1 पतरस 4:2 - Halbi

² बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

परमेस्वर को सच्चो वचन ख जाननू

² काहेकि आवन वालो (भविस्य) टेमं म अपनो बचो हुओ सारीरिक जिन्दगी अदमी हुन कि लोभ हुन का अनुसार नी पर परमेस्वर कि इच्छा को हिसाब से बिताया कर।

1 पतरस 4:2 Iomraidhean Croise

मत्ती 12:50

कसनबल्लोने जोन कोनी मोचो सरग चो बुआ चो इच्छा थाने चले दे, हुनी मोचो भाई, आउर मोचो भईन, आउर मोचो आया आय।”

मत्ती 20:4

आउर हुनमन ले बल्लो, ‘तुमी बले दाख चो बनवाड़ी ने जाहा, आउर जोन काई ठीक आसे, तुमके देयें दें।’ आउर हुनमन बले गेला।

मत्ती 21:31

ऐ दुनो झान ने कोन बुआ चो इच्छा पुरा करलो?” हुनमन बल्ला, “पयला।” ईशु हुनमन ले बल्लो, “मय तुमचो ले सते बलें सें कि कर धरू बिता आउर बेश्यामन तुमचो ले पयले माहापुरू चो राज ने ओले सोत।

मत्ती 7:21

“जोन मोचो ले, ‘हे परबु! हे परबु!’ बले से, हुनमन ले हरकोनी सरग चो राज ने नी जादे, मान्तर हुनी जोन मोचो सरग चो बुआ चो इच्छा थाने चलेसे।

मरकुस 3:35

कसनबल्लोने जोन कोनी माहापुरू चो इच्छा थाने चले दे हुनी मोचो भाई, आउर भईन, आउर आया आय।”

मरकुस 7:21

कसनबल्लोने भीतर ले, बल्ले माने चो मन ले, खराप-खराप बिचार, बेबीचार, चोरतोर, हत्या, दुसर चो बायले के नेतोर,

यूहन्ना 1:13

हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

रोमियो 14:7

कसनबल्लोने आमचो थानले ना तो कोनी आपलो काजे जीऊ आय आउर ना कोनी आपलो काजे मरू आय।

रोमियो 6:11

असने ची तुमी बले आपन खुद के पाप चो काजे तो मरा, मान्तर माहापुरू चो काजे मसीह ईशु ने जीव समजा।

रोमियो 6:2

केबीई नाई! आमी जिदलदाय पाप चो काजे मरून गेलु तेबे फेर पयले ले हुन थाने कसन जीवना बितावां?

रोमियो 7:4

असने ची ऐ मोचो भाईमन, तुमी बले मसीह चो देंह चो बाटले नियम चो लागुन मरलोर बनुन गेलास, कि हुन दुसर चो होऊन जाआ, जोन मरलो बितामन थानले जीव उठलो: बल्ले आमी माहापुरू चो काजे फल आनु।

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 5:17

ऐई लागुन बेअकल नी हुआ, मान्तर धिआन ले समजा कि परबु चो इच्छा काय आय।

इफिसीयो 6:6

मानेमन के हरिक करतो बितामन चो असन दकातो काजे सेवा नी करा, मान्तर मसीह चो दासमन चो असन मन ले माहापुरू चो इच्छा थाने चला,

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 3:3

कसनबल्लोने तुमी तो मरून गेलास आउर तुमचो जीवन मसीह चो संगे माहापुरू ने लुकलोर आसे।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 5:18

सपाय गोठ ने धन्यबाद करा; कसनबल्लोने तुमचो काजे मसीह ईशु ने माहापुरू चो ऐई इच्छा आसे।

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 2:1

ऐईकाजे सपाय परकार चो बईरभाव आउर छंद आउर कपट आउर कुचर आउर निन्दा के दूर करून,

1यूहन्ना 2:17

संवसार आउर हुनचो इच्छामन दुनो मेटते जाऊ आय, मान्तर जोन माहापुरू चो इच्छा थाने चलु आय हुन हरमेशा बनुन रये दे।