1 पतरस 5:2 - Halbi

² कि माहापुरू चो हुन गोहड़ी, जोन तुमचो मंजी ने आसे राका करा; आउर ऐ दबाव ले नाई मान्तर माहापुरू चो इच्छा चो अनुसार हरिक ले, आउर नीच-कमाई चो काजे नाई मान्तर मन लगान भाती कर।

परमेस्वर को सच्चो वचन ख जाननू

² कि परमेस्वर उ झुंड करी, जो तुमारो बीच म हैं रख वाली कर; अऊर यू दबाव से नी अदि परमेस्वर कि इच्छा को हिसाब से खुसी से, अऊर नीच कमाई को लाने नी पर मन लगा ख।

1 पतरस 5:2 Iomraidhean Croise

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

प्रेरितो 20:29

मय जाने कि मोचो गेलो पाचे चिरतो बिती बिगवामन तुमचो ने ऐ दे जोन गोहड़ी के नी छांड दे।

प्रेरितो 21:13

मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

रोमियो 1:15

आउर मय तुमके बले जोन रोम ने रऊ आस, नगतखबर सुनातो काजे भरसक तिआर आंसे।

1 कुरिन्थियो 9:7

कोन केबे आपलो घर ले खाऊन भाती पलटन चो कामकरू आय? कोन अंगुर चो बनवाड़ी लगाऊन भाती हुनचो फर नी खाये? कोन मेंडीमन चो राका करून हुनमन चो गोरस नी पिये?

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

1तीमुथियुस 3:8

असने ची सेवकमन के बले गंभीर होतोर जरूरी आय, दुयरंगी, मतवार आउर नीच कमाई चो लोभीई नी होओ;

तीतुस 1:11

ऐ मन चो मुंह बन्द करतोर आसे। ऐ लोग नीच कमाई चो काजे गलत गोठमन सिकाऊन भाती घर चो घर नसाऊन देऊ आत।

तीतुस 1:7

कसनबल्लोने अध्यक्ष के माहापुरू चो भण्डारी होतोर लागुन बेकसूर होतोर आसे; ना टेकाहा, ना रीसाआ, ना मतवार, ना मारपेट करू बिता, आउर ना नीच कमाई चो लोभीई होओ,

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

तीतुस 3:1

लोगमन के सुद्धि दिआव कि बड़े अधिकारीमन आउर अधिकारीमन चो लगे रवत, आउर हुनमन चो हुकुम मानोत, आउर हरकोनी अच्छा काम चो काजे तिआर रवत,

फिलेमोन 1:14

मान्तर मय तुचो इच्छा बिना काई बले करतोर नी चाहाले, कि तुचो ऐ किरपा दबाव ले नाई मान्तर हरिक ले होओ।

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

2 पतरस 2:3

हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।