान्तर शान्ति चो माहापुरू आय। जसन पवितर लोगमन चो सपाय कलीसियामन ने आसे।

2 कुरिन्थियो 5:19

बल्लोने माहापुरू मसीह ने होऊन भाती आमके आपलो संगे संवसार चो मिला-मिसा करलो, आउर हुनमन चो अपराधमन चो दोष हुनमन उपरे नी लगालो, आउर हुन मिला-मिसा चो बचन आमके सोपुन दिलोसे।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

फिलिप्पियो 1:6

मोके ऐ गोठ चो भरसा आसे कि जोन तुमचो ने अच्छा काम मुरयालो से, हुनी हुनके ईशु मसीह चो दिन ले पुरा करे दे।

फिलिप्पियो 4:9

जोन गोठमन तुमी मचो ले सिकलास, आउर गरहन करलास, आउर सुनलास, आउर मचो ने दकलास, हुनीमन चो पालन करा, तेबे माहापुरू चो जोन शान्ति चो झरन आय तुमचो संगे रयदे।

कुलुस्सियो 1:22

हुन अदायं हुनचो शारीरिक देंह ने मरना चो कारन तुमचो बले मिलान करलो बल्ले तुमके आपलो पुरे पवितर आउर निसकलंक, आउर बेकसूर बनान भाती हाजिर करो।

1 थिस्सलुनीकियो 2:19

अच्छा आमचो आशा नाहले हरिक नाहले बड़ाई चो मुकुट काय आय? काय आमचो परबु ईशु चो पुरे हुनचो ऐतोर समया तुमी ची नी हुआस?

1 थिस्सलुनीकियो 3:11

अदायं आमचो माहापुरू आउर बुआ खुद ची आउर आमचो परबु ईशु, तुमचो थाने ऐतोर आमचो अगवाई करो;

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

1 थिस्सलुनीकियो 4:3

कसनबल्लोने माहापुरू चो इच्छा ऐ आय कि तुमी पवितर बना बल्लोने बेबीचार ले बाचुन राहा,

1 थिस्सलुनीकियो 5:22

सपाय परकार चो खराप ले बाचुन राहा।

2 थिस्सलुनीकियो 3:16

अदायं परबु जोन शान्ति चो झरन आय खुद ची तुमके सदा आउर हर परकार ले शान्ति देओ। परबु तुमी सपाय चो संगे रओ।

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

इब्रानियो 2:11

कसनबल्लोने पवितर करतो बिता आउर जोन पवितर कराया जाऊ आत, सपाय गोटक ची मुर ले आत; ऐई लागुन हुन हुनमन के भाई बोलतोर ले नी लाज होये।

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।

याकूब 1:4

मान्तर धीरज के आपलो पुरा काम करूक दिआस कि तुमी पुरा आउर सिद्ध होऊन जाहा, आउर तुमचो थाने कोनी गोठ चो कमी नी रओ।

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,