1 थिस्सलुनीकियो 2:1 - Halbi

¹ हे भाईमन, तुमी खुद ची जानेसास कि आमचो तुमचो लगे ऐतोर फकाहा नी होली,

परमेस्वर को सच्चो वचन ख जाननू

¹ अरे भैय्या अऊर बहिन हुन! तुम खुद ही जाना हैं कि तुम इंसान हुन को घर म हमरो आनो बेकार नी गयो।

1 थिस्सलुनीकियो 2:1 Iomraidhean Croise

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 15:2

हुनचेई बाटले तुमचो मुक्ति बले होऊ आय, अगर हुन नगतखबर के जोन मय तुमके सुनाऊ रलें सुरता संगाऊ आस; नाहले तुमचो बिश्वास करतोर फकाहा होली।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 2:2

मोचो जातोर ईश्पर परकाशन चो अनुसार होली; आउर जोन नगतखबर मय दुसर जातिमन ने परचार करें से, हुनके मय हुनमन के सांगुन दिले, मान्तर एकान्त ने हुनमन के जोन बड़े समजा जाते रवत, बल्ले असन नी होओ कि मोचो ऐ समया चो नाहले पिछला दौड़ धुप फकाहा ठेबो।

गलातियो 4:11

मय तुमचो बारे ने डरू आंय, काहांय असन नी होओ कि जोन मसागत मय तुमचो काजे करले से हुन फकाहा ठेबो।

फिलिप्पियो 2:16

कि मसीह चो दिने मोके घमण्ड करतोर चो कारन होओ कि ना मोचो परातोर आउर मचो मसागत करतोर फकाहा होली।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

1 थिस्सलुनीकियो 3:5

ऐई लागुन जिदलदाय मोचो ले आउर नी रऊक होली, तेबे तुमचो बिश्वास चो हाल जानतो काजे पठाले, कि काहांय असन नी होओ कि परीक्षा धरतो बिता तुमचो परीक्षा धरलो से, आउर आमचो मसागत फकाहा होऊन गेली से।

2 थिस्सलुनीकियो 1:10

ऐ हुन दिने होये दे, जिदलदाय हुन आपलो पवितर लोगमन ने महिमा पावतो आउर सपाय बिश्वास करतो बितामन ने अकचकित चो कारन होऊक लाय ऐये दे; कसनबल्लोने तुमीमन आमचो गोहई थाने बिश्वास करलास।

2 थिस्सलुनीकियो 3:1

आखरी ने, हे भाईमन, आमचो काजे पारथना करते राआ कि परबु चो बचन असन झटके फयलो आउर महिमा पाओ, जसन तुमचो ने होली,