1 पतरस 5:1 - Halbi

¹ तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

परमेस्वर को सच्चो वचन ख जाननू

¹ तुम म जो सियाना हैं, म उन का जसो पुराना अर मसी हुन को दुख हुन ख गवाही अर परगट होन वाली बड़ाई म संग होय ख उन ख यू समझ हैं।

1 पतरस 5:1 Iomraidhean Croise

लूका 24:48

तुमी ऐ सपाय गोठमन चो गोहई आहास।

प्रेरितो 1:22

“नगत आय कि हुनमन चो ले गोटक माने आमचो संगे हुनचो जीव उठतोर गोहई होऊन जाओत।”

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 11:30

हुनमन असने ची करला; आउर बरनबास आउर शाऊल चो हाथे सियानमन चो लगे काई पटाऊन दिला।

प्रेरितो 14:23

आउर हुनमन हरकोनी कलीसिया ने हुनमन चो काजे सियान थेबाला, आउर उपास संगे पारथना करून हुनमन के परबु चो हाथे सोपला जेचो उपरे हुनमन बिश्वास करू रला।

प्रेरितो 15:4

जिदलदाय हुनमन यरूशलेम पोंचला, तेबे कलीसिया आउर पठालोबिता आउर सियान हुनमन ले हरिक चो संगे मिलला, आउर हुनमन सांगला कि माहापुरू हुनमन चो संगे होऊन भाती कसन-कसन कामकरू रये।

प्रेरितो 15:6

तेबे पठालोबिता आउर सियान ऐ गोठमन चो बारे ने बिचार करतो काजे रूंड़ा होला।

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

प्रेरितो 20:17

हुन मीलेतुस ले इफिसुस ने खबर पठालो, आउर कलीसिया चो सियानमन के हाग दिआलो।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 21:18

दुसर दिने पौलुस आमके धरून भाती याकूब चो लगे गेलो, जोन थाने सपाय सियान रूंड़ा रवत।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

2 कुरिन्थियो 5:1

कसनबल्लोने आमी जानु से कि जिदलदाय आमचो धरतनी थाने डेरा असन घर घसराया जाय दे, तेबे आमके माहापुरू चो बाटले सरग थाने गोटक असन भवन मिरे दे जोन हाथमन ले बनलो बिती घर नुआय, मान्तर नी घसरतो बिती आय।

2 कुरिन्थियो 5:8

ऐईकाजे आमी हिम्मत बान्दते रऊ आंव, आउर देंह ले अलग होऊन भाती परबु चो संगे रतोर आउर बले उत्तम समजु आंव।

फिलिप्पियो 1:19

कसनबल्लोने मय जाने से कि तुमचो गुहार चो लागुन, आउर ईशु मसीह चो आत्मा चो दान बाटले, ऐचो करलो फल मोचो मुक्ति होयेदे।

1तीमुथियुस 5:1

कोनी डोकरा के नी खीज, मान्तर हुनके बुआ जानुन भाती समजाऊन देस, आउर जुआनमन के भाई जानुन भाती,

1तीमुथियुस 5:19

काई दोष कोनी सियान उपरे लगाया जाओ तेबे बिना दुय नाहले तीन गोहईमन चो हुनके नी सुन।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 1:5

मय ऐईकाजे तुके क्रेते ने छांडुन ऐऊन रले कि तुय बाकी गोठमन के सुधार, आउर मोचो हुकुम चो अनुसार नंगर-नंगर सियानमन के नियुक्त करो।

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

2 यूहन्ना 1:1

मय सियान चो बाटले हुन चुनलो बिती बायले आउर हुनचो पिलामन चो नाव, जोनमन ले मय सते मया संगाऊ आय, आउर मात्र मय ची नाई मान्तर हुनमन सपाय बले मया संगाऊ आत जोन सत के जानोत;

3 यूहन्ना 1:1

मय सियान चो बाटले लाड़रा गयुस चो नाव, जेचो ले मय सते मया संगाऊ आंय।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।