1 थिस्सलुनीकियो 4:1 - Halbi

¹ ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

परमेस्वर को सच्चो वचन ख जाननू

¹ एकोलाने अरे भैय्या हुन, हम तुम से विनती करा हैं अर तुम ख प्रभु यीसु म समझावा हैं कि जसो तुम न हम से अच्छो चाल चलनो अर परमेस्वर ख खुस करनो सिखो हैं, अर जसा तुम चला भी हैं, वसा ही अऊर भी बढ़ते जाव।

1 थिस्सलुनीकियो 4:1 Iomraidhean Croise

यूहन्ना 15:2

जोन खेंदा मोचो थाने आसे आउर नी फरे, हुनके हुन गोंदुन देऊ आय; आउर जोन फरू आय, हुनके हुन छाटू आय बल्ले आउर फरो।

प्रेरितो 20:27

कसनबल्लोने मय माहापुरू चो सपाय कोशिश के तुमके पुरा ढंग ले सांगतोर ने नी झिझक लें।

रोमियो 8:8

आउर जोन देंह चो दसा ने आसे, हुनमन माहापुरू के हरिक नी करूक सकोत।

1 कुरिन्थियो 11:23

कसनबल्लोने ऐ गोठ मोके परबु ले अमरली, आउर मय तुमके बले अमराऊन दिले कि परबु ईशु जोन राती हुन धराया गेलो, रोटी धरलो,

1 कुरिन्थियो 15:1

हे भाईमन, अदायं मय तुमके हुनी नगतखबर सांगे से जोन पयले सुनान चुकले से, जोन के तुमी अंगीकार बले करू राआस आउर जोन थाने तुमी थीर बले आसास।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 5:9

ऐई लागुन आमचो मन चो उदुम ऐ आय कि भले संगे रऊं भले अलग रऊं, मान्तर आमी हुनके भावते रऊं।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 6:1

हे भाईमन, अगर कोनी माने कोनी अपराध ने धरा बले जाये दे तेबे तुमी जोन आत्मिक आसास, सोज चो संगे असन के सम्भाला, आउर आपलो बले चलाकी संगाआ कि तुमी बले परीक्षा ने नी पड़ा।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 4:20

मान्तर तुमी मसीह चो असन सिक्या नी पावलास।

इफिसीयो 5:17

ऐई लागुन बेअकल नी हुआ, मान्तर धिआन ले समजा कि परबु चो इच्छा काय आय।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 1:9

मय ऐ पारथना करें से कि तुमचो मया गिआन आउर सपाय परकार चो बिबक संगे आउर बले बड़ते जाओ,

फिलिप्पियो 3:14

चिना चो बाटे पराते जाऊँ आंय, बल्ले हुन पुरूसकार मिरो जेचो काजे माहापुरू मोके मसीह ईशु ने उपरे हाग दिलो से।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

1 थिस्सलुनीकियो 3:12

आउर परबु असन करो कि जसन आमी तुमचो ले मया संगाऊ आंव, असने ची तुमचो मया बले आपस ने आउर सपाय मानेमन चो संगे बाड़ो, आउर उन्नती करते जाओ,

1 थिस्सलुनीकियो 4:2

कसनबल्लोने तुमी जानेसास कि आमीमन परबु ईशु चो बाटले तुमके कोन-कोन बिती हुकुम अमरालु।

1 थिस्सलुनीकियो 5:12

हे भाईमन, आमी तुमचो ले गुहार करूं से कि जोन तुमनमन ने मसागत करू आत, आउर परबु ने तुमनमन चो अगुवा आत, आउर तुमके सिक्या देऊ आत, हुनमन चो मान करा।

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

2 थिस्सलुनीकियो 2:1

हे भाईमन, अदायं आमी आपलो परबु ईशु मसीह चो ऐतोर, आउर हुनचो लगे आपलो रूंड़ा होतोर चो बारे ने तुमके गुहार करूंसे

2 थिस्सलुनीकियो 3:1

आखरी ने, हे भाईमन, आमचो काजे पारथना करते राआ कि परबु चो बचन असन झटके फयलो आउर महिमा पाओ, जसन तुमचो ने होली,

2 थिस्सलुनीकियो 3:13

तुमी, हे भाईमन, भलाई करतो ने हिम्मत नी छांडा।

1तीमुथियुस 5:21

माहापुरू, आउर मसीह ईशु आउर चुनलो बितामन सरग दूतमन चो हाजिर जानुन भाती मय तुके जनाऊन देयें से कि तुय मन खोलुन भाती ऐ गोठमन के माना कर, आउर कोनी काम भेदभाव ले नी कर।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

इब्रानियो 11:6

आउर बिश्वास बिना हुनके हरिक करतोर नी होऊक सके; कसनबल्लोने माहापुरू चो लगे ऐतो बितामन के बिश्वास करतोर आय कि हुन आसे, आउर आपलो डगरातो बितामन के करलो फल देऊ आय।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

इब्रानियो 13:22

हे भाईमन, मय तुमचो ले बिनती करेंसे कि ऐ उपदेश चो गोठमन के साहा, कसनबल्लोने मय तुमके खुबे नगत ले लिकले से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।