1 थिस्सलुनीकियो 5:21 - Halbi

²¹ सपाय गोठमन के परका; जोन अच्छा आय हुनके धरून रहा।

परमेस्वर को सच्चो वचन ख जाननू

²¹ सब बात हुन का परखो; जे अच्छी हैं ओखा पकड़ ख रहनू।

1 थिस्सलुनीकियो 5:21 Iomraidhean Croise

लूका 12:57

“तुमी खुदे ची तय केंव नी करास कि नगत काय आय?

यूहन्ना 15:4

तुमी मोचो ने बनुन राहा, आउर मय तुमचो ने। जसन खेंदा अगर अंगुर डीरा ने बनुन नी रये तेबे आपन खुद ले नी फरूक सके, असने ची तुमी बले अगर मोचो ने बनुन नी राहा से तो नी फरूक सकास।

यूहन्ना 8:31

तेबे ईशु हुन यहूदीमन ले जोनमन हुनचो उपरे बिश्वास करू रला, बल्लो, “अगर तुमी मोचो बचन ने बनुन राहा से, तेबे सते मोचो चेलामन ठेबा से।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

रोमियो 12:9

मया निष्कपट होओ; खराप ले दूर राहा; भलाई ने लगु राआ।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

1 कुरिन्थियो 2:11

मानेमन थानले कोन कोनी माने चो गोठमन जानु आय, मात्र माने चो आत्मा जोन हुन थाने आसे? असने ची माहापुरू चो गोठमन बले कोनी नी जानोत, मात्र माहापुरू चो आत्मा।

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

इफिसीयो 5:10

आउर ऐ परका कि परबु के काय भाऊ आय।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

फिलिप्पियो 3:16

ऐईकाजे जोन लगले आमी अमरलु से, हुनचेई अनुसार चलु।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

1 थिस्सलुनीकियो 5:22

सपाय परकार चो खराप ले बाचुन राहा।

2 थिस्सलुनीकियो 2:15

ऐईकाजे हे भाईमन, थीर राहा; आउर जोन-जोन गोठमन तुमी चाहलास बचन नाहले चिठ्ठी चो बाटले आमचो ले सिकलासास, हुनमन के धरू राआ।

2 तीमुथियुस 1:15

तुय जानीस कि आसिया बितामन सपाय मोचो ले फिरून गेला से, जोन मन ने फूगिलुस आउर हिरमुगिनेस आसोत।

2 तीमुथियुस 3:6

ऐ मन थानले हुन लोगमन आत जोन घरमन ने खुसराय ओलुन ऐऊ आत, आउर हुन कमजोर बायले लेकीमन के बस ने करू आत जोन पापमन ले दबलोर आउर हर परकार चो इच्छामन चो बस ने आसोत,

2 तीमुथियुस 4:14

सिकन्दर कुमार मोचो ले खुबे बुराईमन करलो से; परबु हुनके हुनचो काममन चो अनुसार पलटा देये दे।

इब्रानियो 10:23

ईआ आमी आपलो आशा चो अंगीकार के हिम्मत ले थामुन रऊ, कसनबल्लोने जोन बायदा करलो से, हुन बिश्वास लायक आय;

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”

प्रकाशितवाक्य 2:25

“मान्तर हव, जोन तुमचो लगे आसे हुनके मोचो ऐओत ले थामुन राहा।”

प्रकाशितवाक्य 3:11

“मय झटके ऐतो बिता आंय; जोन काई तुचो लगे आसे हुनके थामुन रा कि कोनी तुचो मुकुट झिकुन नी धरो।”

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”