1 पतरस 4:14 - Halbi

¹⁴ फेर अगर मसीह चो नाव चो काजे तुमचो निन्दा करा जाये से तो तुमी धन्य आस, कसनबल्लोने महिमा चो आत्मा, जोन माहापुरू चो आत्मा आय, तुमचो उपरे छांया करू आय।

परमेस्वर को सच्चो वचन ख जाननू

¹⁴ फिर अदि मसी को नाम को लाने तुमारी बुराई की जाव हैं ते तुम भलो हैं, काहेकि बड़ाई को आत्मा हैं, जो परमेस्वर को आत्मा हैं, तुम पर छायो करिये हैं।

1 पतरस 4:14 Iomraidhean Croise

मत्ती 5:11

“धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे।

मत्ती 5:16

हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

यूहन्ना 15:21

मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।

यूहन्ना 8:48

ऐ सुनुन भाती यहूदीमन हुनचो ले बल्ला, “काय आमी नुकु नी बोलु से कि तुय सामरी आस, आउर तुचो थाने दुष्टआत्मा आसे?”

यूहन्ना 9:28

तेबे हुनमन हुनके गलत-सलत बोलुन बल्ला, “तुय ची हुनचो चेला आस, आमी तो मूसा चो चेला आंव।

यूहन्ना 9:34

हुनमन हुनके जबाप दिला, “तुय तो बिलकुल पापमन ने जनमली सीस, तुय आमके काय सिकाय सीस?” आउर हुनमन हुनके बाहरे निकराऊन दिला।

प्रेरितो 13:45

मान्तर यहूदी भीड़ के दकुन भाती डाह ले भरला, आउर निन्दा करते-करते पौलुस चो गोठमन चो बिरूद ने बोलुक मुरयाला।

प्रेरितो 18:6

मान्तर जिदलदाय हुनमन बिरूद आउर निन्दा करूक मुरयाला, तेबे हुन आपलो फटीई फाफडून भाती हुनमन ले बल्लो, “तुमचो लऊ तुमचेई टोडरा थाने रओ! मय निर्दोष आंय। अदायं ले मय दुसर जातिमन चो लगे जायें दें।”

प्रेरितो 28:22

मान्तर तुचो बिचार काय आसे? हुनी आमी तुचो ले सुनुक मन करूं से, कसनबल्लोने आमी जानु से कि हर जगा ऐ मत चो बिरूद ने लोग गोठमन करू आत।

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

2 कुरिन्थियो 12:10

ऐई कारन मय मसीह चो काजे कमजोरीमन ने, आउर निन्दामन ने, आउर दरिदरता ने, आउर उपद्रव ने, आउर संकटमन ने हरिक आंसे; कसनबल्लोने जिदलदाय मय कमजोर होऊँ आंय तेबे बलवन्त होऊ आंय।

2 कुरिन्थियो 4:10

आमी ईशु चो मरना के आपलो देंह ने हर समया धरून फिरू आंव कि ईशु चो जीवना बले आमचो देंह ने परकट होओ।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

गलातियो 1:24

आउर हुन मोचो बारे ने माहापुरू चो महिमा करते रली।

इब्रानियो 11:26

हुन मसीह चो लागुन निन्दा होतो काजे मिस्र चो भण्डार ले बड़े धन समजलो, कसनबल्लोने हुनचो आँईक फल पावतोर बाटे लागुन रये।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

याकूब 5:11

दका, आमी धीरज धरतो बितामन के धन्य बोलु आंव। तुमी तो अय्युब चो धीरज चो बारे ने तो सुनलासास ची, आउर परबु चो बाटले जोन हुनचो करलो फल होली हुनके बले जानला से, जेचो ले परबु चो खुबे करूना आउर दया परकट होऊ आय।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 3:14

अगर तुमी धरम चो लागुन दुख बले उठाहा, तेबे धन्य आस; मान्तर लोगमन चो डरालो ले नी डरा आउर ना घबराआ,

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

1 पतरस 4:16

मान्तर अगर मसीह होलोर लागुन दुख पाओ, तेबे लाज नी हुआ, मान्तर ऐ गोठ चो काजे माहापुरू चो महिमा करा।

2 पतरस 2:2

खुबे असन हुनमन चो असन ढीलाढाला कर दे, जेचो लागुन सत चो बाट चो निन्दा करा जाय दे।