1 पतरस 3:9 - Halbi

⁹ खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

परमेस्वर को सच्चो वचन ख जाननू

⁹ बुरा का बदला बुरा मत कर अर नी गाली को बदला गाली नी दे; पर एका बदला आसीस ही दे, काहेकि तुम आसीस को सन्तान होन का लाने बुलायो गयो हो।

1 पतरस 3:9 Iomraidhean Croise

मत्ती 19:29

आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 5:39

मान्तर मय तुमचो ले ऐ बलेंसे कि खराप माने चो सामना नी करा; मान्तर जोन कोनी तुचो उजा गाल थाने थापड़ मारेदे, हुनचो बाटे दुसर बले फेरून देस।

मत्ती 5:44

मान्तर ऐबे मय तुमचो ले ऐ बलेंसे कि आपलो बयरीमन ले मया संगावा आउर आपलो कन्दरातो बितामन चो काजे पारथना करा,

मरकुस 10:17

जिदलदाय हुन हुता ले निकरून भाती बाट ने जाते रलो, तेबे गोटक माने हुनचो लगे पराते-पराते ईलो, आउर हुनचो पुरे मांडी टेकुन भाती हुनचो ले पचारलो, “हे बड़ीया गुरू, अमर जीवना चो हकदार होतो काजे मय काय करेंदे?”

लूका 10:25

आउर दका, गोटक नियमकारी उठलो आउर ऐ बोलुन भाती हुनचो परीक्षा करूक मुरयालो, “हे गुरू, अमर जीवना चो हकदार होतो काजे मय काय करेंदे?”

लूका 18:18

कोनी सरदार हुनचो ले पचारलो, “हे बड़ीया गुरू, अमर जीवना चो हकदार होतो काजे मय काय करें दें?”

रोमियो 12:14

आपलो कन्दरातो बितामन के आशीष दिआस; आशीष दिआस सराप नी दिआस।

रोमियो 12:17

खराप चो पलटा कोचीई ले खराप नी करा; जोन गोठमन सपाय लोगमन चो लगे नुकु आय, हुनमन चो चिन्ता करा।

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

रोमियो 8:30

फेर जोनमन के हुन पयले ले ठेबालो, हुनमन के हाग दिलो बले; आउर जोनमन के हाग दिलो, हुनमन के धरमी बले ठेबालो; आउर जोनमन के धरमी ठेबालो, हुनमन के महिमा बले दिलो से।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

इफिसीयो 4:32

गोटक दुसर उपरे किरपालु आउर करूनामय हुआ, आउर जसन माहापुरू मसीह ने तुमचो अपराध छमा करलो, असने ची तुमी बले गोटक दुसर चो अपराध छमा करा।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

इब्रानियो 12:17

तुमी जानेसास कि पाचे जिदलदाय हुन आशिष पाऊक चाह लो तेबे बेकार गेना गेलो, आउर आँसु बोहड़ाऊन-बोहड़ाऊन भाती डगरातो थाने बले मन फिराव चो मवका हुनके नी मिरली।

इब्रानियो 6:14

“मय सत-सत तुके खुबे आशीष देयें दें, आउर तुचो पिलामन के बड़ाते जायें दें।”

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।