1 थिस्सलुनीकियो 2:12 - Halbi

¹² कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

परमेस्वर को सच्चो वचन ख जाननू

¹² कि तुमरो चाल-चलन परमेस्वर को काबिल होनो चाहिए, जो तुमका अपनो राज्य अर महेमा म बुलावा हैं।

1 थिस्सलुनीकियो 2:12 Iomraidhean Croise

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

रोमियो 8:30

फेर जोनमन के हुन पयले ले ठेबालो, हुनमन के हाग दिलो बले; आउर जोनमन के हाग दिलो, हुनमन के धरमी बले ठेबालो; आउर जोनमन के धरमी ठेबालो, हुनमन के महिमा बले दिलो से।

1 कुरिन्थियो 1:9

माहापुरू बिश्वास लायक आय, जोन तुमके आपलो बेटा आमचो परबु ईशु मसीह चो संगती ने हाग दिलो से।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

गलातियो 5:16

मान्तर मय बलें सें, आत्मा चो अनुसार चला तेबे तुमी देंह चो लालच कोनी रीति ले पुरा नी करा से।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1 थिस्सलुनीकियो 4:12

बल्ले बाहार बितामन ले मान परापत करा, आउर तुमके कोनी तीज चो घटी नी होओ।

1 थिस्सलुनीकियो 5:24

तुमचो हाग देऊ बिता बिश्वास लायक आय, आउर हुन असने ची करे दे।

2 थिस्सलुनीकियो 1:10

ऐ हुन दिने होये दे, जिदलदाय हुन आपलो पवितर लोगमन ने महिमा पावतो आउर सपाय बिश्वास करतो बितामन ने अकचकित चो कारन होऊक लाय ऐये दे; कसनबल्लोने तुमीमन आमचो गोहई थाने बिश्वास करलास।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

1यूहन्ना 2:6

जोन कोनी ऐ बोलु आय कि मय हुन थाने बनुन रऊँ आय, हुनके जरूरत आय कि खुद बले असने ची चलो जसन हुन चलते रलो।

3 यूहन्ना 1:6

हुनमन कलीसिया चो पुरे तुचो मया चो गोहई दीला सोत। अगर तुय हुनमन के हुन परकार बिदा कर से जोन परकार माहापुरू चो लोगमन काजे ठीक आय तेबे अच्छा कर से।