1 पतरस 3:8 - Halbi

⁸ आउर सपाय चो सपाय गोटक मन आउर किरपामय आउर भाईचारा चो लाड़ संगातो बितामन, आउर करूनामय आउर सोज बना।

परमेस्वर को सच्चो वचन ख जाननू

⁸ अब: सब झन एक मन अर कृपामय अर भई चारा हुन को रखन वाली, अर करूनामय अर सिधो बनो।

1 पतरस 3:8 Iomraidhean Croise

मत्ती 18:33

ऐईकाजे जसन मय तुचो उपरे दया करले, असने ची काय तुके बले आपलो संगवारी दास उपरे दया करतोर नी रली?’

लूका 10:33

मान्तर गोटक सामरी यातरी हुता ऐऊन निकरलो, आउर हुनके दकुन भाती जीव दुकालो।

प्रेरितो 2:1

जिदलदाय पेन्तीकुस चो दिन ईली, तेबे हुनमन सपाय गोटक जगा रूंड़ा रवत।

प्रेरितो 27:3

दुसर दिने आमी सयदा ने लंगर डाललु, आउर यूलियुस पौलुस उपरे किरपा करून हुनके मीतमन थाने जाऊक दिलो कि हुनचो मान करा जाओ।

प्रेरितो 28:7

हुन जगा चो लगे-लगे हुन टापु चो मुखिया पुबलियुस चो भुईं रली। हुन आमके आपलो घरे नेऊन भाती तीन दिन मीत बनान मानदान करलो।

प्रेरितो 4:32

बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।

रोमियो 12:10

भाईचारा चो मया ले गोटक दुसर ले लाड़ संगाहा; आपस ने ईजीत करतो ने गोटक दुसर ले बाड़ते चला।

रोमियो 15:5

धीरज आउर शान्ति चो दाता माहापुरू तुमके ऐ बर देओ कि मसीह ईशु चो अनुसार आपस ने गोटक मन राआ।

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

1 कुरिन्थियो 12:26

ऐईकाजे अगर गोटक धड़ दुक पाऊ आय तेबे सपाय धड़ हुनचो संगे दुक पाऊ आत; आउर अगर गोटक धड़ चो बड़ाई होऊ आय, तेबे हुनचो संगे सपाय धड़ हरिक बनाऊ आत।

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 4:31

सपाय परकार चो पीता, आउर परकोप आउर रीस, आउर कोलार, आउर निन्दा, सपाय बयर भाव संगे तुमचो ले दूर कराय जाओ।

इफिसीयो 4:32

गोटक दुसर उपरे किरपालु आउर करूनामय हुआ, आउर जसन माहापुरू मसीह ने तुमचो अपराध छमा करलो, असने ची तुमी बले गोटक दुसर चो अपराध छमा करा।

फिलिप्पियो 2:3

बिरूद नाहले झूठा बड़ाई चो काजे काई नी करा, मान्तर दिनता ले गोटक दुसर के आपलो ले अच्छा समजा।

फिलिप्पियो 3:16

ऐईकाजे जोन लगले आमी अमरलु से, हुनचेई अनुसार चलु।

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

इब्रानियो 13:1

भाईचारा चो मया बनु रओ।

याकूब 2:13

कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

याकूब 5:11

दका, आमी धीरज धरतो बितामन के धन्य बोलु आंव। तुमी तो अय्युब चो धीरज चो बारे ने तो सुनलासास ची, आउर परबु चो बाटले जोन हुनचो करलो फल होली हुनके बले जानला से, जेचो ले परबु चो खुबे करूना आउर दया परकट होऊ आय।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:17

सपाय चो ईजीत करा, भाईमन ले मया संगाआ, माहापुरू ले डरा, राजा चो मान करा।

1 पतरस 5:5

असने परकार हे जुआनमन, तुमी बले सियानमन चो आधीन राहा, मान्तर तुमी सपाय चो सपाय गोटक दुसर चो सेवा चो काजे दिनता ले करांड बान्दुन राहा, कसनबल्लोने “माहापुरू मनमानीमन चो बिरूद करू आय मान्तर सोजमन उपरे अनुग्रह करू आय।”

2 पतरस 1:7

आउर भक्ति थाने भाईचारा चो लाड़, आउर भाईचारा चो लाड़ थाने मया बड़ाते जाहा।

1यूहन्ना 3:14

आमी जानु से कि आमी मरना ले नाकुन भाती जीवना ने अमरलु से; कसनबल्लोने आमी भाईमन ले मया संगाऊ आंव। जोन मया नी संगाये हुन मरना चो दसा ने रऊ आय।