1 थिस्सलुनीकियो 5:15 - Halbi

¹⁵ खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

परमेस्वर को सच्चो वचन ख जाननू

¹⁵ सतर का रहनु! कोई, कोई से बुराई को बदला बुरई नी करन को; पर हमेसा भलाई करन पर तैयार रहनो, एक दुसरो म अर सब से ही भी भलई की बात करनो।

1 थिस्सलुनीकियो 5:15 Iomraidhean Croise

मत्ती 5:39

मान्तर मय तुमचो ले ऐ बलेंसे कि खराप माने चो सामना नी करा; मान्तर जोन कोनी तुचो उजा गाल थाने थापड़ मारेदे, हुनचो बाटे दुसर बले फेरून देस।

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

प्रेरितो 16:28

मान्तर पौलुस जोर ले हाग देऊन भाती बल्लो, “आपन खुद के काई हानि नी पोंचाव, कसनबल्लोने आमी सपाय ऐथाय आंसु।”

रोमियो 12:9

मया निष्कपट होओ; खराप ले दूर राहा; भलाई ने लगु राआ।

रोमियो 14:19

ऐईकाजे आमी हुन गोठमन ने लगुन रऊँ जोनमन ले मिला-मिसा आउर गोटक दुसर चो सुदार होओ।

1 कुरिन्थियो 14:1

मया चो अनुकरन करा, आउर आत्मिक बरमन चो बले धुन ने राहा, खास करून ऐ कि अगम गोठ करा।

1 कुरिन्थियो 16:10

अगर तीमुथियुस ऐऊन जाओ, तेबे दका कि हुन तुमचो थाने निडर रओ; कसनबल्लोने हुन मोचो असन परबु चो कामकरू आय।

1 कुरिन्थियो 6:7

मान्तर सत-सत तुमनमन ने बड़े दोष तो ऐ आय कि आपस ने पेशी करू आहास। अनियाय केंव नी सहास? आपलो हानि केंव नी सहास?

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

इफिसीयो 5:15

ऐईकाजे धिआन ले दका, कि कसन चाल चलेसास; बेअकलमन चो असन नाई मान्तर अकल बितामन चो असन चला।

इफिसीयो 5:33

मान्तर तुमचो ने हरकोनी आपलो बायले ले आपलो असन मया संगाओ, आउर बायले बले आपलो मनुक चो भय मानो।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1 थिस्सलुनीकियो 5:21

सपाय गोठमन के परका; जोन अच्छा आय हुनके धरून रहा।

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

2 तीमुथियुस 2:24

परबु चो दास के झगड़ाहा नी होतोर आय, मान्तर हुन सपाय चो संगे कोमल आउर सिक्या ने भरून आउर सहतो बिता होओ।

तीतुस 3:2

काकीई दोष नी लगाआ, झगड़ा बिता नी होओ; मान्तर कोमल स्वभाव चो होओ, आउर सपाय मानेमन चो संगे बड़े सोज चो संगे रओ।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:17

सपाय चो ईजीत करा, भाईमन ले मया संगाआ, माहापुरू ले डरा, राजा चो मान करा।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

3 यूहन्ना 1:11

हे लाड़रा, खराप चो नाई मान्तर भलाई चो करतो बिता हो। जोन भलाई करू आय, हुन माहापुरू चो बाटले आय; मान्तर जोन खराप करू आय, हुन माहापुरू के नी दकलो।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”