1 थिस्सलुनीकियो 4:6 - Halbi

⁶ कि ऐ गोठ ने कोनी आपलो भाई के नी ठगो, आउर ना हुनचो उपरे दाँव चला ओ, कसनबल्लोने परबु ऐ सपाय गोठमन चो पलटा धरू बिता आय; जसन कि आमीमन पयले ची तुमचो ले बोलु आउर जनाऊन बले रलु।

परमेस्वर को सच्चो वचन ख जाननू

⁶ कि या बात म कोई अपनो भई ख नी ठगन को, अर न ओपर हुकुम चलाय, काहेकि प्रभु असी सब बात हुन को पलटा लेन वालो हैं; जसो की हम न पहिले ही तुम से बोल दियो अर जतायो भी हतो।

1 थिस्सलुनीकियो 4:6 Iomraidhean Croise

मरकुस 10:19

तुय हुकुममन के तो जानीस: ‘हत्या नी कर, बेबीचार नी कर, चोरी नी कर, झूठा गोहई नी देस, छंदवार नी हो, आपलो बुआ आउर आपलो आया चो ईजीत कर।’”

लूका 12:5

मय तुमके जनायें से कि तुमके कोचो ले डरतोर आय, घात करलो पाचे जेके नरक ने पकातोर अधिकार आसे, हुनचेई ले डरा; हव, मय तुमचो ले बलें सें, हुनचेई ले डरा।

लूका 16:28

कसनबल्लोने मोचो पांच भाई आसोत; हुन हुनमन चो पुरे ऐ गोठमन चो गोहई देओ, असन नी होओ कि हुनमन बले ऐ तकलीस चो जगा ने ऐ ओत।’

रोमियो 1:18

माहापुरू चो रिस तो हुन लोगमन चो सपाय अभक्ति आउर अधरम थाने सरग ले उजागर होऊ आय, जोन सत के अधरम ले चेपान संगाऊ आत।

रोमियो 12:19

हे लाड़रामन, पलटा नी धरा, मान्तर माहापुरू के रीस चो मवका दिआस, कसनबल्लोने लिकलोर आसे, “पलटा धरतोर मोचो काम आय, परबु बले से मय ची पलटा देयें दें।”

रोमियो 13:4

कसनबल्लोने हुन तुचो भलाई काजे माहापुरू चो सेवक आय। मान्तर अगर तुय खराप कर से, तो डर, कसनबल्लोने हुन तलवार फकाहा धरून भाती नाई; आउर माहापुरू चो सेवक आत कि हुनचो रीस चो अनुसार खराप काम करतो बितामन के डण्ड देओत।

2 कुरिन्थियो 7:11

आउर दका, ऐई गोठ ले कि तुमके माहापुरू भक्ति चो दुक होली तुमचो ने कितलो उदुम आउर जबाप चो जबाप आउर रीस, आउर भय, आउर लालच, आउर धुन आउर डण्ड देतोर बिचार पयदा होली? तुमीमन सपाय परकार ले ऐ सिद्ध करून दकालास कि तुमी ऐ गोठ ने निर्दोष आस।

गलातियो 5:21

डाहा, मतवारपन, खेल-कुद आउर ऐ मन चो असन दुसर-दुसर काम आसे, ऐ मन चो बारे ने मय तुमचो ले पयले ले बोलुन देयें से जसन पयले बोलुन बले चुकले से, कि असन-असन काम करतो बितामन माहापुरू चो राज चो हकदार नी होओत।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

इफिसीयो 5:6

कोनी तुमके फकाहा गोठमन ले धोका नी दे ओत, कसनबल्लोने ऐई काममन चो लागुन माहापुरू चो रीस हुकुम नी मानतो बितामन चो उपरे भड़कु आय।

1 थिस्सलुनीकियो 2:11

तुमी जानेसास कि जसन बुआ आपलो लेकामन चो संगे बेवहार करू आय, असने ची आमी बले तुमचो थानले हरकोनी के उपदेश करते, आउर शान्ति देते, आउर समजाते रऊँ।

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

इब्रानियो 13:4

बिआ सपाय ने ईजीत चो गोठ समजा जाओ, आउर बिहा ओचना निसकलंक रओ, कसनबल्लोने माहापुरू बेबीचारीमन, आउर दुसर चो बायले नेतो बितामन चो नियाय करेदे।

इब्रानियो 2:6

मान्तर कोनी काहांय ऐ गोहई दिलासे, “माने काय आय कि तुय हुनचो सुद्धि धरू आस? नाहले माने चो बेटा काय आय कि तुय हुनचो चिन्ता करू आस?

याकूब 2:6

मान्तर तुमी हुन कंगाल चो बेईजित करलास। काय सवकारी लोग तुमचो उपरे दूर बेवहार नी करोत आउर काय हुनमन ची तुमके कचरीमन ने लगडून-लगडून भाती नी नेवत?

याकूब 5:4

दका जोन भुतियारमन तुमचो बेड़ा काटला, हुनमन चो हुन भुती जोन तुमी धोका देऊन भाती संगालासास चिचयायसे, आउर काटतो बितामन चो गुहार सेनामन चो परबु चो कानमन लगे पहुँचुन गेलीसे।