1 थिस्सलुनीकियो 5:10 - Halbi

¹⁰ हुन आमचो काजे ऐई कारन मरलो कि आमी भले चेता रऊँ भले सोहते रऊँ, सपाय मिसुन भाती हुनचेई संगे जीऊ।

परमेस्वर को सच्चो वचन ख जाननू

¹⁰ मसी हमरो लाने एकोलाने मरियो, जसो हम चाहे जिन्दा रैय या मर गया होय, सब मिलका ओको ही संग जीएँ।

1 थिस्सलुनीकियो 5:10 Iomraidhean Croise

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

यूहन्ना 10:11

अच्छा चरेया मय आय; अच्छा चरेया मेंडामन चो काजे आपलो जीव देऊ आय।

यूहन्ना 10:15

जसन बुआ मोके जानु आय आउर मय बुआ के जानु आय--आउर मय मेंडामन चो काजे आपलो जीव के देऊ आय।

यूहन्ना 10:17

बुआ ऐईकाजे मोचो ले मया संगाऊ आय कि मय आपलो जीव देऊ आंय कि हुनके फेर ले धरें।

यूहन्ना 15:13

ऐचो ले बड़े मया काचीई नुआय कि कोनी आपलो मीतमन चो काजे आपलो जीव देओ।

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

1 कुरिन्थियो 15:3

ऐई लागुन मय सपाय ले पयले तुमके हुनी गोठ अमराऊन दिले, जोन मोके अमरू रली कि पवितर शास्त्र चो बचन चो अनुसार ईशु मसीह आमचो पापमन काजे मरून गेलो,

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

1 थिस्सलुनीकियो 4:13

हे भाईमन, आमी नी चाहाऊं कि तुमी हुनमन चो बारे ने जोन सोऊ आत, अगिआनी राहा; असन नी होओ कि तुमी दुसरमन चो असन दुख करा जेके आशा निआय।

1 थिस्सलुनीकियो 4:15

कसनबल्लोने आमी परबु चो बचन चो अनुसार तुमनमन ले ऐ बोलु आंव कि आमी जोन जीव आंसु आउर परबु चो ऐतो दाय ले बाचुन रवां, सोहलो लोगमन ले केबीई पुरे नी बड़ दे।

1 थिस्सलुनीकियो 4:17

तेबे आमी जोन जीव आउर बाचुन रउन्दे हुनमन चो संगे बादरी उपरे उठाऊन निया जाऊँ दे कि लेहरा ने परबु ले मिलूं; आउर ऐई रीति ले आमी सदा परबु चो संगे रउन्दे।

1 थिस्सलुनीकियो 5:6

ऐईकाजे आमी दुसरमन चो असन सोहते नी रऊँ, मान्तर चेता आउर खबड़दार रऊँ।

1तीमुथियुस 2:6

जोन आपन खुद के सपाय चो छुटकारा चो दाम ने देऊन दिलो, आउर हुनचो गोहई ठीक समया थाने दियाय गेली।

2 तीमुथियुस 2:11

ऐ गोठ सत आय, कि अगर आमी हुनचो संगे मरलु से तो हुनचो संगे जिऊन्दे बले;

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।