1 थिस्सलुनीकियो 3:3 - Halbi

³ कि कोनी ऐ कलेशमन चो लागुन ऐ बाटे हुन बाटे नी जाओत। कसनबल्लोने तुमी खुद जानसास कि आमी ऐई मन चो काजे ठेबाया गेलु से।

परमेस्वर को सच्चो वचन ख जाननू

³ जसो कि कोई विस्वासी असो सताव को वजे से डगमगा नी जाय। काहेकि तुम खुद जाना हैं कि हमरो लाने असा दुख हुन को आनो जरूर ही हैं।

1 थिस्सलुनीकियो 3:3 Iomraidhean Croise

लूका 21:12

मान्तर ऐ सपाय गोठमन ले पयले हुनमन मोचो नाव चो लागुन तुमके धर दे, आउर कन्दरा दे, आउर आराधना घरमन ने सोप दे, आउर जयलघर ने ढ़पादे, आउर राजामन आउर राजपालमन चो पुरे नेदे।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

प्रेरितो 2:25

कसनबल्लोने दाऊद हुनचो बारे ने बलेसे, “मय परबु के हरमेशा आपलो पुरे दकते रले कसनबल्लोने हुन मोचो उजा पाट आसे, बल्ले मय डोलुन नी जायें।

प्रेरितो 21:11

हुन आमचो लगे ऐऊन भाती पौलुस चो कटीबंद धरलो, आउर आपलो हाथ पाँय बान्दुन भाती बल्लो, “पवितर आत्मा ऐ बले से कि जोन माने चो ऐ कटीबन्ध आय, हुनके यरूशलेम ने यहूदी ऐई रीति ले बांद दे, आउर दुसर जातिमन चो हाथे सोप दे।”

प्रेरितो 21:13

मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 5:3

मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज,

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

1 कुरिन्थियो 4:9

मोचो समज ने माहापुरू आमी पठालोबितामन के सपाय चो पाचे हुन लोगमन चो असन ठेबालो से, जेचो मरना चो हुकुम होऊन चुकली से; कसनबल्लोने आमी जगत आउर सरग दूतमन आउर मानेमन चो काजे गोटक नाटवा ठेबलु से।

इफिसीयो 3:13

ऐईकाजे मय बिनती करें से कि जोन कलेश तुमचो काजे मोके होये से, हुनचो लागुन साहास नी छांडा, कसनबल्लोने हुनमन ने तुमचो महिमा आसे।

फिलिप्पियो 1:28

आउर कोनी गोठ ने बिरूदीमन ले भय नी खाहास। ऐ हुनमन चो बिनाश चो छुकछुका चिना आय, मान्तर तुमचो काजे मुक्ति चो आउर ऐ माहापुरू चो बाटले आय।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

1 थिस्सलुनीकियो 5:9

कसनबल्लोने माहापुरू आमके रीस चो काजे नाई, मान्तर ऐईकाजे ठेबालो से कि आमी आपलो परबु ईशु मसीह चो बाटले मुक्ति परापत करू।

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

1 पतरस 2:21

आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”