1 पतरस 4:13 - Halbi

¹³ मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

परमेस्वर को सच्चो वचन ख जाननू

¹³ पर जसो जसो मसी को दु: ख हुन म सह भागी होवा हैं, खुसी मनावो, जे से ओकी बड़ाई को प्ररगट भयो बखत भी तुम खुसी से अर मगन हो।

1 पतरस 4:13 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 25:21

हुनचो मालिक हुनचो ले बल्लो, ‘धन्य, हे अच्छा आउर बिश्वास लायक दास, तुय खिन्डिक ने बिश्वास लायक रलीस; मय तुके खुबे तीजमन चो अधिकारी बनायेंदें। आपलो मालिक चो हरिक ने सामिल हो।’”

मत्ती 25:23

हुनचो मालिक हुनचो ले बल्लो, ‘धन्य, हे अच्छा आउर बिश्वास लायक दास, तुय थोड़े ने बिश्वास लायक रलीस; मय तुके खुबे तीजमन चो अधिकारी बनायें दें। आपलो मालिक चो हरिक ने सामिल हो।’”

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 5:12

तेबे हरिक आउर उदुम हुआ, कसनबल्लोने तुमचो काजे सरग ने बड़े ईनाम आसे। ऐईकाजे कि हुनमन हुन अगम गिआनीमन के जोन तुमचो ले पयले रवत ऐई रीति ले कन्दराऊ रला।

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 17:30

माने चो बेटा चो उजागर होतो दिन ने बले असने ची होये दे।

प्रेरितो 16:25

अधघर राती चो लगे-लगे पौलुस आउर सीलास पारथना करते-करते माहापुरू चो भजन गाते रवत, आउर कयदीमन हुनमन चो सुनते रवत।

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

रोमियो 5:3

मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज,

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

रोमियो 8:18

कसनबल्लोने मय समजे से कि ऐ समया चो दुक आउर कलेश हुन महिमा चो पुरे, जोन आमचो उपरे उजागर होतो बिती आय, काई बले नुआय।

2 कुरिन्थियो 1:5

कसनबल्लोने जसन मसीह चो दुखमन ने आमी खुबे शामिल होऊ आंव, असने ची आमी शान्ति ने बले मसीह चो लागुन खुबे शामिल होऊ आंव।

2 कुरिन्थियो 1:7

आमचो आशा तुमचो बारे ने जमखम आय; कसनबल्लोने आमी जानु से कि तुमी जसन आमचो दुखमन ने, असने ची शान्ति ने बले शामिल हुआ।

2 कुरिन्थियो 4:10

आमी ईशु चो मरना के आपलो देंह ने हर समया धरून फिरू आंव कि ईशु चो जीवना बले आमचो देंह ने परकट होओ।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

फिलिप्पियो 3:10

बल्ले मय हुनमन के आउर हुनचो मरून जीव उठतोर जय चो सामरत के, आउर हुनचो संगे दुकमन ने शामिल होतोर भेद के जाने, आउर हुनचो मरना चो बराबरी के पाऊक सकें

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 2:21

आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

यहूदा 1:24

अदायं जोन तुमके ठोकरना खातो ले बचाऊक सके, आउर आपलो महिमा चो भरपूरी चो पुरे उदुम आउर बेकसूर करून उबा करूक सकु आय,

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।