1 थिस्सलुनीकियो 2:19 - Halbi

¹⁹ अच्छा आमचो आशा नाहले हरिक नाहले बड़ाई चो मुकुट काय आय? काय आमचो परबु ईशु चो पुरे हुनचो ऐतोर समया तुमी ची नी हुआस?

परमेस्वर को सच्चो वचन ख जाननू

¹⁹ भला हमरी आसा, या खुसी या बड़ाई को मुकुट का हैं? का हमरो प्रभु यीसु को जोने ओको आन को बखत तुम ही नी होन का?

1 थिस्सलुनीकियो 2:19 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

यूहन्ना 21:22

ईशु हुनचो ले बल्लो, “अगर मय चाहायें कि हुन मोचो ऐ ओत ले ठेबुन रओ, तो तुके ऐचो ले काय? तुय मोचो पाटे हो।”

1 कुरिन्थियो 15:23

मान्तर हरकोनी आपलो-आपलो बनवाड़ी ले; पयला फल मसीह फेर मसीह चो ईलो ने हुनचो लोग।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 1:14

जसन तुमीमन ले कितलोमन मानला सोत आमी तुमचो घमण्ड चो कारन आंव, असने ची तुमी बले परबु ईशु चो दिने आमचो काजे घमण्ड चो कारन ठेबासे।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

फिलिप्पियो 4:1

ऐईकाजे हे मचो लाडरा भाईमन, जोनमन थाने मचो जीव लगु रऊ आय, जोन मचो हरिक आउर मुकुट होओ, हे लाडरा भाईमन, परबु ने ऐई परकार थीर राआ।

1 थिस्सलुनीकियो 2:20

आमचो बड़ाई आउर हरिक तुमी ची आहास।

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

1 थिस्सलुनीकियो 4:15

कसनबल्लोने आमी परबु चो बचन चो अनुसार तुमनमन ले ऐ बोलु आंव कि आमी जोन जीव आंसु आउर परबु चो ऐतो दाय ले बाचुन रवां, सोहलो लोगमन ले केबीई पुरे नी बड़ दे।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

2 थिस्सलुनीकियो 2:1

हे भाईमन, अदायं आमी आपलो परबु ईशु मसीह चो ऐतोर, आउर हुनचो लगे आपलो रूंड़ा होतोर चो बारे ने तुमके गुहार करूंसे

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

याकूब 5:7

ऐईकाजे हे भाईमन, परबु चो ऐओत ले धीरज धरा। दका, किसान धरतनी चो बड़े मोल फसल चो आशा संगाते-संगाते मुयला आउर आखरी बरसा होओत ले धीरज धरू आय।

याकूब 5:8

तुमी बले धीरज धरा; आउर आपलो मन के बरसक करा, कसनबल्लोने परबु चो ऐतो बेरा लगे आसे।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

2 पतरस 1:16

कसनबल्लोने जिदलदाय आमीमन तुमके आपलो परबु ईशु मसीह चो सामरत चो आउर आगमन चो खबर देऊ रलु, तेबे हुन चलाक ले घड़लो बिती कहनीमन चो नकल नी रली मान्तर आमीमन खुद ची हुनचो परताप के दकु रलु।

2 पतरस 3:4

आउर बोल दे, “हुनचो ऐतोर बायदा काहां गेली। कसनबल्लोने जिदलदाय ले बुआ दादी सोऊन गेला से, सपाय तीज असने ची आसे जसन ब्रमांड चो मुर ले रये?”

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 22:12

“दक, मय झटके ऐतो बिता आय; आउर हरकोनी चो काम चो अनुसार पलटा देतो काजे करलो फल मोचो लगे आसे।