1 थिस्सलुनीकियो 4:17 - Halbi

¹⁷ तेबे आमी जोन जीव आउर बाचुन रउन्दे हुनमन चो संगे बादरी उपरे उठाऊन निया जाऊँ दे कि लेहरा ने परबु ले मिलूं; आउर ऐई रीति ले आमी सदा परबु चो संगे रउन्दे।

परमेस्वर को सच्चो वचन ख जाननू

¹⁷ तब हम जे जिन्दा अर बचीया रहेगो उनको संग बददल पर उठा लियो जाऐगो कि हवा म मिले अर असो तरीका से हम सदा प्रभु को संग म रहेगो।

1 थिस्सलुनीकियो 4:17 Iomraidhean Croise

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

यूहन्ना 14:3

आउर अगर मय जाऊन भाती तुमचो काजे जगा तिआर करें दें, तेबे फेर ऐऊन भाती तुमके आपलो थाने धरून जायें दें कि जोन थाने मय रयें दे हुता तुमी बले राआ।”

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

प्रेरितो 1:9

ऐ बोलुन भाती हुन हुनमन चो दकते-दकते उपरे उठाया गेलो, आउर बादरी हुनके हुनमन चो आँईक ले लुकाली।

प्रेरितो 8:39

जिदलदाय हुनमन पानी थानले निकरून भाती उपरे ईला, तेबे परबु चो आत्मा फिलिप्पुस के उठाऊन निलो, आउर खोजा हुनके फेर नी दकलो, आउर हुन हरिक करते आपलो बाट थाने जाते गेलो।

1 कुरिन्थियो 15:52

आउर ऐ क्षण भर ने, टिपरी मारते ची आखरी तुरी फुकते ची होये दे। कसनबल्लोने तुरी फुका जाय दे आउर मुरदा अमर दसा ने उठाया जादे, आउर आमी बदलुन जांवा।

2 कुरिन्थियो 5:8

ऐईकाजे आमी हिम्मत बान्दते रऊ आंव, आउर देंह ले अलग होऊन भाती परबु चो संगे रतोर आउर बले उत्तम समजु आंव।

फिलिप्पियो 1:23

कसनबल्लोने मय दुनो चो मंजी ओट ने लटकले से; जीव तो चाहाय से कि देंह के छांडुन मसीह चो लगे जाऊन रयेंदे, कसनबल्लोने ऐ खुबे ची नुकु आय,

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

1 थिस्सलुनीकियो 4:15

कसनबल्लोने आमी परबु चो बचन चो अनुसार तुमनमन ले ऐ बोलु आंव कि आमी जोन जीव आंसु आउर परबु चो ऐतो दाय ले बाचुन रवां, सोहलो लोगमन ले केबीई पुरे नी बड़ दे।

1 थिस्सलुनीकियो 4:18

ऐई परकार ऐ गोठमन ले गोटक दुसर के शान्ति दिया करा।

1 थिस्सलुनीकियो 5:10

हुन आमचो काजे ऐई कारन मरलो कि आमी भले चेता रऊँ भले सोहते रऊँ, सपाय मिसुन भाती हुनचेई संगे जीऊ।

2 पतरस 3:13

मान्तर हुनचो बायदा चो अनुसार आमी गोटक नवा बादरी आउर नवा धरतनी चो आस दकु से जोन थाने धारमिकता वास करे दे।

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 11:12

तेबे हुनमन के सरग ले गोटक बड़े शब्द सुना दिली, “ऐथा उपरे ईआ!” ऐ सुनुन हुनमन बादरी थाने चेगुन होऊन भाती आपलो बयरीमन चो दकते-दकते सरग थाने चेगुन गेला।

प्रकाशितवाक्य 12:5

हुन पिला जनमाली जोन लुआ चो राज बड़गी धरून भाती सपाय जातिमन उपरे राज करतो थाने रलो, आउर हुन पिला उधापड़े माहापुरू चो लगे आउर हुनचो सिंघासन चो लगे उठाऊन भाती पहुँचाऊन दिया गेली;