1 पतरस 5:8 - Halbi

⁸ चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

परमेस्वर को सच्चो वचन ख जाननू

⁸ होसियार हो, अर जागते रह; काहेकि तुमारो बुरी करन वालो सैतान गर्जन वालो सेर को जसो यू खोज म रह हैं कि कोई ख कब फाड़ खाऐ।

1 पतरस 5:8 Iomraidhean Croise

मत्ती 13:39

जोन शतरू हुनमन के बुनलो हुन शयतान आय; काटतोर जगत चो आखरी आय, आउर काटतो बितामन सरगदूत आत।

मत्ती 24:42

ऐईकाजे चेत ने राहा, कसनबल्लोने तुमी नी जानास कि तुमचो परबु कोन दिने ऐये दे।

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 4:1

तेबे हुन समया माहापुरू चो आत्मा ईशु के छिड़ा ने निली बल्ले शयतान हुनचो परीक्षा धरो।

मत्ती 4:11

तेबे शयतान हुनचो लगले जाते गेलो, आउर सरगदूत ऐऊन भाती हुनचो सेवा करूक मुरयाला।

मरकुस 4:15

जोन बाट चो रेटे चो आत जोन थाने बचन बुना जाऊ आय, ऐ हुनमन आत कि जिदलदाय हुनमन सुनला, तेबे शयतान तुरते ऐऊन भाती बचन के जोन हुनमन थाने बुनाय जाऊ रये, उठाऊन जाऊ आय।

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

लूका 21:36

ऐईकाजे चेत ने राहा आउर हर समया पारथना करते राआ कि तुमी ऐ सपाय ऐतो बिती घटनामन ले बाचतोर आउर माने चो बेटा चो पुरे उबा होतोर लायक बना।”

लूका 22:31

“शिमोन, हे शिमोन! दक, शयतान तुमनमन के मांगलो से कि गऊँ चो असन आपटो,

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

2 कुरिन्थियो 2:11

कि शयतान चो आमचो उपरे दाँव नी चलो, कसनबल्लोने आमी हुनचो चालमन ले अनजान निआव।

इफिसीयो 4:27

आउर ना शयतान के मवका दिआस।

इफिसीयो 6:11

माहापुरू चो पूईतराय हत्यार बान्दा कि तुमी शयतान चो चालमन चो पुरे उबा रऊक सका।

1तीमुथियुस 2:15

तेबले बले बायले लेकी पिला जनमातोर लागुन मुक्ति पायेदे, अगर हुन सहन संगे बिश्वास, मया, आउर पवितरता ने थीर रओ।

1तीमुथियुस 2:9

असने ची बायले लेकीमन बले संका आउर सहन चो संगे कायसुन्दर फटीईमन ले आपन खुद के सजा ओत; ना कि केश गाततोर आउर सोना आउर मोतीमन आउर खुबे मोल फटीईमन ले,

1तीमुथियुस 3:11

असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

1तीमुथियुस 3:2

ऐ जरूरी आय कि अध्यक्ष बेकसूर, आउर गोटकी ची बायले चो मुनुक, सहन करू, सोज, समजदार, सगामान करू बिता, आउर सिकातो ने निपुन होओ।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

तीतुस 1:8

मान्तर सगामान करू बिता, भलाई के चाहतो बिता, सहन करू, नियायी, पवितर आउर शांत होओ;

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

तीतुस 2:2

बल्ले डोकरा माने हुसीयार आउर गंभीर आउर सहन करू होओ, आउर हुनमन चो बिश्वास आउर मया आउर धीरज पक्का होओ।

तीतुस 2:4

कि हुनमन जुआन बायले लेकीमन के जनाते रओत कि आपलो मुनुकमन आउर पिलामन ले मया करा;

तीतुस 2:6

असने ची जुआन मानेमन के बले समजाव कि सहन करू बिता होओत।

याकूब 4:7

ऐईकाजे माहापुरू चो आधीन होऊन जाहा; आउर शयतान चो सामना करा, तेबे हुन तुमचो लगले निकरून परायदे।

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

प्रकाशितवाक्य 12:10

फेर मय सरग ले ऐ बड़े शब्द ऐतोर सुनले, “अदायं आमचो माहापुरू चो मुक्ति आउर सामरत आउर राज आउर हुनचो मसीह चो अधिकार परकट होलीसे, कसनबल्लोने आमचो भाईमन उपरे दोष लगातो बिता, जोन रात दिन आमचो माहापुरू चो पुरे हुनमन उपरे दोष लगाया करते रलो, घसराऊन दिया गेलोसे।

प्रकाशितवाक्य 12:12

“ऐई लागुन हे सरगमन आउर हुन थाने रतो बितामन, उदुम हुआ; हे धरतनी, आउर समुन्द, तुमचो उपरे हाय! कसनबल्लोने शयतान बड़े रिस चो संगे तुमचो लगे उतरून ईलोसे, कसनबल्लोने जाने कि हुनचो खिन्डिक ची समया आउर बाकी आसे।”

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 20:2

हुन-हुन बोड़ासाप, बल्लोने जुना सांप के जोन इबलीस आउर शयतान आय, धरून भाती हजार बरक चो काजे बान्दुन दिलो,