1 थिस्सलुनीकियो 4:16 - Halbi

¹⁶ कसनबल्लोने परबु खुदे ची सरग ले उतरे दे; हुन समया ललकार, आउर परधान दूत चो शब्द सुना देये दे, आउर माहापुरू चो तुरी फुका जाय दे; आउर जोन मसीह ने मरला से, हुनमन पयले जीव उठ दे।

परमेस्वर को सच्चो वचन ख जाननू

¹⁶ काहेकि प्रभु तुम ही स्वर्ग से उतरेगो; वा बखत ललकार, अर प्रधान दूत को सब्द सुनाई देगो अर परमेस्वर कि तुरही फूँकी जाएगो; अर जे मसी म मरीया हैं, वी पहिले जिन्दा होयगो।

1 थिस्सलुनीकियो 4:16 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

1 कुरिन्थियो 15:18

मान्तर जोन मसीह ने मरून गेला सोत, हुनमन बले नष्ट होला।

1 कुरिन्थियो 15:20

मान्तर सत-सत मसीह मुरदामन थानले जीव उठलो से, आउर जोन सोऊन गेला सोत हुनमन थाने हुन पयला फल होलो।

1 कुरिन्थियो 15:23

मान्तर हरकोनी आपलो-आपलो बनवाड़ी ले; पयला फल मसीह फेर मसीह चो ईलो ने हुनचो लोग।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 3:11

अदायं आमचो माहापुरू आउर बुआ खुद ची आउर आमचो परबु ईशु, तुमचो थाने ऐतोर आमचो अगवाई करो;

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

2 थिस्सलुनीकियो 2:1

हे भाईमन, अदायं आमी आपलो परबु ईशु मसीह चो ऐतोर, आउर हुनचो लगे आपलो रूंड़ा होतोर चो बारे ने तुमके गुहार करूंसे

2 पतरस 3:10

मान्तर परबु चो दिन चोर चो असन ऐये दे, हुन दिने बादरी बड़े घुड़-घुड़ चो शब्द ले जाते रये दे आउर तत्व खुबे ची तपुन भाती गलुन जादे आउर धरतनी आउर हुन थानचो काम जरून जाय दे।

यहूदा 1:9

मान्तर परधान सरगदूत मीकाईल, जिदलदाय शयतान ले मूसा चो लाश चो बारे ने गोठ-बात करलो, तेबे हुनके अच्छा-खराप बोलुन दोष लगातोर साआस नी करलो मान्तर ऐ बल्लो, “परबु तुके खिजो।”

प्रकाशितवाक्य 1:10

मय परबु चो दिने आत्मा ने ईले, आउर आपलो पाटे तुरी चो असन बड़े राग ऐ बोलते सुनले,

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 8:13

जिदलदाय मय फेर दकले, तेबे बादरी चो मंजी ने गोटक उकाब के उड़तोर आउर जोर ले ऐ बोलतोर सुनले, “हुन तीन सरग दूतमन चो तुरी चो शब्दमन चो लागुन, जेचो फुकतोर ऐबे बाकी आसे, धरतनी चो रतो बितामन उपरे हाय, हाय, हाय!”

प्रकाशितवाक्य 8:2

तेबे मय हुन सातो सरग दूतमन के दकले जोन माहापुरू चो पुरे उबा रऊ आत, आउर हुनमन के सात तुरीमन दिया गेली।